radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިތްހަލާލު ހޯދުން
މ (1) ހިތުގެ ރުހުން ހޯދުން (2) ހިތުގެ ސާފު ރުހުން ލިބިގަތުން މިކަމަކީ ފިރިމީހާގެ ކިބައިން އަނބިމީހާ މައިންބަފައިންގެ ކިބައިން ދަރިން އެދުރުންގެ ކިބައިން ދަރިވަރުން ލިބިގަންނަ ކަމެކެވެ
ހިތްބަލިވުން
މ (1) ފަސޭހައިން ހިތުގައި ޖެހުން (2) ކިތަންމެ ކުޑަކަމުންވެސް އަވަހަށް އަސަރުކޮށް މޮޅިވުން (3) ކަންތަކާ މާބޮޑަށް ދެރަވުން
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
ހިލަނބަށްދިއުން
މ ފިރިހެނަކު ބޭރު ރަށަކުން މީހަކާ އިނދެފައި ރަށަށްއައިމާ އެފިރިހެނެއްގެ ޢާއިލާގެ މީހުން )މައިންބަފައިން ފިޔަވައި( އެއަންހެނަކުބަލައި އެމީހެއްގެ ރަށަށް ދިއުން
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިލިބޭސް
ނ ވިހައިގެން އުޅޭ މީހުންނަށް ދިވެހި ފޫޅުމައިންދޭބޭހެއް މިއީ ބައެއްބޭހާއި އަސޭމިރުހާއި ދިވެހި ހަކުރު އަޅައިގެން ކައްކާ ހަރު ބޮނޑިބަތެކެވެ
ހިލިގަތުން
މ (1) ހަމައިންނެއްޓިގެން އުޅެގަތުން (2) ހޯބޯލަވައި ތެޅިފޮޅިގެތުން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔާކުރުން
މ (1) އަވިން ނުވަތަ ވާރެއިން ނިވާކުރުން (2) )ޏ ސ ( ނިވާކުރުން މިބަސް އާންމުކޮށް ބޭނުންކުރަނީ އޮރިޔާން ނިވާކުރުމަށެވެ
ހިޖުރައޮޅުން
މ (1) ހިޖުރައިންވީ ދުވަސް އޮޅުން (2) މަޖާޒު: އެއްބަސްވީ ގޮތާ ޚިލާފަށް ކަން ހިނގާން ފެށީމާ ތިމާޔަށް އޮޅުން އެރުން (3) ހަދާނެ ނުހަދާނެ ގޮތެއް ނޭނގުން (4) މުސްކުޅި ވެގެން ގޯސްމަތިންލުން
ހީފުއްޕުން
މ ހީކަރުވައިގަނެގެން ގައިން ހީބިހިނަގައި ލޯލިތައް ކޮޅަށް ޖެހުން
ހުށޫ
އ ހުށި މިބަސް ފަދައިން ކުރާ އަމުރެއްގެ ފަހަތަށް އިތުރުކުރާ އަކުރެއް މިސާލު: ނަމާދަށް ހަރަމްބަނުމުގެ ކުރީގައި ޤިބުލައަށް ކުރިމަތިލާހުށި ނުވަތަ ކުރިމަތިލާހުށޫ
ހުނގުލާބޮލާއެޅުން
މ (1) ބޮލުރޯނާ ހުނގުލިރޯނާ ދިމާވާނޭހެން ފަންގެލުން މިއީ ފުރާޅު ފަންގެލުމުގެ އެންމެ ދެރަގޮތް (2) މަޖާޒު: ދެމީހުން ދެކޮޅަށް ތިބެގެން ޖިންސީ ގުނަވަން ބުއިން
ހުނިފުރޭނުން
މ (1) ފޮތިގަނޑަކަށް އުވައަޅައިގެން ފެންއަޅަމުން ނުވަތަ ފެންއެއްޗެއްގެ ތެރެއަށް އެލައިގެން ވަކިގޮތަކަށް ހެލުވުން (2) އުވައިން ހުނިނެގުން
ހުނުން
މ އުފާވެރިކަމުގެ އަސަރު އަޑާއެކު އަނގައިން ފާޅުކުރުން