radheef.info
ރަދީފު


އަދި
އ ވަކިވަރަކަށްވުރެ އިތުރަށް މިސާލު: )ހ( އަދިއަންނާނުހޭ )ށ( އަދި ދޭށޭ
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ގޮހޮރު
ނ (1) އިންސާނާ ކާއެއްޗެހި ހަޖަމުކުރުމަށް އެހީވެދީ އަދި ހަޖަމު ވެގެންގޮސް ބޮޑުކަމުދާ ދޮރާއި ގުޅައިދޭ ދިގުހޮޅިއެއް (2) މަޖާޒު: ދަރިއަށަގަންނަ ގުނަން
ސަމާއެދުރުލަވަ
ނ ދަނޑިބެރުގެ ލަވައެއް. މިއީ ސަމާތެރޭ ގައްޔާއި އަދި އެނޫންވެސް ތަންތަނުގައި ޖަހައިއުޅާ ލަވައެކެވެ
ފަރަށްމަސް
ނ އާންމުގޮތެއްގައި ފަރުފަރުގެ ތޮށިގަނޑާއި ވަރަށް ކައިރީގައި ބައިބަޔަށް އުޅޭ މަހެއް. މިމަހުގެ ތުން ހިބަރުގެ ތުންގަނޑާ ވައްތަރުވާނެއެވެ އަދި ނަގޫފަތުގެ ދެފަރާތުގައި ދެކަށި ހުންނާނެއެވެ
ފަލްސަފާވެރިޔާ
ނ (1) ބުއްދިވެރިޔާ (2) ޙިކްމަތްތެރިޔާ (3) ކަންކަމާމެދު ޤަބޫލުކުރާގޮތަށް ހަމަދައްކާ މީހާ (4) ފަންނީ އަދި ޢަމަލީ ޢިލްމުތައް ނޫން ސިކުޑީގެ ހަމަވިސްނުމުގެ ޢިލްމު ލިބިފައިވާ މީހާ
ފަޚުރުވެރި
ނއ (1) މާތްކަން ލިބިހުރި. (2) މަތިވެރި. (3) ޤަދަރުވެރި. (4) ނަފްސުގެ ޤަދަރާއިމެދު ހިތްހަމަޖެހުމުގެ އިޙްސާސް ލިބިހުރި. (5) ރަނގަޅު ކަންތައް ކުރެވިގެން ހިތްހަމަޖެހި ހުރި އަދި އުފާވެރި
ދެންވެސް
އ (1) އަދިވެސް (2) ފަހުންވެސް
ފިއްތިގިތެޔޮމިރުސް
ނ ގިތެޔޮ މިރުހުގެ ބާވަތެއް މި ބާވަތުގެ މިރުސް އާދައިގެ ގިތެޔޮ މިރުހަށް ވުރެ ކުދިވާނެއެވެ އަދި ކުޑަކޮށް ފަތިވާނެއެވެ
ފިތާފުޅި
ނ ބޭހާއި އަދި އެނޫންވެސް ފިތައިލީމާ ނުކުންނަ ކަހަލަ އޮލަ ތަކެތި އަޅައިފައިވާ ފުޅި
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
)ސާކެޓް( ފިޔުޒު
ނ (1) ބޭނުން ވަރަށްވުރެ ބޮޑަށް ކަރަންޓު ބޭނުން ކުރުމުންނާއި ޝޯޓުވުމުން ވިރިގެން ދާގޮތަށް ސާކެޓެއްގައި ބަލިކޮށް އަދި ފަސޭހައިން ވިރިގެން ދާގޮތަށް ލެވިފައިވާ ނަރުކޮޅެއް (2) މިނަރުކޮޅު ހަރުކޮށްފައި ހުންނައެތި
ފުންމާކޯކިޔުން
މ ކުޑަކުދިންގެ ވަކި ޢުމުރެއްގައި އެކުދިން އުފާކޮށް ދިނުމަށާއި އަދި ބައެއް ފަހަރު މަސަލަސް ކުރުމަށް ކުއްޖާ ތަނެއްގައި ބަހައްޓައި ފުންމާކޯ ކިޔަމުން މީގާހެ އަތަށް ފުންމުވުން
ފުއްލާ
ނ (1) ހަތަރެސް ފައިޖެހި ވަރަށް ލުއި ހިމަތޮޅި ޖަނަވާރެއް މީގެ މަސްކެއުމަށް ބޭނުން ކުރެއެވެ އަދި ހަމުގެ ދަށް ފަރާތުގައި ހުންނަ ދުލި ނަގައި ދިބާޣުކޮށްގެން ކަރުދާސް ފަދައިން ލިއުމަށް ބޭނުންކުރެއެވެ މީގެ ތަފާތު ވައްތަރު ހުރެއެވެ (2) )ސ ( ފޫ އެނބުރި
ފުލުސްޓޮޕް
ނ (1) ޖުމްލައެއް ލިޔެނިމުމުން ޖަހާތިކި. އަދި މިނޫންވެސް މިފަދަ ތަންތާގައި ޖަހާތިކި (2) ވަކި
ފެންދިއްގާ
ނ ފަތުގައި ފެހިކުލަގަދަ ފަތުގެ ތަނޑު ރަތް އަދި ފަތުގައި ކުރަނުލާ ހުންނަ ދިއްގާ. ދިއްގާ އާއިލާގައި ހިމެނޭ ކަށިދިއްގަލާއި މާދިއްގަލާއި ވެޔޮ ދިއްގަލާ ޚިލާފަށް ފެންދިއްގާ ވަރަށް ހަލުއިކޮށް އަވަހަށް ހެދިގަންނާނެއެވެ
ފޮށި
ނ އެއްޗެހި ރައްކާކުކުރުމަށް ހަތަރު ބިތާއި މައްޗާއި ފޫ އެކުލެވިގެންވާ ގޮތަށް ހަދައިފައި ހުންނަ އެއްޗެއް. މިހުންނާނީ މަތިގަނޑު ހުޅުވޭ ލެއްޕޭގޮތަށް ހުޅުލައިފައެވެ. އަދި ތަޅުލެވޭ ގޮތަށެވެ
ފޮނިތުޅާ
ނ ކުޅިތުޅަޔާ އެއްވައްތަރަށް ހުންނަ އެއަށްވުރެ ފަތްތައްތަން ކޮޅެއްބޮޑެތި ކޮށް ބޯކޮށް ހުންނަ ބޭހަށް ބޭނުންކުރާ ކުޑަވަރެއްގެ ގަހެއް. މީގެ ފަތްތައް އޮމާންވެފައި މީރުވަހެއް ހުންނާނެއެވެ އަދި ފަތްތަކުގެ ކޮޅުތޫރިވާނެއެވެ
ދިދަބިބީ
ނ ބިބީއާ ވައްތަރުގޮތަށް ހުންނަ ހުދުކުލައިގެ ކުޑަ ފަރުމަހެއް މިމަހުގެ އަރިމަތީގައި އަޅިކުލައިގެ ދެރޮނގު ހުންނާނެއެވެ އަދި މަތީކޮތަރިބައިގެ މެދުގައި ދިގުނަރުވައެއް ހުންނާނެއެވެ
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދުންތަރިފާނަ
ނ ބޭރުކަނޑުތަކުގެ އަޑީގައި ދިރިއުޅޭ ފަނޑު އަޅިކުލައެއްގެ މަހެއް މީގެބުރިކަށިމަތީގައްޔާއި ދެއަރިމަތީގައްޔާއި އަދި ކަރުތާފަތް މަތީގައި މުށިކުލައިގެ ކުރެހުން ބައެއް ހުންނާނެއެވެ