radheef.info
ރަދީފު


ތޮ
ނ ކަލޭ
ބުދަތޮޅި
ނ )ހ ( ފަނޑިޔާރުތޮޅި
ބުލޫކިޔާ
ނ ފަތް ހިމަދިގު ކޮށް ކައިރީގައި ތުނޑު ތުނޑު ލައިފައި ހުންނަ ވައިފިލާޒާތުގެ ތޮޅިއެއް މިއީ ވާކޮށްހެދޭ ކުޑަގަހެކެވެ
ބެން
ނ ތޮށީބޭރުން ކަނޑާގުޅިގެން ތިލަކޮށް ހުންނަ އެތެރެ އެނގޭ ފަށަލަ
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބޭރުމަތި
ނ (1) ތޮށީބޭރުން ވަތްހޭލާ ހިސާބު (2) އެއްބައްރެއްގައި ހިމެނޭ ވަކިވަކި ރަށްރަށުގެ އާބާދީއާ ދުރުހިސާބު
ބޭރުދުނި
ނ އަތޮޅުގެ އެންމެބޭރު ފަރު
ބޭރުތޮށި
ނ ރަށެއްގެ އުރަފަށުގައި އޮންނަ މައިތޮށި
ބޭސްކަރަ
ނ އަރިދަފުސް ރޯގާއަށް ބޭނުންކުރާ ދިވެހި ބޭހެއް. މިއީ ދުންނިކަފަތް ފެނުކައްކައިގެން ނުވަތަ ޅައަންނާރު ފޮޅިކޮށްގެން ހިއްތަލަފުށް ނުވަތަ ގޮދަން ފުށުގައި މަތިކަރާބޭހާ ދިޔާ ހަކުރު އަޅައިގެން ހިލާ ބޭހެކެވެ މިބޭސް ހިލުމުގައި ފޮނިތޮށި ކާފޫރުތޮޅި އަޅައެވެ ފޮނިތޮށި ކާފޫރުތޮޅި އަޅާނީ ބޭސްގަނޑު ހަރުވަމުން އަންނަ އިރުއެވެ
ބޮށިގަނޑު
ނ (1) ބޯށިގަނޑު (2) )މ ޅ ( ވެލަޔާއި ކަހަނބުގެ ތޮށިގަނޑު
ބޮނބި
ނ (1) ކާށި ގަބުޅި ފަދަތަކެތި ހެހިގެންނަގާ ތޮށިގަނޑު (2) ވިޔާމީހުންގެ ބަހުރުވައިގައި ތާންލާން ގެންގުޅޭ ފިހި
ބޮނބިފަންތޮށި
ނ ދަރަށް ބޭނުންކުރާ ބޮނތްބާއި ފަންތޮށި
ބޮނބިފަތް
ނ އޮޑިދޯނިފަހަރު ބަންނައިރު ފަތޮޅާއި ހިންމިއަށް ލުމަށް ހިލަތޮށި ނުލައި ބޮނބީން ނަގާފޮތި
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮއްތޮޑާ
ނ )ގ ( (1) ހިކިމަހުގައި އަޅާކެޔޮޅު (2) ބޮއިތޮށި
ބޮއްތޮޑޮ
ނ )ސ ( ބޮއިތޮށި
ބޮއްޔާދިއުން
މ ވާރުނަގައި އުޅުނު ޒަމާނުގައި އެކިއެކި އަތޮޅު އަތޮޅުން ފުނަވާރަށްނެގޭ ބޮލި ބަލާ ރަސްމީ ގޮތުން ހަނގުބޭކަލުން ދިއުން
ބޮޑަހަނދި
ނ ފަރުމަހުގެ ބާވަތެއް މިއީ ފަޅުފަޅާއިފަރުގެ ގާތަކުގެ ތެރޭގައި އައިން ހަދައިގެން އުޅޭމަހެކެވެ މިމަހުގެ ލޯބޮޑުވެފައި ހުޅުނބު ގިނަވާނެއެވެ ތާފަތުގެ ކައިރީގައި ކަށްޓެއްހުންނާނެއެވެ މިއީ ރީނދޫ މަހާއި ދާދިއެއް ވައްތަރަކަށްދާ މަޑު ފިޔާތޮށިކުލައެއް ހުންނަ މަހެކެވެ
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް