radheef.info
ރަދީފު


ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ހުނިޖެހުން
މ (1) ބިލެތްގަނޑުގެ ހުނގުޅުގައި ހުނިކޮޅެއް ތަތްކުރުން (2) ވައްތައް ގާތްކޮށް ހުންނަ ކެޔޮގަނޑު ފަދަ ތަކެތި ގުނުމުގައި ބިލެތް ހުނިން ފާހަގަ ޖެހުން (3) މަޖާޒު: ވަކިފަރާތަކަށް ނުވަތަ ވަކި ސިފައަކަށް މީހަކު ޚާއްޞަކޮށްލުން
ހުންވިހެލުން
މ ހަށިގަނޑުން ހުމުގެ ހޫނުކަން ފިލުން
ހުރަގެޖެހުން
މ (1) ހުރަގެއަށްލުން (2) ޖަލަށްލުން
ހުރަސްކުރުން
މ (1) ކަޑައްތުކުރުން (2) ކުރިކެނޑުން (3) ދިގަށް އޮތް އެއްޗެއް ހުރަހަށް އަނބުރާލުން (4) އެއްފަރާތުން އަނެއް ފަރާތަށް ދިއުން
ހުރާ
ނ (1) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން މިތަންތާނގައި ގަސްގަހާ ގެއްސެއްނުހުންނާނެއެވެ (2) ހުރާގަނޑު (3) ކ އަތޮޅުގެ ރަށެއްގެ ނަން
ހުރާގޭދަރިކޮޅު
ނ ރާއްޖެ އިސްލާންވީފަހުން ހަތްވަނަޔަށް ރާއްޖޭގައި ރަސްކަންކުރި ޢާއިލާ މި ޢާއިލާގެ ފުރަތަމަ ރަސްކަލަކީ ހުރާ ދޮންމަރުދުރު ފަޑިއްތަކުރުފާނުގެ ޙުސައިން ދަހަރާ ތަކުރުފާނުގެ މުޙައްމަދު ފާމުލަދޭރި މަނިކުފާނުގެ ދަރިކަލުން އަލްޣާޒީ ޙަސަން އިއްޒުއްދީނު ދޮންބަންޑާރައިންނެވެ މިޢާއިލާއިން ތޭރަ ރަސްކަލުން ރަސްކަން ކުރެއްވިއެވެ
ހުޅުވުން
މ (1) ލެއްޕިފައިހުރި އެއްޗެއްގެތެރެ ހާމަކޮށްލުން (2) ފޮށިފަދަ ތަކެތީގެ ހުޅުލައި ހަރުކޮށްފައި ހުންނަ މަތި ހާކުރުން (3) ޖެހިފިތިފައި ހުންނަ ދެއެއްޗެއް ފޭކޮށްލުން މިސާލު: )ހ( ކަތުރު ހުޅުވުން )ށ( ޗާކުފިޔޮހި ހުޅުވުން (4) ފިހާރަ މަދުރަސާ މަޢުރަޟް ފަދަތަންތަން ހަދާ ނިމިގެން އެތަންތަން ހިންގާން ފެށުން (5) އޮފީސް ފަދަ ތަންތާގެ މަސައްކަތް ހިނގާން ފެށުން
ހުކުންޖެހުން
މ ހުކުންލުން
ހުކުރުއެޅުން
މ (1) ގަސްތުގައި ހުކުރު ނަމާދު ދޫކޮށްލުން (2) ހުކުރުނަމާދު ފާއިތުކޮށްލުން
ހުއްޓައިލުން
މ (1) ނުހިނގާގޮތް ހެދުން (2) ނުގުޑާގޮތް ހެދުން (3) ނުހެލޭގޮތް ހެދުން (4) ނިންމާލުން
ހުއްޓުން
މ (1) ނުހިނގުން (2) ނުގުޑުން (3) ނުހެލުން (4) ނިމުން (5) މަރުވުން (6) )މަލިކު( ވަރިކުރުން
ހުއްޓެކުން ފަތާވަތާ
ނ )ގ ( ކުނބުގެ ދިރުނބަލުން އޮންނަވަތް
ހުވަނދުގޮށި
ނ ހުވަނދުއަޅާން ބިލެތްގަނޑަކުން ރޫޖައްސައިގެން ހަދާގޮއްޓެއް މިއީ ހުކުރު ދުވަހު ހުކުރުކުރާ ޚަޠީބެއްގެ ގެއިން މުދިން ބޭކަލަކު މިޙްރާބުގޭގައި ތިއްބަވާ ބޭކަލުންނަށް ދޭން ހުވަނދު ގެންގޮސް އުޅުނު އެއްޗެކެވެ
ހުތްދިނުން
މަޖާޒު: (1) ތިމާ ބޭނުން ގޮތަކަށް އަނެކަކު އަނބުރައިލުމަށްޓަކައި ވާހަކަ ދައްކައިގެން ހެއްލުން (2) ނުބައިކަމަކަށް ނަސޭހަތް ދިނުން
ހުލި
ނ (1) ގަސްގަހުގައިއަޅާ އާދައާއި ޚިލާފަށްކުދިވެ ބޭނުންނުހިފޭގޮތްވެފައި ހުންނަވައް. (2) މަދުނުހުންނައޮށް. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށްލިބޭންވީ ސިފަ އުނިވެފައިވާ ބާވަތް. (4) އެނދުމުގެ ސަބަބުން ނެތިގެންދާ ދިއުން. (5) ހުދުކާފޫރާއި ކަރުބޮލަކު ފަދަތަކެތި އާތްވަށްވެގެންދާ ދިއުން. (6) ލޮނުމެދު ކާފޫރުތޮޅި ފަދަތަކެތި ހިކެމުން ކުޑަވަމުންދާ ދިއުން. (7) މަޖާޒު: ވިޔަފާރީގައި ގެއްލުންވަމުންދާ ދިއުން. (8) ނއ. ހިމަ ކަމީނާ ކުޑަ މިބަސްބޭނުންކުރަނީ ފުރާނަހުރި ތަކެއްޗާ މެދުގައެވެ
ހުލިކުރުން
މ (1) ދުންގަނޑު ނުވަތަ ބިޑި ސުއްޓާ ސިގިރެޓު ފަދަތަކެތި ބޮއިބޮއި ހުސްކުރުން (2) މަޖާޒު: އަނެކެއްގެ މުދަލަށް ނުވަތަ ފައިސާއަށް ގެއްލުން ދިނުން
ހުލިވުން
މ (1) ގަސްގަހުގައިއަޅާ މޭވާ ފަދަ ތަކެތި އާދަޔާ ޚިލާފަށް ކުދިވެ ބޭނުން ހިފޭގޮތް ނުވުން. (2) މަދުހުންނަ އޮށުގައި މަދުނެތުން. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށް ލިބޭންވީ ސިފަ އުނިވެފައިވުން. (4) އެނދުމުގެ ސަބަބުން ނެތިގެން ދިއުން. (5) ހުދުކާފޫރާއި ކަރުބޮލަކުފަދަ ތަކެތި އާތްވަށް ވެގެން ދިއުން. (6) ލޮނުމެދު ކާފޫރުތޮޅިފަދަ ތަކެތި ކުޑަވަމުން ދިއުން. މަޖާޒު: (7) ވިޔަފާރީގައި ގެއްލުންވަމުން ދިއުން. (8) ނއ. ހިމަ ކަމީނާ ކުޑަ މިބަސްބޭނުން ކުރަނީ ފުރާނަހުރި ތަކެއްޗާ މެދުގައެވެ
ހޫރާލުން
މ (1) އެއްޗެއްގެ އެއްކޮޅުގައި ހިފަހައްޓައިފައި އަނެއްކޮޅު ފަރާތްފަރާތަށް ބާރަށް ގެންދިއުން (2) ނުރުހިގެން އެއްލައިލުން
ހޫރުން
މ (1) އެއްކޮޅު ހިފެހެއްޓިފައިވާ އެއްޗެއްގެ އަނެއްކޮޅު ހެލުން (2) އަވަސް އަވަހަށް ފަރާތްފަރާތަށް ދިއުން (3) މަޖާޒު: އާވާރާވެގެން އުޅުން
ހެހުން
މ (1) ފޭރާއިން ނުވަތަ އެފަދަ އެއްޗަކުން ކާށިފަދަ ބޮނބި ހުންނަ އެއްޗެހީގެ ބޮނބި ނެއްޓުން (2) ކޮޅަށް ހުރިތޫނު އެއްޗަކަށް އެތެރޭގައި ހޮއި އޮންނަ އެއްޗެއް މަތިން ވެއްޓި އެމުނުން (3) މަޖާޒު: ނަހަމަ ގޮތުން ބިކުރު ކަނޑައިލުން