radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ހިމަތޮޅިކަން
ނއނ ހެދިހުރި ހަށިގަނޑުގެ ހިމަކަން
ހިމަތޮޅިވުން
މ ހެދިހުރި ހަށިގަނޑު ހިމަވުން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިބަދަން
ނ ބޭހަށް ބޭނުންކުރާ އެއްޗެއް މީގެ ތޮށިގަނޑު ހަރުވެފައި ތޮށިގަނޑުގެ ކުލަ ހުންނާނީ ފެހިކުލައެއްގައެވެ މިއީ ކާފޫރުތޮޅިއަށްވުރެ ކުޑަކޮށް އެކަހަލަ ސިފައަކަށް ހުންނަ އެއްޗެކެވެ ބޭހަށް ބޭނުންކުރަނީ އެތެރޭގެ މަދެވެ
"ހިތި" މިބަހުގެ 5 ވަނަ މާނަބަލާ! ހިތިއެޅުން
މ ވެޔޮ ވަޅު ފަދަ ފެންފެންގަނޑުގައި ހިތި އުފެދުން
ހިތެކަންޓާ
ނ )ގ ( މަހުގެ ހިތިކަށިގަނޑު
ހިތްހަށިހަމަވުން
މ (1) ހިތާއި ހަށިގަނޑު ހަމަޖެހިފައި ހުރުން (2) ހިތްގައިމު ކަންލިބުން
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
ހިލަކަންފަތި
ނ ފަނިހަނދީގެ ބާވަތެއް މިބާވަތުގެ ހަނދި އާދައިގެ ހަންޖަށްވުރެ ދިގުވެފައި ކަންފަތްގަނޑު ވަކީން ދިގުވާނެއެވެ އެހެން ހަންޖަށްވުރެ މިމަހުގެ ކަޅުކުލަ ގަދަވާނެއެވެ
ހިލަފުއްޕުން
މ (1) ހަށިގަނޑުގެ އެކިތަންތާނގެ މަސްގަނޑަށް އަރުވާ ބާރަކުން އާދަޔާ ޚިލާފަށް އެތަންތަން ހަރުކުރުން. (2) ފުލޯކުވާހަކައިގައި އަންނަ ޞިހުރުވެރީން އެއުރެންގެ ހަށިތައް ހަދާގޮތެއް އެހެން ހެދުމަށްފަހު ކަނޑިއެއް ލޮންސިއެއް ނުވަންނަކަމަށް ބުނެވެއެވެ
ހިލިހިލާ
ނ (1) ދަގަނޑުޗޭނު (2) ދަގަނޑުން ހަދައިފައިވާ ފަލަކެވެލި
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހިޔަރިން ޖެހުން
މ ދަގަނޑުތަޅާ މީހާ ދޮންކޮށްފައިވާ ބޮޑެތި ދަގަނޑުގަނޑުގައި އަނެކަކު ބޮޑުމުށިން ޖެހުން
ހިޔަޅު
ނ ހަށިގަނޑު ބުޅަލެއްވަރުވާ ޖަންގަލީ ޖަނަވާރެއް މިއީ ވަރަށް މަކަރުވެރި އެއްޗެކެވެ
ހިޔާއެރުން
މ (1) ވިލާގަނޑުގެ ނުވަތަ ގަސްގަހާއި ގޭގެފަދަ ތަންތާނގެ ހިޔަނި އެރުން (2) ހަވީރުވެގެންގޮސް ރަށުތެރެއަށް ހިޔާ ފެތުރުން
ހީރަސް
ނ ފޮތުގެ ގަނޑުތައް ހިފެހެއްޓުމަށް ބަނދެފައި ހުންނަ ބަނުން
ހީރަސްޖެހުން
މ ފޮތުގެ ގަނޑުތައް ނުވަތަ ގަނޑުތަކެއް އެއްކޮށް ހިފަހައްޓާން ބުރަކަށި ފަރާތުން ފެހުން ނުވަތަ ބަނުން ނުވަތަ ނަރުޖެހުން
ހީރާންސި
ނ ފައްތުފިލާގެ ދަށުން ބޮޑުފަށްގަނޑުގެ ފަހަތުކޮޅުގައި ހުރަހަށް ކަނޑައި ފައްތާފިލާ މިއީ ބޮޑުފަށްގަނޑު ފޭވިޔަނުދޭން ހަރުކުރާ ފިލައެވެ
ހީރާސި
ނ އޮޑިފަހަރުގެ ކުނބުކަތްޕާ ހަމާގައި ފިލާގަނޑުމަތީ ހުރަހަށްޖަހައިފައި ހުންނަފިލާ