radheef.info
ރަދީފު


ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
މުތައްބަޚުރޮށި
ނ ދަމައިފައި އޮންނަ ފުށްގަނޑެއްގެ މައްޗަށް ކުކުޅުބިސް ނުވަތަ ތަރުކާރީ ނުވަތަ މަސްއަޅައި ފަތް ޖަހައިލުމަށް ފަހު ރަތްތޮށި ވަންދެން ފިހެ ތައްޔާރުކުރާ ކާއެއްޗެއް
މުތްތޮށި
ނ އިތާގެ އެތެރޭ ތޮށި
މެށުން
މ (1) ލަކުޑިފަދަ އެއްޗެއްގެ ބޭރު ތޫނު އެއްޗަކުން ތުނިކޮށް ކޮށުން (2) މޭވާފަދަ ތަކެތީގެ ބޭރުތޮށި ތޫނު އެއްޗަކުން އެއާ ވަކިކުރުން (3) ވެއްޓިގެން ނުވަތަ ތަނެއްގައި ޖެހިގެން ހަށިގަނޑުގެ ތަނަކުން ލޭގެ އަސަރު ފެންނަވަރަށް ހަންދިއުން (4) )ބދ ( އޮޑައު
މެއްތުން
މ ވަކަ ދަނޑިން ވަކަގަނޑު ދަމާފައި ނުވަތަ ނުދަމާތޮށިބައި ވަކި ކުރުން
މެޑަލޭވި
ނ )ޏ ( ލީތޮށި
މޮޑަލޭއު
ނ )ގ ( ލީތޮށި
މޯ
ނ (1) ވަނަށް އެއްޗެހި އަޅައިފައި ހިމުންކުރަން ނުވަތަ ގޮވާމުގެ ތޮށިފިލުވަން ތެޅުމަށް މަޢުދަނަކުން ނުވަތަ ލަކުޑިން ހަދައިފައި އޮންނަ އެއްޗެއް (2) ބޭހާއި ދަވާދުފަދަ ތަކެތި ހިމުންކުރުމަށާއި ގެށުމަށް ހިލައިން ހަދައިފައި އޮންނަ އެއްޗެއް މަޖާޒު: (3) އެއްވެސް ކަމެއް ނުދަންނަ މީހާ (4) އަންހެން ދުޅާ ފިރިހެނާ
ފަނޑިޔާރުއޮޑި
ނ މާލޭގައި އޮޑިއޮޑި މަތިން ތޮށިލައި އުޅުނު ދުވަސްވަރު އެކަމުގައި ބޭނުންކުރި އޮޑިއެއްގެ ނަން. މިސާލު: ބަންޑާރައޮޑި އަތިރީގޭ އޮޑި ސައްޔިދު ކިލެގެފާނު އޮޑި
ފަންބުޑި
ނ )ލ ( ފަންތޮށި
ފަންބުޑު
ނ (1) ފަނުގެ ރުކުގައި ހަރުވެފައި ހުންނަކޮޅުން ފެށިގެން ފަންވަތް ހުންނަ ހިސާބާ ދެމެދު (2) ފަންތޮށި ބުޑު
ފަންތޮށިބަޑި
ނ ފަންތޮށިގަނޑުގެ ބަނޑުފުށުން ބިންމަތީގައި ބާރަށް ޖަހައިގެން އިއްވާއަޑު
ފަންތޮށިފަހަރު
ނ ފަންތޮށިން ބަނދެފައި ހުންނަ ކަނދުފަތި
ފަންތޮށިފުޅައް
ނ ފަންތޮށިން އަޅައިފައި ހުންނަ ފުޅައް
ފަންތޮށިދަޅު
ނ ތާރުކު ފަންތޮށިން ހަދައިފައި ހުންނަދަޅު. މީގައި ހުންނަނީ ލާޖަހައިފައެވެ. މިއީ އިހުގައި އިންޑިޔާއިން ގެންނަ ދަޅެކެވެ. ގިނައިން ހުންނަނީ ދެފަށް ލާޖަހައި ކުރަހައިފައެވެ
ފަންތޮށިދިޔަ
ނ ފާވެފައި ހުންނަ ފަންތޮށިބުޑު ތަޅައިގެން ފެލާ ދިޔަ
ފަންގޮވި
ނ ދިރޭ އެއްޗެއް. މިއީ މަޑުފިޔާތޮށި ކުލައިގައި އޮއްޓުދެފައި ހުންނަ ފުމޭ އެއްޗެކެވެ. މިގިނައިން އުޅޭނީ ދަރު ފަން ފަދަ އެއްޗެހި ހުންނަ ތަންތާނގައެވެ
ފަންސަންގު
ނ ގަހެއްގެ ފަސްބާވަތް. މިސާލު: ކުރި މައު އޮށް މޫ ތޮށި
ފަރަށްމަސް
ނ އާންމުގޮތެއްގައި ފަރުފަރުގެ ތޮށިގަނޑާއި ވަރަށް ކައިރީގައި ބައިބަޔަށް އުޅޭ މަހެއް. މިމަހުގެ ތުން ހިބަރުގެ ތުންގަނޑާ ވައްތަރުވާނެއެވެ އަދި ނަގޫފަތުގެ ދެފަރާތުގައި ދެކަށި ހުންނާނެއެވެ
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފާނަމުޑުގައު
ނ )އ ( ތޮށިމަތީގައި ހުންނަ ވަކިފާޑެއްގެ ކުދި ސައިޒެއްގެ ގަލަކަށް ކިޔާނަމެއް