radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ޅޮސް
ނ ލަކުޑި ދެރަ އަވަހަށް ބޮޑުވާ ގަހެއް މީގެ ފަތްހުންނާނީ އަހިފަތާ ގާތްގޮތަކަށް އެއަށްވުރެ ބޮޑެތި ކޮށެވެ
ކަހަނބުކޮކާ
ނ )ޅ ( ކަހަނބާ ވައްތަރު ގޮތަކަށް ބުރަކަށި މަތި އޮމާންކޮށް ހުންނަ ބޮޑު މެއްސެއްވަރުގެ އުދުހޭ އެއްޗެއް މިއީ ފީވެފައި ހުންނަ ލަކުޑީގައި އުޅޭ އެއްޗެކެވެ އަދި ދަނޑުމަތީ ގަސްތަކުގެ ތެރޭގައިވެސް އުޅެއެވެ މިކޮކާ ޗިސްވެއްޖެނަމަ ވަރަށް ނުބައިވަހެއް ދުވައެވެ
ކަށަކުޅަދާނަކަން
ނއނ މާތްރަސްކަލާނގެ ކުޅަދުންވަންތަކަން
ކަށިނަހަނާ
ނ ކަށިދަދާ ވައްތަރުގޮތަކަށް ނަގައިފައި ހުންނަ ބަލިކަމެއް
ކަށިކެޔޮ
ނ (1) ގޮފިތަކެއްލައިފައި ބޮނޑި އަކަށް ހެދޭ ބިޔަވާ ގަހެއް މިގަހުގެ ފަތް ހުންނަނީ ވަރަށް ދިގުކޮށް ދެފަރާތް އެއްވަރަށް މެދަށް އަޑިވެލާފައި ކޮޅަށް ތޫނުކޮށެވެ. ފަތުގެ ކައިރިފަށުގައްޔާއި މެދުގައި ތޫނުކަށިތަކެއް ހުރެއެވެ. ގަސްހަރުލާފައި ހުންނަނީ ފައިބާ ބިމަށް ހިފައިފައި ހުންނަ ވަރަށް ވަރުގަދަ އަޅޯތަކަކުންނެވެ. މިއީ ތިލަގައި މޫދުވާ ކަފި މޫތަކެއް ހުންނަ ގަހެކެވެ. (2) ކަށިކެޔޮގަހުގައި އަޅާ މޭވާ މިއީ ވަރުގަދަ ދަޅިގަނޑެއްގައި ވަކަކާޖެހިވަކެއް ފިތިބާރުކޮށްހުންނަ ވައްތަކަކުން އެކުލެވިފައި ހުންނަ އެއްޗެކެވެ
ކަށިއެރުން
މ ނާރުތަކަށް ވާގޮތަކުން މުޅިހަށިގަނޑު ނުވަތަ އެއްގުނަވަނެއް އެއްކަށިވުން
ކަށިވާލި
ވާލީގެ ބާވަތެއް މިއީ ވާލީގެ ބާވަތްތަކަށް ވުރެ ދިގު ބުރިކަށިމަތީ ކޮތަރިބައިގައި އެއްވަރަކަށް ކަށިތަކެއް ހުންނަ މަހެކެވެ މަހުގެ ކުލައަކީ ރިހި އަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅުކުލައިގެ ލައްތަކެއް ހުރެއެވެ
ކަށިވިދުރި
ނ ގައިންގަޔަށް އަރާ ބައްޔެއް. މިއީ ނުރައްކާތެރި ގަދަ ހުމަކާއެކު ގައިން ބިހިތަކެއް ނަގައިފައި ޖެހޭ ބައްޔެކެވެ. މިބިހިތައް ހަފުތާއެއްގެ ފަހުން ދޮސްއަރައިފައި ހުންނަ ފޮޅުތަކަކަށް ބަދަލުވެއެވެ. މިއީ ވައިރަހެއްގެ ސަބަބުން ޖެހޭ ބައްޔެކެވެ. 7 ދުވަހާއި 02 ދުވަހާދޭތެރޭ މިބަލި ރަނގަޅުވާއިރު ދާއިމީ ގޮތެއްގައި ނުފިލާ ހުންނަ ލަކުނުތަކެއް ގައިގައި ހުރެއެވެ މިއީ މިހާރު ދުނިޔެއިން ނައްތައިލެވިފައިވާ ބައްޔެކެވެ
ކަށިފަތި
ނ (1) ފޭރާމުގެ ކައިރި ފަށުގައި ވަކިގޮތަކަށް އެހުންނަ ފަށް އަތްދުތް ހުންނަ ފޭރާމުގައި މިފަށް ހުންނާނީ އަތްދުތުގެ ތިރީގައެވެ (2) އަމުނައިފައިވާ ކަށިތަކެއް (3) ކަށިފޮތި
ކަށުފަތް
ނ އިހުގައި ކަށުކަމާ ކެމީގެ ކަންތަކަށް ޖަމާއަތްތެރީންނަށް ދޭ ލާރީގެ ހިސާބު ލިޔެފައި އޮންނަ ކަރުދާސްކޮޅު
ކަނދި
ނ އުފުލިލައިގެން އޮލައަޅައިގެން ކައްކާ ފޮނިބުއިމެއް މި ކިތައްމެ ބާވަތަކަށް ކިތައްމެ އެއްޗެއްގައި ކައްކައެވެ
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނޑައެޅުން
މ (1) ކަމެއްވަކިގޮތަކަށް ނިންމާން އެއްބަސްވުން (2) ކަންކުރާނެ ގޮތް އެކަށައެޅުން
ކަނޑިބުރި
ނ ތިލަ އިތިކޮށް ކޮޅުކައްޗަށް ބުރިކޮށްލައިފައި ހުންނަ ވަޅިއެއް މި ވަޅި ބޭނުންކުރަނީ ކަތިވަޅިން ކުރާ ކަންތައްތަކަށެވެ
ކަނުކަލޮޔަށް އިރުވާހުދު ދެއްކުން
)މިސާލުބަހެއް( ހަޤީޤަތާއި ޚިލާފުގޮތަކަށް އަނެކަކަށް އެއްޗެއް ތެދުކޮށްދިނުން
ކަންފަތުމުދި
ނ ކަންފަތުގައިލާން ރާއްޖޭގައި ހަދައި އުޅުނު ޚާއްޞަ ގަހަނާއެއް މިކިތަންމެ ޒާތަކަށް ހަދައެވެ
ކަންޏާކަގަ
ނ ދިވެހިންކިޔާ ޚިޔާލީ ވާހަކައެއްގައި ބުނާގޮތުން ކެކޭނެގޮތަކަށް ކެކެން ދޫކޮށްލައިފައި ހުރެގެން ހިނދިފައި ހުންނަ ބަތްތަވާގެ މެދުފަށަލައިގައި ހުންނަ ބަޔަށް ކިޔާނަމެއް
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ
ކަޅިއެޅުން
މ އެއްޗަކާ ދިމާއަށް ޙާއްސަގޮތަކަށް ކަޅިހުއްޓައިލައިގެން ބެލުން. މިގޮތަށް ގިނައިން ބަލައިއުޅުނީ ލޯބިވެރި ކަމުގައްޔާއި އެދުންވެރި ކަމުގައްޔާއި ރުޅިވެރި ކަމުގައެވެ
ކަޅުރޮނޑު
ނ ރޮނޑުގެ ބާވަތެއް މި މަހުގެ ކުލައަކީ ކަޅުކުލައެވެ މިބާވަތުގެ ބައެއް މަސްމަހުގައި ފެހިކުލައެކުވެފައި ހުންނަ ގަދަ ނޫކުލަވެސް ހުރެއެވެ މަޑުކޮތަރިބައިގެ ކައިރީގައި ހުދާއި ނޫކުލައިގެ ރޮނގުތަކެއް ހުރެއެވެ ނިގޫފަތުގެ ކައިރިފަށް ހުންނަނީ ވަށްކޮށް އެއްވަރަކަށް ކަނޑައިލައިފައި ހުންނަ ކަހަލަ ގޮތަކަށެވެ