radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ރައިވަރު
ނ ދިވެހިޅެމުގެ ބާވަތެއް. މިހެދިފައި ހުންނަނީ ތިންބަހުންނާއި ހަބަހުންނެވެ މީގެކުރީން މިއަށްވުރެ ގިނަބަހުންވެސް ރައިވަރު ހަދައި އުޅެއެވެ
ރައިފަލު
ނ އަތްމަތީގައި ގެންގުޅެވޭ ގޮތަށް ހަދައިފައި ހުންނަ ބަޑީގެ ޚާއްޞަ ބާވަތެއް: މިބާވަތުގެ ބަޑީގެ ވަޒަން ނުކުމެގެން ދާހޮޅީގެ އެތެރެ ހަދައިފައި ހުންނަގޮތުން ބަޑިން ނުކުމެގެންދާ ވަޒަންދާނީ ވަކިގޮތަކަށް އެނބުރެމުންނެވެ. މިބާވަތުގެ ބަޑީގެ އޮޓޮމެޓިކް ވައްތަރުތަކާއި އޮޓޮމެޓިކްނޫން ވައްތަރުތައްވެސް ހުރެއެވެ
ރައްކާވެތިބިއްޔާ ދަތުރެވެ
(ހަރުބަހެއް) (1) ދަތުރުކުރެވޭނީ ސަލާމަތްވާނެމަގު ހޯދައިގެންނެވެ. (2) ވިސްނާބަލައިގެން އުޅޭށޭ.
ރައްކޯބައިން
ނ )ސ ( (1) ރިޔާ ކުނބުކުރީގައި ގެއްސުމަށް ހަންޖާވާންކުރާއިރު ދެހަންޖާއެއްކޮށް އަތްފޯރާ ހިސާބުގައި ބަންނަވާފަށް (2) ގުޅިރުއްކަނޑާއިރު ރުކާއެއްކޮށް އުނަގަނޑުގައި ބައްދާވާފަށް (3) މަޖާޒު: ބައެއްޒާތުގެ ކަންކަމުގައި ރައްކާތެރިކަމުގެ ގޮތުން އަޅާ ފިޔަވަޅު މިސާލު: މިރުސްގަސް ފަދަ ގަސްގަސް އިންދައިފައި އެތަންވަށާ ދަމާފަށް
ރައްޔިތުންގެ މަޖިލީސް
ނ ޤާނޫނު ހަދައި ފާސްކުޅައުމަށް އުފައްދާފައިވާ މަޖިލީސް
ރަވާ
ނ ގޮދަނުގެފުށުން ރެވިއޮށެއްހާ ވަރަށް ހަދައިފައި ހުންނަ ފުއްތަކެއް މިހުންނަނީ ހުދުކުލައިގައެވެ މީ ޢާންމުގޮތެއްގައި ސޫޖީ ކައްކަން ބޭނުންކުރާ އެއްޗެކެވެ
ރަތުރޭރު
ނ ރޭރުގެ ބާވަތެއް މިރޭރު ހުންނާނީ އާދައިގެ ރޭރަށްވުރެ ބޮޑެތިކޮށް ބޮނޑި މަސްކޮށެވެ ބުރަކަށީމަތީ ފަތްތައް ހުންނާނީ ރަތްކުލައިގައެވެ
ރަތް ބުރުލީފާނަ
ނ އާދައިގެ ފާނައަށްވުރެ ފަހަތުކޮޅަށް ހިމަކޮށް ހުންނަ ރަތްކުލައިގެ ފާނައެއް
ރަތްހޮނޑަލި
ނ ހޮނޑަލީގެ ބާވަތެއް. މިއީ އާދައިގެ ހޮނޑައްޔަށްވުރެ ފަލަ ކުޑަކޮށް ރީނދޫކޮށް ހުންނަ އެމެކެވެ
ރަތްކަށިމާ
ނ ކަށިމަލުގެ ބާވަތެއް މިބާވަތުގެ މަލުގައި އާދައިގެ ކަށިމަލުގައި ހުންނަ ކަހަލަ މީރު ވަހެއް ނުހުންނާނެއެވެ
ރަތްމުށި
ނ (1) އާދައިގެ ތަވަޔާ ބަނޑިޔާ ހަދައިފައި ހުންނަ މުށި (2) އާދައިގެ ތަވަޔާ ބަނޑިޔަލުގެ ކުލަ
ރަތްލިލީ
ނ ލިލީގެ ބާވަތެއް މިމަލުގެ ފިޔަ ހުންނަނީ އޮރެންޖުކުލައިގައެވެ މިގަހުގެ ފަތް ހުންނަނީ އާދައިގެ ލިލީގަހުގެ ފަތަށްވުރެ ކުރުކޮށެވެ ފަތުގެ ބޮޑުމިނަކީ ގާތްގަނޑަކަށް ފޫޓެކެވެ
ރަތްގެދަ
ނ ގެދައިގެ ރަތް ވައްތަރު
ރަޖާ
ނ ސުތުލި ނުވަތަ ކެހެރި ފަދަ އެއްޗަކުން އާދައިގެ ފޮއްޗަށްވުރެ ބޯކޮށް ވިޔެފައި އޮންނަ ހީފިލުވަން ގައިގައި އަޅާއެއްޗެއް
ރާހިބެލުން
މ އުފަންވީރާހި ހޯދައިގެން ނަސީބު ހުރިނެތްގޮތް ބެލުން
ރާރާގުޑި
ނ އޮނު ނުވަތަ އިލޮށިން ކުކުޅުބިސްބުރުގެ ދެބުރު ގުޅޭގޮތަށް އޮނިގަނޑެއްހަދައި އޭގައި ކަރުދާސްހިއްޕާ ރާރާ ހަރުކޮށްފައި ހުންނަ ގުޑި
ރާބޮނދިމުގުރާން
ނ )ހ ( މުގުރާމުގެ ބާވަތެއް: މިއީ އާދައިގެ މުގުރާމަށްވުރެ ގިނައިން ރޮނގު ހުންނަ ބަލި މުގުރާމެކެވެ
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރިހާކުރުބޮނޑި
ނ ރިހާކުރަށް އަޅައިފައި ހުންނަ މަހުގެ ގުޅަ މިއީ ކަނޑުމަހުގެ ކަށިފަތި ކަހައިގެން ނަގާމަސްގުޅަ ވަށައިގެން ކައްކައި ހިއްކައިގެން ނުވަތަ ވަޅޯކޮށްގެން ހަދައިފައި ހުންނަ އެއްޗެކެވެ
ރިހުންނެގުން
މ މާބަނޑު މީހުން ވިހަން ބަނޑުގައި ރިހޭއިރު އާދައިގެ ރިހުމަށްވުރެ ގަދައަށް ވޭންވަރު އައުން