radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ހޭލަމޭލާކަށްތެޅުން
މ )ސ ( ކަންތައްތަކެއްގައި ނުވަތަ މަސައްކަތެއްގައި އަވަދިނެތި އުޅުން
ހޭޑިފޭޑި
ނ (1) ކަންތައް ކުރުމުގެ ފާޑު (2) ކަންކަމުގެ ވައްޓަފާޅި (3) މީހުންގެ އުޅުމުގައި ހުންނާންވީ ގޮތްތައް
ހޮނޑޮހެދުން
މ )ސ ( ރާޅުމުގުރާލާން ތައްޔާރުވުން
ހޮނޑޮކެޑުން
މ )ސ ( ރާޅުމުގުރައިލާން ތައްޔާރުވުން
ރަށްފުއް
ނ (1) މާލެ ފިޔަވައި ރާއްޖޭގައި މީހުންއުޅޭ ރަށްރަށް (2) ގައުމުތަކުގައި އޮންނަ ރަށްވެހިކަންކުޑަ ސަރަހައްދުތައް
ރަނިކަންކުރުން
މ (1) ރަނިކަމުގެ ވާޖިބު އަދާ ކުރުން (2) ރަސްކަލެއްގެ އަނބިކަނބަލެއްގެ ވާޖިބުތައް އަދާކުރުން
ރާއްޖެތެރެ
ނ ދިވެހިރާއްޖޭގެ ވެރިކަންކުރާ ރަށުގެ ސަރަހައްދު ފިޔަވައި ރާއްޖޭގެ އެހެން ސަރަހައްދުތައް
ރާވާތައްޔާރުކުރުން
މ (1) ނޫހެއްގައި ނުވަތަ މަޖައްލާއެއްގައި ހިމަނަންޖެހޭ ލިޔުންތައް ތަރުތީބުކޮށް ހަމަޖެއްސުން (2) ކަމެއް ނުވަތަ ކަންތައްތަކެއް ކުރަންވީގޮތް ހަމަޖެއްސުން (3) ކަމަކަށް ފަށައިގަތުމުގެ ކުރިން ކުރަންޖެހޭ ކަންތައްތައްކޮށް ނިންމުން މިސާލު: ޖަލްސާއަށް ތައްޔާރުވުމުގެ ގޮތުން ކުރަން ހުރި ކަންތައްތައްކޮށް ގަސްދުކުރެވިފައިވާގޮތަށް ހުރިހާ ކަމެއްރާވައި ނިމިއްޖެއެވެ
ރާތާގާބަރި
ނ (1) ތިލަފަތުން ކިރައި އުޅުނު ވަޒަންތައް މިއީ 4 ރާތަލުން ފެށިގެން ކުޅަނދަކާހަމައަށް ކިރާން ދަގަނޑުން ހަދައިފައި ހުންނަ ވަޒަންތަކުގެ ސެޓެވެ. މީގައި ހިމެނެނީ 4 ރާތާ 2 ރާތާ 1 ރާތާ 2 ގައު 1 ގައު 2/1 ގައު 5 ކުޅަނދު އަދި 1 ކުޅަނދެވެ (2) މަޖާޒު: މީހަކަށް ގާތްގާތުގައި ލިބިފައިތިބި ކުދިންތަކެއް
ރާގުދިގުވުން
މ މަޖާޒު: ކަންތައްކުރުމުގައި ހިސާބަށްވުރެ ލަސްވުން
ކަރާމަތް
ނ (1) ވަލީ ވެރިންފަދަ ބޭބޭކަލުންގެ ކިބައިން ފެންނަ އާދަޔާ ޚިލާފު ކަންތައް (2) ޙުރުމަތް
ކަރާމަތްތެރި
ނއ (1) ވަލީވެރި ބޭކަލުންގެ ކިބައިން ފެންނަ ޒާތުގެ އާދަޔާ ޚިލާފު ކަންތައްތައް ލިބިފައިވާ (2) ޙުރުމަތްތެރި
ކަރާމާތްތެރިކަން
ނއނ (1) ވަލީވެރި ބޭކަލުންގެ ކިބައިން ފެންނަ ޒާތުގެ އާދަޔާ ޚިލާފު ކަންތައް (2) ޙުރުމަތްތެރިކަން
ކަރި
ނ )ބ ( (1) ކުރާގަނޑު ފޮޅިފައި ހުންނައިރު ވަކިވަކީން ފެންނާން ހުންނަ ބައިތަކުގެ ތެރެއިން އެއްބައި (2) ބައެއް ގަސްގަހުގެ ފަތްފޮޅޭއިރު ނުވަތަ ތޮޅިނިކުންނައިރު ބަޑުފަތުގެ ގޮތުގައި ނިކުންނަ ތޫރި ފޮޅޭއިރު ހުންނަ ބައިތަކުގެ ތެރެއިން ބައެއް (3) ލޮނުމެދު ހެން ބޮޑިއަކަށް ހުންނަ ތަކެތީގެ ބައިތައް ވަކިވަކިކޮށްލާއިރު ހުންނަ ބައިތަކުގެ ތެރެއިން އެކަތި (4) ފިޔާފަދަ ތަކެތީގެ ފަށަލަތައް ވަކިވަކިކޮށްލުމުން އޭގެ ބައެއް (5) ފަރިވެފޮޅޭ މަލުގެ ފިއަތަކުގެ ތެރެއިން އެއްފިޔަ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކަރުނަގޭސް
ނ ލޮލުން ކަރުނަ އަންނަ ގޭސް މިގޭސް ބޭނުން ކުރަނީ މުޒާހިރާ ފަދަ އެއްވުންތައް ރޫޅައިލުމަށްޓަކައެވެ މިގޭސް ދޫކުރުމުން ލޮލުން ފެންއަންނާނެއެވެ
ކަރުބޮލަކު
ނ ނެފްތަލީނުން ތައްޔާރުކޮށްފައި ހުންނަ ގުޅައެއް މިއީ ގިނަ ދުވަހަށް ބަހައްޓައިފައި ހުންނަ ފޭރާމާއި ފޮތް ފޮތުގައި ފަނި އެޅިޔަ ނުދިނުމަށްލާ އެއްޗެކެވެ
ކަރުކޮންނަރަހަ
ނ ދުންބޯއިރު ލާރަހައެއް އެއީ ދުންފަތް މޮޑެވޭ ގޮތަކުން ރަހަތައް ހެޔޮވަރު ނުކުރެވުނީމައި ލާ ރަހައެކެވެ
ކޯޑު
ނ (1) ވަލެއްގެކޮޅުން ދަމައިލީމާ ބާރުވާނޭހެން ހަދާމަޅިއެއް (2) ސިޓީއާއި މެސެޖު ފަދަ އެއްޗެހި ފޮނުވުމަށް ހަމަޖައްސައިފައި އޮންނަ ސިއްރު އަކުރުތައް
އަހަރު ވަރުވާމަހުން ދެއްކުން
މ (1) އަހަރު ދުވަހުގެ ވަރުވާ އެއްފަހަރާ ދެއްކުން މަޖާޒު: (2) އާދަކޮށް އެތައް ދުވަހަކުން ކުރާކަމެއް އެއްދުވަހާ ކޮށްގަނެގެން ނިންމައިލުން