radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ވިހަބަށި
ނ ތަރުކާރީއަށް ބޭނުންކުރާ ބަށީގެ ތެރެއިން ވައްތަރެއް )ދޮންވީމާ މިބަށި ހުންނާނީ ދޮން އަޅި ކުލައެއްގައެވެ
ވިހަބޮށި
ނ )އ ( ލޮލަށް ވެއްޓުނީމާ ދިލަނަގާ މެއްސެއް
ވިހައޮށް
ނ މަސް ފަދަ ތަކެތި މެރުމަށް )ހިފުމަށް( ރާއްޖެއިން ބޭރުން ގެނައި ކުދި ވަރުގެ އޮށެއް. މި ހުންނާނީ ގުޅައެއްގެ ސިފައިގައެވެ. ކަކުނިފިލި ފަދަ އެއްޗަކާއި އެއްކޮށްފައި ފަރުމަސް އުޅޭ ތަންތަނަށް އުކުމުން އެކައިގެން މަސް ވަރު ދެރަ ވެގެން ފެން މައްޗަށް އަރައެވެ
ވިހަފުރުއް
ނ (1) ރުއްބުޑު ފަދަ ތަންތަނުން ފަޅާ ވިނައެއް. މި ހުންނާނީ ނޫކުލައެއްގައި އިލޮށިތަކެއްހެން ހަރުކޮށްނެވެ (2) ރުއްބުޑު ފިލާ
ވިހަދަނޑި
ނ ގިނަފަހަރަށް ކަކުލުހުޅާ ތަނބިކައްޓާ ދެމެދުގައި ނަގާބައްޔެއް. މިބަލިނަގައިފިނަމަ އެހިސާބު ރަތްވެފައި އަދި ދުޅަވާނެއެވެ މީގެ ބޯކޮޅު ހުންނަނީ ތިރިއަށްކަމަށް ބުނެއުޅެއެވެ މިއީ ފައިފަލަބަލީގެ ދެވަނަ ދަރަޖައެވެ
ވިހަލަގޮނޑި
ނ (1) ފަތްޕިލާވެލީގެ ތެރޭ ހިމެނޭ ވެލެއްގެ ގޮނޑިއެއް )ވިހަނުފިލުވައި މިކައިފިނަމަ ވިހަވާނެއެވެ ( (2) ފަތްޕިލާވެލީގެ ތެރޭގައި ހިމެނޭ ވެލެއް )މިވެލުގެ ފަތް ހުންނާނީ ފަހަތުކޮޅަށް ފުޅާކޮށް ކުރީކޮޅަށް ހިމަކޮށެވެ މާ ހުންނާނީ އޯކިޑުގެ ބައެއްވައްތަރުގެ މާ ހުންނަހެން ފިޔަ ކަފިވެފައެވެ މި މާ ފަރިވީމާ ރަތްކުލައަށް ބަދަލުވެއެވެ މިއީ ގޮނޑި ފައިބާ އެއްޗެކެވެ
ވިހާރަކަ
ނ ބޭރުފުށުގެ ބަލި ބައްޔަށް ބޭނުންކުރާ ވިހަގަދަ މައުދަނީ އެއްޗެއް
ވިރިކެކޭތަކެތި
ނ ވިރުވައިގެން އެއްޗެތި ހަދައިއުޅޭ މަޢުދަނީ ތަކެތި. މިސާލު: ރަން ރިހި ލޮއި
ވިރުވައިއެޅުން
މ (1) މަޢުދަނީ ތަކެތި ވިރުވައިގެން ތައްގަޑެއް އެޅުން (2) މަޖާޒު: ރީތިކޮށް އެއްޗެހި ކިއުން
ވިޅިއަށި
ނ )ޏ.ސ.( ބަދިގޭގައި ހުންނަ އަށި. މިއަށި ހުންނާނީ ދަށުގައި ތަކެތި ރައްކާކުރެވޭހެން ބައްދައިފައެވެ
ވިއަރި
ނ )ވިޔަރި( ކުޑަކުދީން މާގަދަޔަށް އަންނަ ރުޅިގަނޑު މިރުޅިގަނޑުގައި އަމިއްލައަށް ތެޅިފޮޅި ހާނީއްކަވެސް ލިބިވެއެވެ
ވިއާގި
ނ )ވިއާގި( ހުދުހަމުގެ ބައްޔެއް މިދުޅަވަނީ އިނގިލީގެ ހުދު ހަމުގައެވެ
ވިއްސަ
ނ )ސ ( )ވިއްސާ( ދޮން ދޫނީގެ ތެރޭ އުޅޭ އަވިހި
ވިއްސާރަބަލާކަށިގަނޑު
ނ (1) ބެރޯމީޓަރ މިއީ ޖައްވީ ބަދަލުތައް އެނގޭގޮތަށް ހަދައިފައި ހުންނަ ބާވަތެއްގެ އާލަތެކެވެ (2) މަޖާޒް: ރާއްޖެބަލި ވެގެން ގައިގާ ރިހޭ މީހުންނާމެދު ދީއުޅޭ މިސާލެއް މިމިސާލުދީފައިވަނީ އެމީހުންގައިގައި ބޮޑަށް ރިއްސާން ފެށުމުން ވިއްސާރައެއް ކައިރިވާކަން އެނގޭތީއެވެ
ވިއްސާރަވިލާ
ނ ވާރެއާއި ވައި އެކުލެވިފައި ހުންނަ ވިލާ މިވިލާ ހުންނާނީ އެހެން ވިލައަށްވުރެ ކަޅުކޮންނެވެ
ވިއްޔާ
އ ސަބަބު ދެއްކުމަށްޓަކައި ދެބަހެއް ގުޅައިދޭ އަކުރެއް މިސާލު: އޭނާ ރުހެނީ ވިއްޔާ އަހަރެން އެގެއަށް ދާނަން
ވިލާމަތީވިލާލުން
މ ވިއްސާރަވިލާގެ އެއް ވިލާގަނޑު ނުދަނީސް އަނެއް ވިލާގަނޑު އައުން
ވިލާތުބަށި
ނ ވިލާތުއަލުވި ގަހުގެ ފަތާއި ގާތްގޮތަކަށް ފަތް ހުންނަ ވާކޮށް ހެދޭ ގަހެއްގެ މޭވާއެއް. މިދޮންވީމާ ހުންނަނީ ރަތްކުލަ ނުވަތަ ރީދޫ ކުލައިގައެވެ
ވިގަނިހުން
ނ މެންދުރަށް އަންނަ ހުމެއް މިއީ ވިގަނީގެ ސަބަބުން އަންނަހުމެއް ކަމަށް ބުނެއުޅެއެވެ
ވިގަނިދުނި
ނ ވިގަނީގެ އަލި. މިއަލި ފެންނަނީ އަލިފާން ކުލައިގެ ދުންޏެއްހެން ކެނޑެމުން ކެނޑެމުން ކަމަށާއި މިދުނި އަޅާފައި ހުންނަނީ ގަބުރުސްތާނަށް ކަމަށްވެސް ބުނެވެއެވެ