radheef.info
ރަދީފު


ލޯ
ނ (1) ދިރޭ އެއްޗެހީގެ ހަށިގަނޑުގައި ލައްވައިފައިވާ ފެނުމުގެ ބާރު އެކުލެވޭ ގުނަވަން. (2) ލޮއި. (3) ކާށީގެ މޫނުމަތީގައި ވަށްކޮށް ހުންނަ ތިންތަން ރުއް ފަޅަނީ މި ތިން ތަނުން ކުރެ ބޮޑުކޮށް ހުންނަ ތަނުންނެވެ
ބޮސްދިނުން
މ (1) މާތްކޮށް ހިތުމުގެ ގޮތުން އެއްޗެއްގައި ނިއްޖެއްސުން ނުވަތަ އެއްޗެއްގައި އަތްލައިފައި ނިތުގައި އަތްޖެއްސުން (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުން ފަތުން ދަމާލުން (3) ދޮންދިނުން
ބޮޑަހަނދި
ނ ފަރުމަހުގެ ބާވަތެއް މިއީ ފަޅުފަޅާއިފަރުގެ ގާތަކުގެ ތެރޭގައި އައިން ހަދައިގެން އުޅޭމަހެކެވެ މިމަހުގެ ލޯބޮޑުވެފައި ހުޅުނބު ގިނަވާނެއެވެ ތާފަތުގެ ކައިރީގައި ކަށްޓެއްހުންނާނެއެވެ މިއީ ރީނދޫ މަހާއި ދާދިއެއް ވައްތަރަކަށްދާ މަޑު ފިޔާތޮށިކުލައެއް ހުންނަ މަހެކެވެ
ބޮޑުބުމަރު
ނ ފިލާފޮތި ބުމަރު. މިއީ ނަނުގަނޑު ބުމަރަށް ވުރެ މާބޮޑު ބުމަރެކެވެ. މިބުމަރު ޖަހަނީ ނަނުގަނޑުގެ އެއްކޮޅު ބުމަރުގައި އޮޅަމުންގޮސް މަތީ ކައިރިޔާ ހަމަވީމާ ބާކީ އޮންނަ ކޮޅު ފިލާ ފޮތީގެ މެދުގައި ހުންނަ ލޯވަޅަކުން މަގަތު ފަރާތަށް ލައްވައި ފިލާ ފޮއްޗާއެކު ހިފަހައްޓައިފައި ބާރަށް ދަމައިގަތުމާއެކު ބުމަރު ހިފަހައްޓަން ޖައްސައިފައި ހުރި އިނގިލި ނައްޓައިލަނީއެވެ މިބުމަރު އެނބުރެމުންދާއިރު ވަރަށް ރީތި ބޫން އަޑެއް އިވޭނެއެވެ
ބޯށިމައުފުސް
ނ ލޮލުގެ ބައްޔެއް މިބައްޔަކީ ލޮލުގެ ކަޅުކަޅީގައި ބޯށިމާގަނޑުގެ މަލެއްހެން ބޯކޮށް ހުންނަގޮތެއް ނުކުންނަ ބައްޔެކެވެ މިބަލި ޖެހުނީމާ ލޯ އަނދިރިވާނެއެވެ
ބޯބޯބޮއްތަލޯ
ނ ކުޑަކުދީންގެ އަތްތިލައިގައި އިނގިލި ތަޅަމުން ކިޔާބަންޖެއްގެ ނަން. އެއީ ބޯބޯ ބޮއްތަލޯ ދެފަނިކާ ފެންބަތޯ އޮޑިވަތު ދިޔަ ހިއްކަތޯ ބޯލަ ގެނައި މަސްފަތަފޮޅި ކާލައިގެން ބޯލަ ހޯދަން އަރާއަރާ ފައިބާ ފައިބާ
ބޯކެނޑުން
މ (1) ބޮލާ ހަށިގަނޑާ ވަކިކުރުން (2) އިސްކުރުބޯ ފެތޭވަރަށް ލޯވަޅުގެމަތި ބޮޑުކޮށްލުން
ބޯވަތް
ނ އުށްޖެހި މަރުވަޅީގެ އުށުގެމަތީގައި ހުންނަ ލޯގޮބު
ޅޮނގު
ނ ފަރުމަހުގެ ބާވަތެއް. މިއީ ލޯބޮޑު ހުޅުނބު ބޯ ހުދުކުލައާއި މަޑުމުށި ކުލައެއް ހުންނަ ވަރަށް މަޑުމަޑުން ދުވާ މަހެކެވެ
ކަހުލޯ
ނ ކަފުލޯ
ކަށަ
(1) މޫދުގައި މަސްބާނަން އަރައިތިބޭން ޖަހާފައި ހުންނަ ކަނިގަނޑު (2) ކަޑަ (3) ތިލޯށި (4) ކޮޅަށްޖަހާ ދަނޑި
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަނބާ
ނ (1) އަންހެނުންގެ މަތީ ދަރަޖައިގެ ނަމެއް އިހުގައި މިނަން ކިޔައި އުޅުނީ ގަނޑުވަރު ތެރޭގެ ބޭފުޅުންނަށެވެ (2) ޅެމުގައި އަންހެނުންނަށް ލޯބީން ކިޔާނަމެއް
ކަނބުލޮ
ނ (1) އަންހެނުންނަށް ކިޔައިއުޅޭ ނަމެއް (2) އަންހެން ދަރީންނަށް ލޯބީންކިޔާނަމެއް
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނޑުކަޅުއޮށް
ނ ކަޅުއޮށުގެ ބާވަތެއް. މިއީ ފުންވިލުވިލާއި ތިލަފަޅުފަޅުގައި އުޅޭ މަހެކެވެ. މަހުގެކުލައަކީ ކަޅުރަތްކުލައެވެ މަހުގެ ތުނބުންފެށިގެން ލޯ ހުރަސްކޮށް ދެވަނަ ކޮތަރިބައިނިމިފައިވާހިސާބަށް ކަޅުކުލައިގެ ފުޅާރޮނގެއްހުރެއެވެ މިރޮނގުގެ ފަހަތުން މަހުގެނިގޫ ކޮޅުގައިކަޅުކުލައިގެ ލަފެއްހުރެއެވެ
ކަނޑުއުނިޔަ
ނ ފަރުމަހުގެ ބާވަތެއް. މިއީ ހަށިގަނޑު ފުޅާކޮށް ހުންނަ މަހެކެވެ. މިމަހުގެ ލޯ ބޮޑުވެފައި އަނގަ ކުޑަވާނެއެވެ. މަހުގެކުލައަކީ ރިހިއަޅިކުލައެވެ. މަހުގެ ކަރުތާފަތްމަތީގައްޔާއި ތުންކޮޅުގައި ނޫކުލައިގެ ތިކިތަކެއް ހުރެއެވެ
ކަނޓަ
ނ )ގ ( (1) މޫދުގައި ހުންނަ ތިލޯށި (2) އެއްގަމުގައި ޖަހާ ކަޑަ
ކަނުލޯބި
ނ (1) އުނިސިފަތައް ނުފެންނަ ލޯބި (2) ދޮންފުތު ލޯބި
ކަނޮޅި
ނ މިޔަރުގެ ބާވަތެއް. މިއީ ބޯވަށްކޮށް ހުންނަ އުރަހަ ގިނަ ކަޅުކުލައިގެ މިޔަރެކެވެ ލޯހުންނާނީ ބޮލުގެ ދެއަރިމަތީގައެވެ
ކަންނާޑި
ނ މޫނުބަލާ ލޯގަނޑު