radheef.info
ރަދީފު


ވ
ތާނައިގެ ނުވަވަނަ އަކުރު
ހުދުކައިރު
ނ (1) ބޭސްހަދަން ގެންގުޅޭ ކައިރެއް (2) އާދައިގެ ކައިރަށްވުރެ ކުލަމަޑު ކައިރުގެ ބާވަތެއް
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި
ހުދުކާފޫރު
ނ ހޫނުގަދަ ރަށްރަށުގައި ވަރަށްގަދަޔަށް ހެދިފައިހުންނަ ފެހިކަންގަދަ ގަހަކުންނެގޭ ތަތްކަންބޮޑު ކިރެއް މިދިޔާނުވެ އާތްވަށް އަރައިގެންދެއެވެ މިއީ ބޭހަށައާއި ޚަނޫޠު ހެދުމަށް ބޭނުންކުރާ އެއްޗެކެވެ
ހުދުކިއްތާނި
ނ ހުދުސުތުލި ވަކައިން ވިޔެފައި ހުންނަ ބޯ ފޭރާން
ހުދުކޮކާބޮލި
ނ (1) ކޮކާބޮލީގެ ހުދުވައްތަރު (2) ލައްޖެހިކޮކާބޮލި
ހުދުއަސޭމިރުސް
ނ ތޮށިފިލުވައިފައި ހުންނަ އަސޭމިރުސް
ހުދުއިސްބަގުލު
ނ އިސްބަގުލުގެ ހުދުބާވަތް
ހުދުއިސްޕިރިޓް
ނ ސާފުކޮށްފައިވާ އިސްޕިރިޓް
ހުދުއުއްދަނޑި
ނ އުއްދަނޑީގެ އެންމެމޮޅު ބާވަތް މީގެ ބޭރު ހުންނަނީ މަޑުފެހި ކުލައެއްގައެވެ
ހުދުއޮށަނި
ނ އޮށަނީގެ ހުދުވައްތަރު
ހުދުވައިގުގޫ
ނ އާދައިގެވައިގުގުލަށްވުރެ ސާފުކޮށް ހުދުކޮށް ހުންނަ ވައިގުގުލެއް
ހުދުވެސްލީނު
ނ ތަކެތިއެއްނުކޮށް ހުންނަ ބޭހަށް ގެންގުޅޭވެސްލީނު
ހުދުމަޅު
ނ ބޭހަށްގެންގުޅޭ ވައްތަރެއްގެ ލާއްޓެއް
ހުދުމާވަހަރު
ޏ ހުދުއަޅިކުލައިގެ މާވަހަރު
ހުދުމިރުސް
ނ އަސޭމިރުހުގެ ހުދުބާވަތް
ހުދުމިޔާނގު
ނ މިޔާނގުގެ ދޮންބާވަތް
ހުދުފުށް
ނ (1) ހުދުކުލައިގެ ފުށް (2) ބަނޑުފުށް މިބަސްގިނައިން ކިޔައިއުޅެނީ މަސްމަހާމެހީގެ ބަނޑުފުށަށެވެ
ހުދުފުށްވުން
މ (1) މަސްމަހާމެހި ބަލިވެ ވަރުދެރަވެގެން ނުވަތަ މަރުވެގެން ބަނޑުފުށް މައްޗަށްޖެހުން. (2) މަޖާޒު: އެމީހެއްގެ ދިރިއުޅުމުގައި ކުރާ މަސައްކަތް ނުވެވޭގޮތްވެ ގޮތް ހުސްވުން
ހުދުފޫއެނބުރި
ނ ފޫއެނބުރީގެ ތެރޭގައި ހުންނަ ހުދުކުލައިގެ ބާވަތް
ހުދުތަން
ނ ލޮލުގެބައްޔެއް ލޮލުގެ ކަޅުކަޅީގައި މަލެއްގެ ސިފައަށް ނުވަތަ ހުނޅުބެއްގެ ސިފައަށް ޖަހާ ހުދު ތަންކޮޅެއް