radheef.info
ރަދީފު


ފަދަ
އ (1) ކަހަލަ (2) ގޮތް
ކަރާމަތް
ނ (1) ވަލީ ވެރިންފަދަ ބޭބޭކަލުންގެ ކިބައިން ފެންނަ އާދަޔާ ޚިލާފު ކަންތައް (2) ޙުރުމަތް
ކަރާސީނުތެޔޮ
ނ ބައްތިއަށާއި ތެޔޮއުނދުން ފަދަ އެއްޗިއްސަށް އަޅަން ގެންގުޅޭ ސާފުމަށި ތެޔޮ
ކަރި
ނ )ބ ( (1) ކުރާގަނޑު ފޮޅިފައި ހުންނައިރު ވަކިވަކީން ފެންނާން ހުންނަ ބައިތަކުގެ ތެރެއިން އެއްބައި (2) ބައެއް ގަސްގަހުގެ ފަތްފޮޅޭއިރު ނުވަތަ ތޮޅިނިކުންނައިރު ބަޑުފަތުގެ ގޮތުގައި ނިކުންނަ ތޫރި ފޮޅޭއިރު ހުންނަ ބައިތަކުގެ ތެރެއިން ބައެއް (3) ލޮނުމެދު ހެން ބޮޑިއަކަށް ހުންނަ ތަކެތީގެ ބައިތައް ވަކިވަކިކޮށްލާއިރު ހުންނަ ބައިތަކުގެ ތެރެއިން އެކަތި (4) ފިޔާފަދަ ތަކެތީގެ ފަށަލަތައް ވަކިވަކިކޮށްލުމުން އޭގެ ބައެއް (5) ފަރިވެފޮޅޭ މަލުގެ ފިއަތަކުގެ ތެރެއިން އެއްފިޔަ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކަރުނަގޭސް
ނ ލޮލުން ކަރުނަ އަންނަ ގޭސް މިގޭސް ބޭނުން ކުރަނީ މުޒާހިރާ ފަދަ އެއްވުންތައް ރޫޅައިލުމަށްޓަކައެވެ މިގޭސް ދޫކުރުމުން ލޮލުން ފެންއަންނާނެއެވެ
ކަރުކެނޑުން
މ މަޖާޒު: ފޫބެއްދުން ދަތިވާފަދަ ގެއްލުމެއް ލިބުން
ކަރުވުން
މ (1) ކާށިހުނި ނުވަތަ ކާށިތެޔޮ އަޅައިގެން ހަދާ ކާއެއްޗެއްހި ނުބައިވުން (2) ކާށިތެޔޮފަދަ ބައެއްކަހަލަ ތެޔޮ ނުބައިވުން
ކޯލާވާޓަރު
ނ ހުވަނދު އެޅި ބަނގު އާތްވެއް ފެންވަރައިގެން ގައިގައި މީރުވަސް ދުއްވުމަށާއި ބޮލުގައި ރިހުން ފަދަ ބަލިބަލި ޖެހުމުން ފެނާ އެއްކޮށްގެން ބޮލަށް އަޅަންވެސް މި ބޭނުންކުރެއެވެ
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
ކޯޑު
ނ (1) ވަލެއްގެކޮޅުން ދަމައިލީމާ ބާރުވާނޭހެން ހަދާމަޅިއެއް (2) ސިޓީއާއި މެސެޖު ފަދަ އެއްޗެހި ފޮނުވުމަށް ހަމަޖައްސައިފައި އޮންނަ ސިއްރު އަކުރުތައް
އަވަދި
ނ (1) ކަމަކުން ނިމޭނިމުން (2) ކަމެއްކޮށްކޮށް މާބޮޑަށް ވާވަރުބަލި (3) މަރުވުމާ ކައިރިވާފަދަ ބޮޑެތިހާނީއްކަ (4) ހަލާކު
ވޮށި
ނ (1) ކަންފަތުގެ ހަރުކޮށް ހުންނަ ކައިރިފަށް (2) ކަންފަތު މުދިބައި ހަރުކޮށްފައި އޮންނަ ނަރުގަނޑު މިހަދައިފައި އޮންނާނީ ކަންފަތުގެ ކައިރިފަށާ އެއްބައްޓަމުގައެވެ (3) ތާރައިގެ ހަން ބާރުކުރުމަށް އެތެރެ ފަރާތުން ޖައްސާ އެއްތެޔޮ ފަދަ ތަކެތި (4) ބައެއްތަކެތީގެ ކައިރިފަށުގައި ހަރުކޮށްފައި އޮންނަ ބާވަތެއްގެ ދުންޏެއް (5) ބެރުގެ ހަން ބާރުކުރުމަށްޓަކައި ފުރައިނަނުލައްވައިފައި އޮންނަ ދުނި (6) ބައިސްކަލުގެ ފުރޮޅުގެ ބުރު
ވޮށުއަނދިރި
ނ (1) ރޭގަނޑު ގޭތެރެއަށް އަލިކަމެއް ގެނެވޭނެފަދަ ނެތިގެން ވެފައި އޮންނަ އަނދިރިކަން (2) ވޮށް ރިވެލިން ވޮށުގެ އަލިން ނެއްޓޭ ހިސާބު
ވޮށުފިލާ
ނ ކުދިންނަށް އަކުރު ދަސްކޮށްދިނުމަށްޓަކައި އަކުރު އަޅައިދޭން ވެލިއަޅައިފައި ހުންނަ ތަބައްފަދަ އެއްޗެއް ގިނައިން މިހުންނަނީ ލަކުޑިން ހަދައިފައެވެ
ހޮބަލޯކަ ވިރުސިކަފާޅަ
ނ )ބދ ( ދުނިޔެއަށް ހެޔޮގަހެއްފަދަ މީހާ
ހޮއި
ނ (1) އެއްޗެހީގެ އެތެރޭގައި ހެދިފައިވާ ހުސްތަން. (2) އޮނާއި ކަށިކެޔޮ ހޮޅުފަދަ ތަކެތީގެ އެތެރޭގައި އޮންނަ ހުސްތަން
ހޮވާބައި
ނ މަންޑިއާއި ބޮނޑިއާއި ކުރިކެޓާއި ބަށި ފަދަ ކުޅިވަރުގައި ކުޅޭބައިނޫން އަނެއްބައި
ނަހައްދަވާއަޅުން
މަޖާޒު: ރަނގަޅުކަމުގެ ގޮތުން ނުވަތަ ނުބައިކަމުގެ ގޮތުން ވިއަސް ފާހަގަ ކުރެވޭފަދަ ކަމެއް ނުކުރެވޭ މީހުން
ނަށާމައު
ނ ކަނޑާއި މޫދާއި ފަޅުގައި ދިރިއުޅޭ އެއްޗެއް މީގައި ކައްޓެއް ނުހުންނާނެއެވެ މިއީ ވަރަށް މަޑު އެއްޗެކެވެ މިހުންނާނީ މުރަކަ ގައު ފަދަ ތަކެތީގައި ހިއްޕައިލައިގެންނެވެ މީގެ ބައެއް ވައްތަރުގައި ބާރުގަދަ ވިހައެއް ހުންނާނެއެވެ މީގެ މަތީގައި ފަށްތަކެއްހެން ހުންނަ ބައި އަބަދު ހުންނާނީ ހުޅުވިލެއްޕި ވާގޮތަށް ޙަރަކާތް ކޮށްކޮށެވެ
ނަނި
ނ )ސ ( ފޮތިފަދަތަކެތީގައި ތަންމުޑުވެގެން ޖަހާ ފީ