radheef.info
ރަދީފު


ލެއް
ނ ކުޅިވަރެއްގެ ނަން މިއީ ބިންމަތީގައި ދިގަށާއި ހުރަހަށް ރޮނގުތަކެއް އަޅައިގެން ކުޅޭ ކުޅިވަރެކެވެ މި ކުޅިވަރު ކުޅޭނީ ޢީދުތެރޭގައެވެ
ބަރުމާކުރެހުން
ނ ލާފެން ކުރުމުގައި އަޅާ ކުރެހުމެއް މިކުރެހުމުގައި މަލެއް ފަތެއް ވަކިން އެނގޭކަން ނުހުންނާނެއެވެ
ބަބުރުފަޅޯ
ނ ދޮންވީމާ ވަރަށް ފަނޑު ރިއްސެޔޮކަމެއް ނޫނީ ފާޅުނުވާ ވަރަށް ގަދަކަޅު ފެހިކުލައެއްގެ ފަޅޮލެއް ފަޅޮލުގެ ސިފަ ހުންނާނީ ދިގުކޮށް ހުރެފައި ފޫވަށްކޮންނެވެ
ބަކާވެލީމާ
ނ މީރުވަހެއްދުވާ ހުދުކުލައިގެ މަލެއް މިމާ އަޅާގަހުގެ ގަސްގަނޑު ހުންނާނީ ރީނދޫ ކުލައިގައެވެ
ބައިކުޅަނދު
ނ ކުޅަނދެއްގެ ދެބއަިކުޅަ އެއްބައިގެ ބަރުދަން. މިއީ ރާތަލެއްގެ ސާޅީސްބައިކުޅަ އެއްބައެވެ
ބައިގާ
ނ (1) ރާތަލެއްގެ އަށްބައިކުޅަ އެއްބައި (2) ގަލެއްގެ ދެބައިކުޅައެއްބައި
ބައްދުރުމާ
ނ ރަތް ކުލައިގެ ކުރެހުމެއް އަޅައިފައި ހުންނަ ރުމާލެއް މިއީ އިހުޒަމާނުގައި ބަދަވިން ބޮލުގައި އަޅައި އުޅުނު އެއްޗެކެވެ
ބައްޖެހުން
މ )ސ ( (1) ފޮތްލެއްޕުން (2) ކަންފަތްބައްވުން
ބަދަހި
ނއ (1) ފޭރާންހެޔޮ (2) ހަދައިފައިހުރިލެއް ވަރުގަދަ (3) ގުޅުންރަނގަޅު (4) ވަތްގާތް
ބަދަހިކަން
ނއނ (1) ފޭރާން ހެޔޮކަން (2) ހަދައިފައި ހުރިލެއް ވަރުގަދަކަން (3) ގުޅުން ރަނގަޅުކަން (4) ވަތްގާތްގާތްކަން
ބަދަހިވުން
މ (1) ފޭރާން ހެޔޮވުން (2) ހަދައިފައި ހުރިލެއް ވަރުގަދަވުން (3) ގުޅުން ރަނގަޅުވުން (4) ވަތްގާތްވުން
ބަދަބަދަވެޔޮ
ނ ތަނޑުގަނޑު ހަތަރުއަރިއަށް ބަދަބަދައަށް ހުންނަވެލެއް މީގެ ކޮންމެ ބަދައަކުން ކުޑަފަތެއް ފަޅަމުން ހެދެއެވެ މިހެދެނީ ވެލަނބުލިވެޔޮ ފާޑަށެވެ މިވެލުގެ ތަނޑުގަނޑު ވަރަށް މަޑުވާނެއެވެ
ބަދަވި
ނއ (1) ހަށިގަނޑު ވަރުގަދަ (2) ހެދިފައި ހުރިލެއް ގަދަފަދަ
ބަދަވީން
ނ (1) ހަށިގަނޑު ވަރުގަދަ މީހުން (2) ހެދިފައި ހުރިލެއް ގަދަފަދަ މީހުން
ބަތާހިނގުން
މ އިހުގައި އީދު ބާރަ ދުވަސްދުވަހު ޞަލަވާތްފުޅު ކިޔަވަން ބައިހަދައިފައި ގޭގެޔަށް ހިނގުން. މިބައިމީހުން ހިނގާނީ ބޮލުގައި ފޮށާއޮޅައިގެން ނުވަތަ ރުމާލެއް އަޅައިގެންނެވެ
ބަލާފާވުން
މ (1) މުޞީބާތެއް ފެށުން (2) އުނދަގުލެއް ފެށުން
ބަލިހެލުން
މ (1) މީހެއްގެ ހުންނަ ވިޔާނުދާ ހަޑިހުތުރު ޢަމަލެއް ތަކުރާރު ކުރުން (2) ދާއިމީ ބައްޔެއް ހުރުމާއެކު ދުވަސް ދުވަސްކޮޅުން ބަލިނުބައިވުން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބާލިސްލެއްވުން
މ އޮޑިދޯނިފަދަ ތަކެތީގެ ފަށަށް ބިންމަތިން ހިއްލައިލުމަށްޓަކައި އޮޑިގަނޑުގެ ދެފަރާތުގައި ހަތަރެސްކަން ހަމަވާގޮތަށް ރުއްގުޅިލެއްވުން
ބާލިޣުވުން
މ (1) ފިރިހެންކުއްޖާއާއި އަންހެން ކުއްޖާއަށް ފަނަރަ އަހަރު ފުރިހަމަވުން (2) ފިރިހެނުން ކުއްޖާ ނުވައަހަރަ ފުރުމަށް ފަހު ނިދީގައި ނުވަތަ އެހެން ޙާލެއްގައިވިއަސް މަނިބޭރުވުން (3) އަންހެންކުއްޖާ އަށް ނުވައަހަރު ފުރުމަށްފަހު ޙައިޟުވުން (4) ބޮޑުވުން މިބަހުގެ 4 ވަނަ މާނަ
ބިނާ
ނ (1) އިމާރާތް (2) ރާނައި ހިޔާކޮށްފައި ހުންނަތަންތަން މަޖާޒު: (3) އަސްލެއްގެ މައްޗަށް ބުރަވާ ބުރަވުން (4) އަސްލެއްގެ މައްޗަށް ލެނބޭލެބުން