radheef.info
ރަދީފު


ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ހާލުއަހުވާލު
ނ (1) ޚަބަރުދަބަރު (2) ޢާންމު ދިރއުޅުމާއި ޞިއްހީގޮތުން ޢާއިލާއާއި ތިމާ ހުރިގޮތް
ހާސް
ނ (1) ދިހަސަތޭކަ 0001 (2) ނުތަނަވަސް (3) ބަންދުކަމުގެ ސަބަބުންވާ ދަތި (4) ނޭވާލާން ވާއުނދަގޫ
ހާސްގަނޑުފޮތީތާކިހާ
ނ ކުލަކުލައިގެ ފޮތިކޮޅުތަކެއް އެއްކޮށްގެން ހަދައިފައި ހުންނަތާކިހަލެއް. މީގެ ދެބާވަތެއް ހުރެއެވެ. އެއްވައްތަރަކީ ރަތާ ހުދާ ކަޅާ ރީނދުލާ މިހަތަރުކުލައިގެ ފޮތިފޮތިކޮޅުން ގޮޅިހަމަކޮށް ހަދައިފައި ހުންނަވައްތަރެކެވެ ބޭރުގެ ތަންތާނގެ ބޮޑުން ފަގުޑިއޮޅައިފައި ހުންނަނީ މިބާވަތުގެ ތާކިހަލުގައެވެ ރާއްޖޭގެ ރަސްމީ ބަޔެއްހެދުމުގައި މިކަހަލަތާކިހާ ބޭނުންކޮށް އުޅުނެވެ އަނެއް ވައްތަރަކީ ކުލަކުލައިގެ ފަށުއިން ތަންކޮޅެއް ދިގުކޮށް ވިޔެފައި ހުންނަވައްތަރެކެވެ އިހުގެ ސޯޅިޔާއިން އަޅާއުޅުނީ މިކަހަލަތާކިހަލެވެ
ހާޑުކިއްލާ
ނ (1) ބޭނުންނުހިފޭ ތަކެތި ލާތަން (2) އުކައިލަންވެފައިހުންނަ ތަކެތި ފަހަރެއްގައި ބޭނުންހިފިދާނޭ ކަމަށްޓަކައި އުކާނުލާ ބަހައްޓާތަން
ހާޑުމަޅި
ނ ރިޔަލުގާ ހާޑުލާން ބޭނުންކުރާ ވަޅުގައި ފަރުމާނާއެކު ކުނބު ކުރީގައި އަޅުވަން ހަދާމަޅި
ހާޒިރީ
ނ ގަޑިގަޑިއަށް ތަންތަނަށް ދާންޖެހޭ މީހުންނާއި އިސްކޫލަށް ދާކުދިން އެތަނަށް ދިޔަކަމަށް ފާހަގަލާ ނުވަތަ ސޮއިކުރާ ފޮތް
ހިހޫތަނުންކެއުން
މ (1) މަސައްކަތަކާއި ނުލާ މީހުންގެ ތައްޕާހުން ކައިބޮއި ހެދުން (2) މީހަކު ކުރި މަސައްކަތަކުން ތިމާ ފައިދާ ހޯދުން
ހިނދޫ
ނ )ބ ( (1) އާރުނުލާވަރުގެ ލަކުޑި (2) ގަސްގަހުގައި ގަންނަޅަވަކި (3) )ޅ ( ޅަނދޮޅު މިސާލު: މިގަހުގެ އެންމެ ހިނދޫ ކުރި
ހިނގައިލުން
މ (1) ވައިޖައްސައިލާން ނުވަތަ ހިތްފަސޭހަކޮށްލަން ގެއިން ބޭރު ކޮންމެވެސް ތަނެއްގައި ހިނގުން (2) ކަމަކަށް ތާޢީދު ކުރުމުގެ ގޮތުން ނުވަތަ ކަމަކާ ދެކޮޅު ހެދުމުގެ ގޮތުން ގިނަބަޔަކު އެކުގައި ހިނގުން
ހިނޭ
ނ (1) ވެލާ ކަހަނބު ފަދަތަކެތި ބިސް އަޅައިފައި އެތަން ފޮރުވުމަށް ފަސްގަނޑަށް ހަދާގޮތް މަޖާޒު: (2) ފަސްގަނޑު ހާވައިފައިހުންނަ ހުރުން (3) ތަންމަތިއަޅައިފައިހުރި އެނދެއްގެ ފޮތިގަނޑު ބޮނޑިކޮށްލައި ބާލިސްތަކާއި އެއްޗިހި އެފުށް މިފުށަށް ޖަހާ ޖެހުން
ހިނޭޖެހުން
މ (1) ވެލާ ކަހަނބު ފަދަ ތަކެތި ބިސްއަޅައިފައި ބިސްވަޅު ނާންގާން ފަސްގަނޑު އެގޮތް މިގޮތަށް ހޭވުން މަޖާޒު: (2) ބިންމަތީގައި ނުވަތަ ފަސް ފުންޏެއްގައި ބަކައެޅުން (3) ގައިގެ އެތަން މިތާގައި އުނގުޅޭ ގޮތަށް ބައެއްކަހަލަ މަސައްކަތް ކުރުން މިސާލު: ރިހާކުރު ނުވަތަ ދިޔާހަކުރު ފަދަ ތަކެތިން ހިނޭޖެހުން
ހިން
ނ (1) އުނަގަނޑު (2) "ހިންދިރުވުން" ބަލާ!
ހިންހަރައިލުން
މ (1) ހިންބާރުކޮށްލުން (2) ޙާޖަތަށްދިއުމަށް ބާރުލާހެން އެތެރެ ހައްޓަށް ބާރުލުން
ހިންމެވުން
މ (1) ފުއްދެވުން (2) އިލާހީ ބާރުދެއްވުން (3) އެދޭކަމެއް ޙާޞިލުކޮށް ދެއްވުން
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިރިމަގޫ
ނ ބޭސްވެރިކަމަށް ގެންގުޅޭ ފަތްޕިލާވެއްޔެއް މީގެ ފަތް ހުންނާނީ ފުސްކުލައިގައި މަގޫފަތުގެ ބައްޓަމުގައި ކުދިކޮށެވެ
ހިރިމިރިހި
ނ )މ.( ފިލާވެއްޔެއް. މިއީ މިރިހިފަތުގެ ސިފައިގައި ފަތްތައް ވަރަށް ކުދިކޮށް ހުންނަ ވިނައިގެ ތެރޭގައި ހިމެނޭ ބާވަތެކެވެ
ހިރިފާޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިއީ ކުއްޅަފިލާ ވައްތަރަށް ހުންނަ ވަރަށް ކުޑަކުޑަ ހުދުމަލެއް އަޅާ ގަހެކެވެ ބޮޑުމިންވާނީ ގާތްގަނޑަކަށް ދެހިންޗި ހާވަރެވެ ފަތްވެސް ހުންނާނީ ކުއްޅަފިލާ ފަތް ހުންނަ ގޮތަށް އެއަށްވުރެ ކުދިކޮށެވެ
ހިރިފިނޮޅި
ނ )ގ ( ހުނިގޮނޑިފިލާ
ހިރިދަކަނދާ
ނ ބޭސްވެރިކަމުގައި ބޭނުންކުރާ ފަތްޕިލާވެއްޔެއް މިއީ ބަދަބަދައަށް ހުންނަ ފަތްދިގު ވިނައެކެވެ