radheef.info
ރަދީފު


ދެއްކުން
މ އެއްޗެއް ނުވަތަ ކަމެއް ނުވަތަ ތަނެއް އެހެން މީހަކަށް ނުވަތަ މީހުނަށް ފެންނާނެގޮތް ހެދުން
ގޮތްހެދުން
މ (1) ފަހާފޮށިން ފޮތީގައި އެކިގޮތްގޮތަށް ކުރެހުން އެޅުން (2) ދުއްވާ އެއްޗެހި އެކިގޮތްގޮތަށް ދުއްވައި އެކިވައްތަރު ދެއްކުން
ގޮތްދެއްކުން
މ (1) ކަމެއްކުރަންވީމަގު ދެއްކުން (2) ވައްތަރު ދެއްކުން
ގޯސްގޮވުން
މ (1) ދެކޮޅުނުޖެހޭ ވާހަކަ ދެއްކުން (2) ތާކުން ތާކު ނުޖެހޭ ވާހަކަ ދެއްކުން (3) ވިޔާނުދާ ވާހަކަ ދެއްކުން
ސައްލާކުރުން
މ (1) ކަމަކާމެދު ބައަކު އެއްތަނެއްގައި ތިބެ ވާހަކަ ދެއްކުން (2) މަޝްވަރާ ކުރުން
ސާބަސްދިނުން
މ (1) ކަމެއް ރަނގަޅަށް ކުރުވުމުގެ މައްޗަށް ހިތްވަރުދީ ހެދުން. (2) ކަމެއް ރަނގަޅަށް ކުރުމުން އެކަމަށް ތާރީފުކޮށް ހިތްވަރުދިނުމުގެ ގޮތުން ވާހަކަދެއްކުން
ސިފަދެއްކުން
މ އެއްޗެއްގެ ސޫރަދެއްކުން
ސިޔާސަވުން
މ (1) ބަސްގަބޫލު ނުކުރުން (2) ލާނެތްވުން (3) )ބދ ( ގަދަފަދަ ކަމާއި ބާރުދެއްކުން
ޒާތާބެހުން
މ މަޖާޒު: އެހެން މީހެއްގެ އަމިއްލަ ކަންތަކާމެދު އެމީހާ ނުރުހޭ ގޮތަށް ވާހަކަ ދެއްކުން
ޓަނުދެއްކުން
މ ރާއްޖޭގެ ފުރާދުައްވާ އުޅަނދުފަހަރުގެތެރެއިން މުދަލާއި މީހުން އުފުލާ އުޅަނދުފަހަރަށްދީފައިވާ ރަޖިސްޓަރީ ކަސްޓަމަށް ދެއްކުން
ޓެލެކާސްޓް
ނ ޓީވީން ދުރަށް ދައްކާ ދެއްކުން
ޖަލްސާކުރުން
މ (1) މަޖްލިސްކުރުން (2) މަޖާޒު: ޖަމާޢަތެއްގެ ތެރޭގައި ތިބޭ ދެމީހަކު އެހެން މީހުންނަށް ނޭނގޭގޮތަށް އަމިއްލަ ވާހަކައެއް ދެއްކުން
ޗުކު ޗުކު އެޅުވުން
މ މީހެއްގެ ގާތު އެހެން މީހުންނަށް ނުއިވޭ ވަރަށް ސިއްރު ސިއްރުން ވާހަކަތަކެއް ދެއްކުން
ޚިޔާލުދިނުން
މ (1) ކަމަކާއިމެދު ފެންނަގޮތް ބުނުން (2) ރަނގަޅުގޮތް ދެއްކުން
ޝަކުވާކުރުން
މ ކަންކަމާއިމެދު ނުރުހިގެން ވާހަކަދެއްކުން
ޤަޛުފުކުރުން
މ މީހެއްގެ މައްޗަށް ޒިނޭގެ ތުޙުމަތު އަޅުވައިގެން ވާހަކަ ދެއްކުން