radheef.info
ރަދީފު


ވަން
ނ (1) އެއްޗެތި އަޅައިގެން ތަޅާން ލަކުޑީން ނުވަތަ މައުދަނުން ހަދައިފައި ހުންނަ އެއްޗެއް މިސާލު: ހަނޑޫ ކަނޑާ ވަން ހަވާދު ތަޅާވަން (2) ހަނޑުލާއި ކާށި ހުންޏާ އެއްކޮށް ފުޑައިގެން ހަނޑޫ ކަނޑާ ވަނެއްގެ ސިފައިގައި ހަދައިގެން ތެލުލާ ހެދިކާ އެއްޗެއް (3) ގުޅަ ހަދާއިރު މަސްއަޅާން ވަންބުރިއެއްގެ ސިފައިގައި ފުށުން ހަދައިފައި ހުންނަ އެއްޗެއް (4) "ވަނުން" މިބަހުގެ ނިމިނިމުނުކަން (5) ބދ އުރުން
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
އަހިތެޅިވަން
ނ (1) އަހިތަޅާފައިހުރި ވަން މަޖާޒު: (2) ރަތްކޮށް ދުފައިފައި ތިބޭ މީހުންގެ އަނގަ
އަހުލުން
ނ (1) އަހުލުވެރީން މ (2) ކޮޅުވަން ޖަހާއިރު ހުއްޓި ތަކާއިއެކު ރޯނު ފަށަކުން ވަކިގޮތަކަށް ހައްޔަރުކުރުން
އަނގަ
ނ (1) ދިރިއުޅޭ ތަކެތި އެއްޗެހި ކައިއުޅޭ ގުނަވަން. (2) އެއްޗެއްގެ އެތެރެޔަށް އެއްޗެހި އަޅާން ކަނޑައިފައި ހުންނަ ތަން. (3) މުލިހި ގަނޑު ފަދަ އެއްޗެހި ފަޅައިގެންގޮސް އެތެރޭން އެއްޗެހި ނުކުންނަތަން (4) އެތެރެއަށް އެއްޗެހި އެޅޭނޭހެން ނުވަތަ އެތެރޭގައި ހުސްތަން އޮންނާނޭހެން ހުންނަ ތަކެތީގެ ތެރެޔަށް އެއްޗެހި އަޅައި ނެރެހެދޭނޭގޮތަށް ކަނޑައިފައި ނުވަތަ ކެނޑިފައި އޮންނަ ތަން
އަނގުން
ނ އަތްފައިގެ ގުނަވަން
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަޅު
ނ (1) ކޮންމެ އިންސާނަކީ ﷲގެ އަޅެއް (2) މީހަކަށް މިލްކުވެފައިވާ މީހާ (3) މިނިވަންކަން ލިބިގެންނުވާމީހާ (4) ދުޢާކުރާއިރު ނިކަމެތިކަމުގެ ގޮތުން "އަހަންނޭ" ބުނާބަސް
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަދަރާދަގޮނޑި
ނ އިށީންނަށް ހަދައިފައި ހުންނަ މަޝްހޫރު ގޮނޑިއެއް މިގޮނޑި ދެއަތް ބާއްވަން އަތްގަނޑުލައިފަޔާއި އަތްގަނޑު ނުލައިހުރެއެވެ މިކަހަލަ ގޮނޑީގައި ލެގޭއަތްގަނޑު ހުންނާނެއެވެ
އަތް
ނ (1) ދެފަރާތުގެ ކޮނޑުހުޅާ އެކުވެފައިވާ ދެ ގުނަވަން މި ގުނަވަން ވަނީ ތިންބަޔަށެވެ އެއީ މުލަށްދަނޑިޔާ އަތްދަނޑީޔާ އަތްތިލައެވެ (2) ފަރާތް (3) ތާސްކުޅޭއިރު ގަދަވާ ބަޔަށް އެއް ފަހަރުން ނަގާން ލިބޭ ގަނޑުތައް
އަޑިއެޅުން
މ (1) ވާން އުޅޭ ކަމެއް ކޮންމެވެސް ސަބަބަކާހުރެ ވަންހަނާގޮތެއްގައި ލަސްވެފައި އޮތުން މަޖާޒު: (2) ފައިސާގެ ގޮތުން ނުވަތަ ދިރިއުޅުމުގެ ގޮތުން ފެންވަރު ދަށްވުން
އަޑު
ނ (1) ދެއެއްޗެއް ޖެހުމުން ނުވަތަ އިންޖީނެއް ހިންގުމުން ނުވަތަ ވާހަކަ ދެއްކުމާއި މިނޫންވެސް މިފަދަ ކަންކަމާ ގުޅިގެން އިވޭ އިވުން. (2) އެއްގަމުގެ ބައެއް ޙައިވާނުގެ އެތެރެ ހަށީގައި އޮންނަކުޑަ މަޑުގުނަވަނެއް މިގުނަވަން އެންމެ ވައްތަރުވާނީ ލާގުޅައަކާއެވެ
އަޑުލެއްވުން
މ (1) ލައްބަ ދުރުވަން ކިޔާވަރުގެ މީހުން އަޑުލުން (2) އަނގައިން އަޑުއަޑު ނެރުން
އާޒާދު
ނ މިނިވަން
އިސްތިރި
ނ (1) އެލެކްޓްރިކް ކަރަންޓްގެ އެހީން ނުވަތަ އަލިފާން އަޅައިގެން އެއްޗެހި ރޫފިލުވަން ގެންގުޅޭ އެއްޗެއް (2) ދެމީހަކު ލޯބީގެގޮތުން ގުޅުވުމަށްޓަކައި ހަދާ ފަންޑިތަ (3) )ބދ ( ނ އަންހެން
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އެނގިލެއްވުން
މ އެނގުން މިހެންކިޔަނީ "ލައްބަދުރުވަން" ކިޔާވަރުގެ މީހުންނަށެވެ
އެއްކަށިވުން
މ އަރާބާރަކުން ނުވަތަ ތަދަކުން ހަށިގަނޑާއި ގުނަވަންތައް ހެލިފެލި ނުވާގޮތްވުން
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ