radheef.info
ރަދީފު


ޓ
ނ ތާނައިގެ ވިހިވަނަ އަކުރު
މެކުނުލޯބުޅި
ނ )އ ( އެންމެކުދި ކައްޓަފުޅި
މެއްކު
ނ އޮޑިދޯނި ފަހަރުގެ ފަލި ހިފެހެއްޓުމަށް ހުންނައެތި
މެއްލަ
ނ މަތިވަޑާންގަނޑު ހިފެހެއްޓުމަށްޓަކައި ގައުފޮޅު މަތީގައި ނުވަތަ ގައުފޮޅުމަތީ ވަކަރަށް އިންދާފައި ހުންނަ މުޑި ނުވަތަ ވަކަރު
މެމްބަރު
ނ މެމްބަރު ކޮމެޓީއެއްގައި ނުވަތަ ޖަމާޢަތެއްގައި ހިމެނޭ މީހެއް
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުނުކެނޑި
ކއ (1) ހުއްޓުމެއްނެތި (2) ނިމުމެއްނެތި
މެދުބިތް
ނ (1) އިހުގެ ގޭގޭގައި މެދުއެތެރެގެއާ ބޭރުގެއާ ދެމެދުގައި ހުންނަ ބިތް (2) ގޭގެ ކޮންމެ ދެބައެއް ވަކި ކުރުމަށްޓަކައި ހުންނަ ފާރު ނުވަތަ ބިތް
މެދުކަނޑާލުން
މ (1) ވިދިވިދިގެން ކުރަމުން އަންނަ ކަމެއް ދުވަސް ކޮޅަކަށް ހުއްޓައިލުން (2) ކޮށްކޮށްހުރިކަމެއް ވަގުތު ކޮޅަކަށް ހުއްޓާލުން
މެދުއެރުވުން
މ ފަންދަމާއިރު ނުވަތަ ގަނޑު ފަންޖަހާއިރު ފަންގަނޑު އެއްވަރަށް ހިފެހެއްޓުމަށްޓަކައި ތަންތަން ކޮޅުން އެއްސުން
މެދުފަތި
ނ (1) މުންޑުގެ މެދުގައި ޖަހާ ފަތި (2) ފިރިހެނުންލާ ލިބާހާއި ކޯޓް ފަދަ އެއްޗެހީގެ ފުރަގަހު ފަތި (3) ނަމްބަރު ހެދުމުގެ ފުރަގަހު ފަތި
މެދުދޮށި
ނ (1) ދަހިކޮށް މަސްބާނާއިރު ދެވަނައަށް ހިފާދޮށި (2) މަސްދޯނި ފަހަރުގައި ގެންގުޅޭ އެންމެދިގު ދޮށްޓާއި ދެމެދުގެދޮށި
މެދުލުން
މ ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އެއްސުން
މެތުރުން
މ ބައެއްކަހަލަ ފަންޑިތަ ހަދާއިރު އެކިޔަވާ ކިޔެވުމެއްގެ ތެރޭގައި ފެންތަށްޓަކަށް ނުވަތަ އެނޫންވެސް އެއްޗަކަށް ފުމޭ ފުމުން މިގޮތަށް ފުމެމުން ކިޔަވާ ކިޔެވެއްޔަށްވެސް ކިޔަނީ މެތުރުމެވެ
މެގްޒިން
ނ ވަޒަންއަޅައިފައި ބަޑީގައި ހަރުކުރާ އާލާތެއް )މިއީ އޮޓަމެޓިކުން ވަޒަން ލައްވައިދޭ އޮޓަމެޓިކް ބަޑީގައި ހުންނަ އާލާތެކެވެ
މެޓާއޮބާފިލާގަނޑު
ނ މެޓާގަނޑަށް ކުރެހުން އަރާނެގޮތަށް ތައްޔާރުކޮށްފައި އޮންނަ ތައްގަނޑު
މެޓާގަނޑު
ނ އަލަކައްޓަލަ ހަނޑޫފަދަ ތަކެތީގައި ހަކުރުއަޅައިގެން ވަރަށް ހަރުކޮށް ހިލާ ފޮނިކާ އެއްޗެއް މި ހުންނާނީ ފަތާކޮށެވެ
މެޓްރިކް
ނ (1) މިނެކިރުމުގައި ބޭނުންކުރާ އުޞޫލެއްކަމުގައިވާ މެޓްރިކް ސިސްޓަމަށް ނިސްބަތްވާ (2) ޖީ ސީ އީ އޭލެވެލްފާހަށް ނިސްބަތްވާ
މެޓްރިކްފާސް
ނ (1) ކޮލެޖަށް ނުވަތަ ޔުނިވަރސިޓީއަށް ވަދެވޭ ފެންވަރު (2) ޖީ ސީ އީ "އޭ" ލެވެލްފާސް
މެޓްރިކްސިސްޓަމް
ނ މިނެކިރުމުގައި ބޭނުންކުރާ ޑެސިމަލް އުޞޫލަށް ހަމަޖައްސައިފައިވާ ވަޒަންތަކެއް މިވަޒަންތަކުގައި ބޭނުންކުރަނީ މީޓަރާއި ކިލޯގުރާމާއި ލިޓަރެ ކެވެ
މެޝިން
ނ (1) ތަފާތު ބައިތަކެއް ރާވައިގެން ހަދައިފައި ހުންނަ އަމިއްލައަށް ނުވަތަ ޗާބީދީގެން ނުވަތަ ކަރަންޓުން ނުވަތަ ބެޓެރީން އަދި އެނޫންވެސް ހަކަތައަކުން އަމިއްލައަށް ހިނގާ ވަކިވާޖިބެއް އަދާކޮށްދޭ އެއްޗެއް (2) މަޖާޒު: މަޚުލޫޤުން (3) ސަރުކާރު ނުވަތަ ކަމެއްހިންގާ އިދާރާ