radheef.info
ރަދީފު


ގަތުން
މ (1) އަގެއްދީފައި އެއްޗެއް ހޯދުން (2) ބުޅީގައި މަސްޖެހުން
ވަސްއެހުން
މ )ސ ( ވަސްގަތުން
ވާރުންގަތުން
މ ތިމާގެ މިލްކުގައިވާ އެއްޗަކުން އަގުދީފައި ގަތުން
ވިރުން
މ (1) އެއްޗެއް ކޮންމެވެސް ތާސީރަކުން ގިރެމުންގޮސް ދިޔާވުން (2) މަޖާޒު: ނިހާޔަތަށް ބިރުގަތުން
ވިދިގަތުން
މ (1) ވިއްދައިގަތުން (2) ރިއްސައިގަތުން
ވިދުން
މ (1) ގުގުރާއިރުވާ އަލި ގުގުރުމުގެ އަޑަށްވުރެ ކުރިން ކުއްލިއަކަށް ވުން. (2) އިނގިލި އަތް ފައިފަދަ ތަންތާނގެ ކުރި ނުވަތަ ކޮޅު ތަނެއްގައި ވަކި ގޮތަކަށް ޖެހުން (3) ދަނޑިއެއް ނުވަތަ ދަނޑިބުރިއެއް ފަދަ އެއްޗެއްގެ ކޮޅު ވަކިގޮތަކަށް ތަނެއްގައި ޖެހުން ނުވަތަ ޖެހި ބާރުވުން (4) ބުޅީގައި އެމެއް ހަރުކުރުން (5) ބުޅީގައި މަހެއް އަޅައިގަތުން (6) އެތެރެހައްޓަށް ފުންކޮށް ކުއްލިއަކަށް އަރާ ތަދު (7) ބެބުޅުން ހުރި އަލިކަން
ވިދެބޭނުން
މ ހުސް ބުޅީގައި މަސް ބާނަމުން ގޮސް މަސްގަތުން ދޭރީ ވާން ފެށީމާ ބުޅީގައި އެމެއް އަޅައިފައި އެއްލައިގެން މަސް ބޭނުން
ވިސްނައިގަތުން
މ ދެނެގަތުން
ވުސްޖެހުން
މ (1) ކުއްލި ފުއްމައި ގަތުން (2) ނުރުހުމުގެ ސިފައާއެކު ދައްކާ ކުއްލި ގޮތެއް
ވެހޭތާފެންނެގުން
މ (1) މީހަކަށް ރަނގަޅަށް ކަމެއް ކުރިމަތިވެފައިވާ ވަގުތު އޭގެ ބޭނުން ކުރުން މަޖާޒު: (2) ލިބޭތާ ލިބިގަތުން
ވެރިކޮށްލުން
މ ތިމާގެ މިލްކެއްކަމުގައި ނުހިމެނޭ އެއްޗެއް އަމއިްލަކޮށްގަތުން
ވެރިވެގަތުން
މ (1) އަމުރުވެރިއަކަށްވެގަތުން (2) އަމިއްލައަށް ކަމަކަށް އިސްވެގަތުން (3) ކަމެއް ނުވަތަ އެއްޗެއް ނުވަތަ ތަނެއްގެ މައްޗަށް އަމިއްލައަށް ބާރު ހިންގުން
ވެޑެލީގަތުން
މ )ޏ ( އޮޅުލައިގަތުން
ވޭނޑިގަތުން
މ )ސ ( އުޅެގަތުން
މަންޖޯޅިޖެހުން
ނ (1) މީހަކާ ހިތާވެ ހެސްގަތުން (2) ކަމަކާ ނުވަތަ އެއްޗަކައިގެން ދަންޖެހެޔޭ ބުނާވަރަށް އެކަމަކައިގެން ނުވަތަ އެއެއްޗަކައިގެން އުޅުން
މަތިންބައިންޖެހުން
މ މަޖާޒު: ތިމާއާ ނުބެހޭ ކަމެއްގެ ތެރެއަށް އަމިއްލައަށް ވަދެގަތުން
މަގުހުރިފާފަބޮލުއެޅުން
)މިސާލުބަހެއް( ނުބެހޭ ކަންތަކުގެ ތެރެއަށް ވަދެގަތުން
މަސްޖެހުން
މ (1) ހަށިގަނޑު ފަލަވުން. (2) ދުމަށި ނުވަތަ ފައްލަވަ ނުވަތަ ވަށިފަދަ ތަކެތީގައި ވަކި ތަރުތީބަކުން މަސްއެތުރުން (3) ބިލެތުގައި ލައްޖެހުން (4) މަސްއައިނުން މަސްފުމުން (5) ވަދުގައި މަސްގަތުން
މަޑިއްޕުން
މ (1) އެއްޗެއްގައި ގަދަޔަށް ހިއްޕައިގަތުން (2) އެއްޗެއްގެ މުގޫ ހަރުލާގޮތަށް ތަނެއްގައި ބެއްދުން (3) މަޖާޒު: ބަޔަކު ތަނެއްގައި ގަދަކޮށްލައިގެން ތިބުން
މަޖާކުރުން
މ މާބޮޑު މަގުސަދެއްނެތި ހަމައެކަނި އުފާކުރުމުގެ ގޮތުން ސަމާސާ ކުރުމާއި ކުޅިވަރު ކުޅުމާއި ސަކަރާތް ގަތުން
މުހުލަކުރުން
ނ )ސ ( (1) މިލްކުކުރުން (2) ހޯދައި ލިބިގަތުން