radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ޕޯސްޓުކުރުން
މ ޕޯސްޓްމެދުވެރިކޮށް ފޮނުވުމަށް ބޭނުންވާ ތަކެތި ޕޯސްޓަށް ލުން ނުވަތަ ޕޯސްޓް އޮފީހާ ހަވާލުކުރުން
ޖަހަލާކޮޅުހެދުން
މ ގަނޑުވަރުތެރޭ ބޭފުޅުން ރައްކާވާއިރަށް ތަރަފަނަހަދައި ތައްޔާރުކުރުން މިތަރަފަނަ ރައްކައުކުރަނީ ޖަހަލާޔަށް އަޅައި މަތި ބަންދުކޮށްގެނެވެ
ޖަރީކުރުން
މ (1) ވިދާ އެއްޗެހިތަކުން ކުރެހުން އެޅުން ނުވަތަ ޒީނަތްތެރި ކުރުން (2) ކަސީދާކުރުން
ޖަވާބު
ނ (1) ޒުވާބު (2) ލިޔެވޭ ނުވަތަ ބުނެވޭ އެއްޗަކާމެދު ބުނާބަސް (3) ހިސާބު ޢިލްމުގެ ބަހުރުވައިގައި ސުވާލެއްގެ ނުވަތަ ނަންބަރެއްގެ ޙައްލު (4) ސިޓީއެއް ނުވަތަ މެސެޖަކަށް ދޭ ރައްދު (5) ޤާނޫނީ ބަހުރުވައިގައި އަނެއްފަރާތެއްގެ ވާހަކަޔަށް ކުރާއިންކާރު ނުވަތަ ޤަބޫލު ނުކުރާ ނުކުރުން (6) ދޭރައްދު
ޖަލްސާކުރުން
މ (1) މަޖްލިސްކުރުން (2) މަޖާޒު: ޖަމާޢަތެއްގެ ތެރޭގައި ތިބޭ ދެމީހަކު އެހެން މީހުންނަށް ނޭނގޭގޮތަށް އަމިއްލަ ވާހަކައެއް ދެއްކުން
ޖާނުދިނުން
މ މަޖާޒު: (1) ކަމަކާ ދޭތެރޭ މާބޮޑަށް މަސައްކަތް ކުރުން (2) މީހަކަށްޓަކައި ފިދާވުން
ޖިހާދުކުރުން
މ ދީނާއި ޤައުމު ހިމާޔަތް ކުރުމަށްޓަކައި ހަނގުރާމަކުރުން
ޖިމާޢުވުން
މ (1) ވަޠީވުން (2) އެއްދާންކުރުން
ޖެހުން
މ (1) މީހެއްގެ ނުވަތަ ޖަނަވާރެއްފަދަ އެއްޗެއްގެ ގައިގައި ބޮނޑި ޔެއް އެޅުން. (2) ދެމީހެއްގެ ދެމެދުގައި އަރާރުން ނުވަތަ ދެކޮޅު ވެރިކަން އުފެދޭގޮތްވުން (3) ބައެއްކަހަލަ ތަކެތި ހެދުން މިސާލު: )ހ( ބުޅިޖެހުން )ށ( ހުޅިޖެހުން )ނ( ގޮނޑިމޭޒުފަދަ ތަކެތި ޖެހުން (4) މިޔުޒިކުގެ ބައެއްކަހަލަ ތަކެތި ކުޅުން މިސާލު: )ހ( ބެރުޖެހުން )ށ( ތަބުލާޖެހުން (5) ދެމީހަކު ނުވަތަ ދެއެއްޗެއް އައިސް ލައިގަތުން (6) ބައެއްކަހަލަ އެއްޗެހި ވެއްދުން މިސާލު: )ހ( ބަސްތާ އަށް ބަންބުޑި ޖެހުން )ށ( މޮހޮރުޖެހުން (7) ކިޔުމުގައި ނުވަތަ ޓައިޕުން ލިޔުމުގައި ކުށެއްވުން މިސާލު: )ހ( އޭނާ އަލްޙަމްދު ކިޔެވިއިރު ވަރަށް ގިނަ ކުށްޖެހުނެވެ )ށ( މިލިޔުން ކުށް ނުޖަހައި ޓައިޕް ކުރެވޭތޯ ބަލާށެވެ (8) ބައެއް ކަހަލަ ކަންތައްކުރުން މިސާލު: )ހ( ކުޅުޖެހުން )ށ( ދަނޑިޖެހުން )ނ( ބަޑިޖެހުން )ރ( ފަލިޖެހުން (9) ބައެއް ހާލަތުތައް މެދުވެރިވުން މިސާލު: )ހ( ބަނޑަށް ޖެހުން )ށ( ބިތްޖެހުން )ނ( ލޯބިޖެހުން )01( ދަތީގައި ނުވަތަ މަޅިފަތީގައި ތިބުން މިސާލު: )ހ( ދަތީގައި ޖެހުން )ށ( މަޅިފަތީގައި ޖެހުން (11) ތަތްކުރުން މިސާލު: )ހ( ސިމެންތިޖެހުން )ށ( މުށިޖެހުން
ޖެއްސުން
މ (1) ޖެހުން މިބަސް ކުރުވުމުގެ މާނައިގައި ބުނާގޮތް. (2) ލޮލަށް ލިބޭ ގެއްލުމެއްގެ ސަބަބުން ނުވަތަ ލޮލަށް ކުނިކޮޅެއްފަދަ އެއްޗެއް ވެއްޓުމުގެ ސަބަބުން ލޮލުގައި އެއްޗެއް ޖެހޭހެން ހީވުން (3) މަދު އެތިއެތި ފޮދުން ބޯންދިނުން މިސާލު: )ހ( ފަނިތިކި ޖެއްސުން )ށ( ބުއްޖެއްސުން (4) ބަނދަރުކުރުން މިސާލު: މާލެ ދާނީ ގަލުފަޅުގައި ޖައްސައިފައެވެ (5) އުދުހޭ ބައެއްތަކެތި ތިރި ކުރުން މިސާލު: މަތިންދާބޯޓު ޖެއްސުން (6) އަނެކަކު ރުޅިއެރުވުމަށް ކުރާ ކަންތައް
ޖެއްސުންކުރުން
މ (1) އުނދަގޫ ކުރުން (2) ނުރުހިހުރެ ފަރުވާ ކުޑަކޮށް ކަންތައްކުރުން
ޗާބީދިނުން
މ (1) ޗާބީން ގަޑިފަދަތަކެތީގެ ކެނބު ބާރުކުރުން (2) މަޖާޒު: ރުޅިއަރުވައިލުން
ޗާޓަރު
ނ (1) މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއް ނުވަތަ ކަނޑުދަތުރުކުރާ އުޅަނދެއް އެދަތުރަކަށް ޓަކައި ކުއްޔަށް ހިފާ ހިފުން ނުވަތަ ކުއްޔަށް ދޫކުރާ ދޫކުރުން (2) އ ދ ފަދަ ބޮޑެތި ޖަމާޢަތް ތަކުގެ އަސާސީ ޤަވާޢިދު
ޗާޕު
ނ )ހ ( ފޮތްފޮތާއި ލިއުމާއި ކުރެހުން ކަރުދާހަށް ކޮޕީކުރާއިރު ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ކޮޕީ ކުރާކުރުން މިގޮތުން ކަރުދާހާއި ފޮތިފަދަ އެއްޗެތީގައި ކުރެހުންތަކާއި ޑިޒައިންތައް ޗާޕުކޮށް ހަދައެވެ މިހާރަކަށް އައިސް މިމަސައްކަތަށް ގިނައިން ބޭނުންކޮށް އުޅެނީ މިކަމަށް ހަދައިފައި ހުންނަ މެޝިނެވެ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗާޕުޖެހުން
މ ޗާޕްކުރުން
ޗިސްކުރުން
މ (1) ފިސްކުރުން (2) ތަތްކަމެއް ނުވަތަ ތެތްކަމެއް ހުރި އެއްޗެއް ކުދިކުދި ކުރުން
ޗިސްޗިސްކޮށްލުން
މ ޗިސްކުރުން މިބަސް ގަދަކުރުމަށް ބޭނުންކުރާގޮތް
ޗެޕުން
މ )މަލިކު( ޗާޕުކުރުން
ޙައްޖުވުން
މ ޙައްޖުގެ ފަރުޟުތައް އަދާކުރުން