radheef.info
ރަދީފު


ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު
ވަށައިދެމި
ނ (1) މަސާރީ )ނިދާތަނުގެ ނިވަލަކަށް ވަށައިގެންދަމާ ފޮތިގަނޑު( (2) ކިޔަވާގެ މައުލޫދުހަރުގެ ފަދަތަންތާގެ ވަށައިގެންދަމާ ފޮތި
ވަށައިދެމިފޭލި
ނ )ބދ ( އެނދު އުނދޯލީގެ މަސާރީ ފޮތިގަނޑު
ވަށްފޮތި މަސް
ނ ވަށްފޮތި ލަނޑާގެ ބާވަތެއް މިމަހުގެ ނަގޫފަތުގެ ދެ ނަރުވާ ދިގުވާނެއެވެ
ވަކިލާރި
ނ ދިވެހި ރުފިޔާއެއްގެ އަގުން ބައިކުޅަބައެއް ހަމަވާގޮތަށް މަޢުދަނުން އުފައްދައިފައިވާ ފައިސާ ފޮތި ނުވަތަ އޭގެ އެތަކެއް ފޮތި
ވައިކުޑަ
ނ ވައިގެއެހީގައި މަތިން ތިރިއަށް ރައްކާތެރިކަމާއެކު މީހުން ބޭލުމަށް ލުއިފޮތި ފަދަ އެއްޗަކުން ހަދައިފައިވާ ފަތްޖަހާ ކުޑައެއް މިކުޑަ ގިނައިން ބޭނުންކުރަނީ މަތިންދާބޯޓުން އެއްގަމުގެ އެކި ތަންތަނަށް މީހުން ބޭލުމަށެވެ
ވައިގުޅިޖެހުން
މ "ވައިގުޅީ" ގައި ބަޔާންކޮށްފައިވާ ގޮތަށް ޢަމަލުކުރުން މީގައި ގުޅީގެ ބަދަލުގައި ކައިރިފަށް ބޯކޮށް ހުންނަ ތަށިވެސް ޖަހައި އުޅެއެވެ ފޮތިކޮޅަކަށް ވެލިއަޅައިގެން ބަނދެފައި އޭގެކޮޅު ކާށި ތެލުން ތެންމާ ރޯކޮށް ބަނޑުމަތީގައި ބަހައްޓައިފައި އޭގެމަތިން ގުޅިއެއްޖެހުން މިކަންކުރަނީ ބަނޑުގައި ވައިހެދިގެން ރިއްސާތީއެވެ
ވަސްމުޑިހެދުން
މ މާލޫދު ހަރުގެ ފަދަ ތަންތާގެ ތަނބުތަކުގައި ފޮތި ފަދަ ތަކެތި އޮޅައި ދަޑިމަތި އެނބުރުން
ވީދާލުން
މ (1) ކަރުދާސް ފޮތިފަދަ އެއްޗިހި ދެއަތުންހިފައި އިރައިލުން (2) ގަސްގަހުގެ ގޮފިގޮފިކޮޅު ދަމައިގަނެގެން ވަކިކޮށްލުން
ވީދުން
މ (1) ކަރުދާސް ފޮތި ފަދަ އެއްޗެހި އިރައި ވަކިކުރުން. (2) ފަންވަތް ގޮފިފަދަ އެއްޗެހި ދަމައިގަނެގެން ވަކިކޮށްލުން (3) މަޖާޒު: ހުތުރު ބަހުން އެއްޗެހި ގޮވުން
ވެދުންފޮތި
ނ ޖިޒީ ދީގެން އުޅުނު ޒަމާނުގައި އޮޅުދޫ ކަރައިގެ ގަވަރުނަރ ދިވެހި ރަދުންނަށް ފޮނުއްވާ އަހަރީ ހަދިޔާގެ ތެރޭ ހިމެނޭ ފޭރާމުގެ ފޮތި
ވެލިމަށި
ނ މޫދުގައި ހެދޭ ހުދުކުލައިގެ ވެލިގަހެއް. މިގަސް ހެދެނީ ވެލަށްދެމޭ ގޮތަށެވެ މިގަހުގެ ފަތަކަށް ހުންނަނީ ވެލި ފޮއްޗެވެ މިގަހަށް "ވެލިފޮތި ގަސް" މިހެންވެސް ކިއައެވެ
މަހާނަމަތީފޮށާ
ނ މީހަކު މަރުވެގެން ވަޅުލުމައި ގުޅިގެން މާހަނަމަތީ ދަމައި އުޅުނު ފޮތިގަނޑު
މަޅާދަތްގަނޑު
ނ ފަހާފޮށީގެ ދަތްގަނޑެއް )މިދަތްގަނޑަކީ އެތެރެއަށް ފޮތިގަނޑުގެ ކައިރި ލައްވައިފައި ފެހުމުން މެޅެމުންދާގޮތަށް ހަދައިފައި ހުންނަ އެއްޗެކެވެ
މަފުލަރު
ނ ގައްލާ ބަންދު )ފިނިވީމާ ކަރުގައި އޮޅުމަށް ބޭނުންކުރާ ހަނިދިގު ފޮތިފަށެއް
މަދިރިގެ
ނ މަދިރިވަނަ ނުދިނުމަށްޓަކައި އެނދުގެބޭރުން ވަށާލެވިފައިހުންނާނޭހެން މަދިރިގެފޮތިން ނުވަތަ ތުނި ފޮތިން ފަހައިފައި ހުންނަ އެއްޗެއް
މަތިބަނުން
މ ގުޅި ރުނބާ އަނގަ ބޮޑެތި ފުޅިފަދަތަކެތީގެ މަތީގައި ބަންދު ކުރުމުގެ ގޮތުން ފޮތިގަނޑެއްފަދަ އެއްޗެއް އަޅައިފައި ރަނގަޅަށް އެއްސުން
މަތީބަނުން
މ ހަނގުބޭކަލުންގެ ރަސްމީ ހެދުމުގައި އުނަގަނޑު މަތީގައި ބަންނަ ފޮތިގަނޑެއް އުނަގަނޑު މަތީގައި އެއްސުން މިގޮތަށް ބަނދެ އުޅޭނީ ތިންމުށް ހަތަރުމުށް ހުންނަވަރުގެ ކުލަފޮތިގަނޑެކެވެ ނުވަތަ ރުމާލެކެވެ
މަތީބަންނައެތިގަނޑު
ނ ހަނގުބޭކަލުންގެ ރަސްމީ ހެދުމުގައި އުނަގަނޑުމަތީގައި ބަންނަ ފޮތިގަނޑު
މަގުފުޅައްފޭލިދެމުން
މ ރަސްމީގޮތުން އެކިއެކި ޢިއްޒަތްތެރީން މާލެވަޑައިގަންނަވާއިރު މަގުގެ ދެފަރާތުގައި ފަތްދަނޑިޖަހައި އެއިން ކޮންމެ ދަނޑިއެއްގައި ދިދަނަގައި އެދަނޑިތަކުގެ ތިރީގައި ހުދުފޮތި ފާޓުގެ ފުޅާމިނަށް ދެމުން