radheef.info
ރަދީފު


މަޖާޒު
ނ ބަހުގެ އަސްލުމާނަނޫން އެހެން މާނައެއް ދޭހަވާބަސް
ހުސްބުޅީގައިގަތުން
މ (1) އެންނާޅާ ބުޅީގައި މަސްގަތުން (2) މަޖާޒު: ފިރިހެނަކު ކޮށްލާ ކުޑަކުޑަ އިޝާރާތަކަށް އަންހެނަކު ޖިންސީގޮތުން އިޖާބަދިނުން
ހޫނު
ނ (1) ފިނީގެއިދިކޮޅު (2) އަލިފާނާއި ކައިރިވީމާ ކުރާއަސަރު (3) އަވީގައި ހުރީމާ ހަށިގަނޑަށް ކުރާ އަސަރު (4) )ގ ( ކާށިހުނި މަޖާޒު: (5) ރުޅި (6) ފޯރިގަދަ (7) ގަދަޒުވާބު
ހޫނުކަން
ނއނ (1) ފިނީގެ އިދިކޮޅުކަން (2) އަލިފާނާއި ކައިރިވީމާ ހޫނުގެ އަސަރުކުރާކަން (3) އަވީގައި ހުރީމާ ހަށިގަނޑަށް ހޫނުގެ އަސަރުކުރާކަން މަޖާޒު: (4) ރުޅީގެ އަސަރުހުރިކަން މިސާލު: މިއަދުގެ މެޗު ހުއްޓާލީ މާބޮޑަށް މެޗު ހޫނުވުމުގެ ސަބަބުންނެވެ (5) ފޯރިގަދަކަން (6) ގަދަ ޒުވާބުކުރާކަން
ހޫނުކުރުން
މ (1) ހޫނުގެ އަސަރު ފޯރުވުން (2) ހޫނުކަން ގެނައުން މަޖާޒު: (3) ރުޅިއެރުވުން (4) ނުރުހުންތެރިކަން އުފެއްދުން
ހޫނުވުން
މ (1) ހޫނުގެ އަސަރުކުރުން (2) މަޖާޒު: ރުޅިގަދަވުން މިސާލު: އޭނާ ހުރީ ވަރަށް ހޫނުވެފައެވެ (3) ކަމެއްގެ ފޯރި ގަދަވުން މިސާލު: އެމެޗު ވަރަށް ހޫނުވެއްޖެއެވެ (4) ކަމެއްގެ ތަޙްޤީޤު ފަދަ ކަމެއް މާބޮޑަށް ހޫނުވުން މިސާލު: އެމައްސަލަ މިހާރު އޮތީ ވަރަށް ހޫނުވެފައެވެ
ހޫރާލި
ނ (1) މަސްބަހާއިރު ނުބެހިފައި ހުންނަމަސް (2) މަޖާޒު: ކޮންމެހެން ދޭންވީ މީހުންނަށް ނަގައިފައި އިތުރުވާދެރަ އެތިކޮޅު
ހޫރުން
މ (1) އެއްކޮޅު ހިފެހެއްޓިފައިވާ އެއްޗެއްގެ އަނެއްކޮޅު ހެލުން (2) އަވަސް އަވަހަށް ފަރާތްފަރާތަށް ދިއުން (3) މަޖާޒު: އާވާރާވެގެން އުޅުން
ހެހުން
މ (1) ފޭރާއިން ނުވަތަ އެފަދަ އެއްޗަކުން ކާށިފަދަ ބޮނބި ހުންނަ އެއްޗެހީގެ ބޮނބި ނެއްޓުން (2) ކޮޅަށް ހުރިތޫނު އެއްޗަކަށް އެތެރޭގައި ހޮއި އޮންނަ އެއްޗެއް މަތިން ވެއްޓި އެމުނުން (3) މަޖާޒު: ނަހަމަ ގޮތުން ބިކުރު ކަނޑައިލުން
ހެންވޭރުޓަކި
ނ މަޖާޒު: މާބާރަށް ބޮލުގައިޖަހާ ޓަކި މިޓަކި ޖެހުމުން މީހުން ބައެއްފަހަރަށް މަރުވެސް ވެއެވެ
ހެކިވެރިވެލާ
ނ (1) ދެ ވެލާ ޖޯޑުވާއިރު ބަލާން އޮންނަވެލާ (2) މަޖާޒު: ސިއްރު ގޮތުގައި ދެމީހަކު ޖާމިލުކޮށްފައި ފާރަވެރިވެގެން ހުންނަމީހާ
ހެއިބެލުން
މ (1) ފަރަކާ ކައިރިވެގެން އަންނައިރު ވަތް ހޭލާތޯ ބެލުން (2) މަޖާޒު: ނުރައްކާތެރިކަމެއް ލިބިދާނެ ފަރާތްފަރާތަށް ވިސްނުން
ހެއިލެވުން
މ (1) ހޭލެވުން (2) މަޖާޒު: ތަންދޮރު އެނގުން
ހެއްވާމީހާ
ނ (1) ހިނިއަންނަ ޒާތުގެ ކަންތައްކުރާ މީހާ (2) ހިނިއަންނަ ކަހަލަ ވާހަކަ ދައްކައި ހަދާމީހާ (3) މީހުން ހެއްވަން އުޅޭ މީހާ (4) މަޖާޒު: ކަމުނުދާމީހާ
ހެވާއިންފަނިދެމުން
މ )ސ ( މަޖާޒު: މިނަށްވުރެ ބޮޑުކޮށްފައި ވާހަކަ ދެއްކުން
ހެދުން
ނ (1) އަންނައުނު (2) ތައްޔާރު ކުރުން މިސާލު: ކާން ހެދުން (3) ވަކިސިފައެއް ޖައްސައިގެން އުޅުން (4) އުފެއްދުން (5) މަޖާޒު: ޖިންސީ އެދުން ފުއްދުން
ހެދޭކުރިއަށް ފެންދިނުން
މަޖާޒު: (1) ޅަކުދިންނާއި ޒުވާނުންނަށް ކުރިއަށްދާން ފުރުޞަތު ދިނުން (2) ކުރިއަރަމުންދާ މީހަކަށް ވައިއަޅުވައިގެން އުޅުން
ހޭހަންކުރުން
މ (1) ބަލިވެއުޅޭމީހާއަށް އޯގާވެރިކަމާއެކު ޚިދުމަތްކުރުން (2) ބަލިމީހާއަށް ފަރުވާތެރިކަމާއެކު އެހީވެ ދިނުން (3) ހާލުގައި ޖެހިފައިވާ މީހަކަށް އެހީވުން (4) މަޖާޒު: މީހެއްގެ ގާތުގައި ވަފާތެރިކަމާއެކު އަބަދު ޚިދުމަތް ކޮށްކޮށް ހުރުން
ހޭނުން
މ (1) ފިލަޔާއި ދަނޑިފަދަ ތަކެތި ބޭނުންގޮތަކަށް މަޑުމަޑުން ލެނބުން (2) އިންސާނުންނާއި ފުރާނަހުރި ތަކެތި ވަކި ގޮތަކަށް ފަރިތަކުރުވައި އާދަކުރުވުން (3) ތެޔޮ ހުންނަތަކެތި ކައްކައިގެން ތެޔޮ ނެރުން (4) ހަށިގަނޑުގެ ތަންތަނަށް ފަރުވާކުރުމުގައި ވަކިގޮތަކަށް ޙަރަކާތްދިނުން (5) މަޖާޒު: އޮޑިދޯނިފަހަރު ދަތި ތަންތަނުން ނުބީއްސައި ގެންދިއުން
ހޭރިޔާއެޅުން
މ (1) ހޭރިޔާކުރުން (2) ރިޔާނަގާތަކެތި ވަކި ހިސާބެއްގައި ހިފަހައްޓާން ވެގެން ދެއަތަށް ދުއްވުން (3) މަޖާޒު: މީހަކު ތާކަށް ވަންނާނޭ ވަގުތެއް ހޯދާން އެތާގެ ކައިރީގައި ދެކޮޅަށް ހިނގުން
ހޭބެލުން
މ (1) ކަނޑު ދަތުރުކުރުމުގައި ފަރަކާ ކައިރިވެގެން އަންނައިރު ވަތްހޭލާތޯ ބެލުން (2) މަޖާޒު: ނުރައްކައުތެރިކަމެއް ލިބިދާނޭ ފަރާތް ފަރާތަށް ވިސްނުން