radheef.info
ރަދީފު


ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
މާޒީ
ނ (1) ވޭތުވެދިޔަ ޒަމާން (2) ދިވެހިބަހުގެ ޤަވާއިދުގައި ހިމެނޭ ޒަމާނެއްގެ ނަން (3) ނއ ވޭތުވެ ދިޔަ
މިދާދުވަހަކު
ކއ މާދުރުނޫން ވޭތުވެ ދިޔަ ދުވަހެއްގައި
މުޅަފައި
ނ ދިޔަހިއްކާއިރު ދިއްކޮށްލާ ހުސްފައި
މޭ
ނ (1) އިންސާނުންނާއި މައިކަށި ހުންނަ ސޫފާސޫފީގެ ހަށިގަނޑުގެ ތެރޭގައި އޮންނަ ރަތްމުށި ކުލައިގެ ގުނަވަނެއް މިއީ ހަކުރު ގުލްކޯޒަށް ބަދަލުކޮށްދީ ކާއެއްޗެހި ހަޖަމުކުރުމަށް ބޭނުންވާ ރީނދޫ ދިޔައެއް އުފައްދައިދޭ ގުނަވަނެކެވެ (2) މޭމަތި (3) އިރުމަހުގެ ފަސްވަނަ މަސް
ފަހަށްބެލުން
މ (1) ކަންތަކުގެ ފަހުކޮޅަށް ވިސްނުން (2) ވޭތިވެ ދިޔަތަނަށް ބެލުން
ފަހަކަށްއައިސް
އ (1) ޒަމާނެއް ދައްކައިދޭ ބަހެއް (2) ވޭތުވެދިޔަ ކައިރި ޒަމާނަކަށް އިޝާރާތްކުރާ ބަހެއް (3) މިޒަމާނަށް އެޅުނު ފަހުން
ފަހަތަށްބެލުން
މ (1) ފަހަތް ބެލުން (2) މަޖާޒު: ވޭތުވެދިޔަ ތަނާމެދު ވިސްނާ ފިކުރުކުރުން
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަންތޮށިދިޔަ
ނ ފާވެފައި ހުންނަ ފަންތޮށިބުޑު ތަޅައިގެން ފެލާ ދިޔަ
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފަރުހަކިމަސް
ނ (1) މޫދުގައި ހުންނަ ގައު ފަދަ އެއްޗެހި އެއްގަމަށް އެރުވީމާ އެއެއްޗެހިން ދުވާވަސް (2) ދިޔަވަރު ހިކުނީމާ ފަރުމަތިން ދުވާވަސް
ފަރުވާލެއްނެތުން
މ (1) އަޅާލުމެއްނެތުން (2) ކަމެއް ކޮންމެ ގޮތަކަށް ދިޔައަސްވަރިހަމަވުން
ފަރުފޮއި
ނ ފަރުހިލޭވަރަށް ދިޔަވަރު ހިކޭ ދުވަސްވަރު
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިބެއަހަރު
ނ (1) ވޭތުވެދިޔަ އަހަރު (2) ހުސްވި އަހަރު
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްސައިނަގައިލުން
މ ހިނގައިބިގައި އުޅޭ އެއްޗެއް ދިޔަނުދިޔަ ތަނެއް ނޭގޭ ހިސާބަށް ޙަރަކާތެއްގެ ބޭނުންކޮށްގެން ދުރަށް ފޮނުވައިލުން
ފަވާތަކެތި
ނ އިހުގައި ކުލަޖެއްސުމަށް ބޭނުންކުރާ އެއްޗެހި މިސާލު: އުޅުނބު ދިޔަ ފަތްފަތުގެ ދިޔަ
ފަވި
ނ )ޏ ސ ( (1) ދިޔަހިއްކާ ފައި (2) ނނކ ފާވުން މިބަހުގެ ނިމިނިމުނުކަން
ފަތްދިޔަ
ނ އަހިމުލުން ތައްޔާރުކުރާ ދިޔައެއް. މިއީ ފޭލިފަދަ ތަކެތި ވިއުމަށްޓަކައި އުއިގައި ކުލަޖެއްސުމަށް ބޭނުންކުރާ އެއްޗެކެވެ