radheef.info
ރަދީފު


އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިއަށްނެގުން
މ ހިނަވާއިރު މައްޔިތާ އަރިކުރުން
އަރިއަސް
ނ (1) އަރިސް (2) ކައިރި (3) މާތްމީހުންގެ ގާތް
އަރިވުން
މ (1) ތެދަށް ހުންނަންވާ އެއްޗެއް އޮލަނބަށް ނެތުން )މިސާލު: އެމުޑި އެހުރީ އަރިއަށެވެ ( (2) ތެދަށް އޮންނަންވާ އެއްޗެއް ރަހައަށް ނެތުން )މިސާލު: އެފާރުއެއޮތީ އަރިއަށެވެ
އަރިސްކަން
ނއނ އަރިސްގެ
އަރިޖެހުން
މ )ސ ( (1) އެއްފަރާތަށް އަރިވުން (2) އަރިޔަށް ކޮނޑުންކޮއްޕުން (3) ބަނބުކެޔޮ ކަހަލަ އެއްޗެއް ފަޅައިލައިފައި ފޮތި ފޮއްޗަށް ކެފުން
އައިނަށްއެރުން
މ (1) މަސްއައިނެއްގެ ދޮށަށް ގޮސް އެންކެއްވުން (2) މަޖާޒު: ހުސްހަށިބައި އަންހެނަކު ގޮވައިގެން އުޅުން (3) ކޮންމެވެސް ކަމަކު ބޮޑެއްގެ އަރިހުގައި ޖައްސާލައިގެން އުޅުން
އުރުއްޓުން
މ (1) އޮޑިދޯނިފަހަރުގެ ފުލުބާރު ކުޑަކަމުން ދެފަރާތަށް ހެލޭހެލުން (2) ދެއަތަށް ގުޑައިގަތުން (3) ދެއަތަށް ދެއަތަށް އަރިއެޅުން
އުކުޅު
ނ (1) އަރިކައްޓާއިފައިގެ މަތީ ހުޅާ ބެދުނުތަން (2) ގަދަބައްޔަށް ހިފާއިރު ވައްޓައިލުމަށް ހަދާ ބައެއްގޮތް
އެނި
ނ ކަރުތެރެއިން އަންނަ އަރިދަފުސްގަނޑު
އެއްކަށިވީރު
ނ (1) ކަށިފަލަ ވަރުގަދަމީހާ (2) ބޯދާޚިޔާލުގައި އަތްދަނޑީގެ ކަށި އެއްވެފައި އަދި އަރިކަށީގެ ކަށިތައްވެސް އެއްވެފައިވާމީހާ
އެއްތެޔޮކަހާވަޅި
ނ އެއްތެޔޮ ކަހާން ގެންގުޅޭ ބާވަތެއްގެ ވަޅިއެއް މިއީ އެއްދާރައަށް ހަނުލާފައި އޮންނަ ތިން އަރިފީރެކެވެ
އޮގަރުކަނޑިއައްޑަނަ
މ (1) ރަދުންގެ ޚާއްޞަ ކަނޑިކޮޅާއި އައްޑަނަކޮޅު (2) ޢިއްޒަތަށް ވަޑައިގަންނަވާއިރު އަރިހުގައި ގެންގޮސް އުޅުނު ކަނޑިކޮޅާއި އައްޑަނަކޮޅު މިހިފަނީ އެކަމަށް ޚާއްޞަކުރައްވައިފައިވާ މީހެކެވެ
ވަންދުއްވުން
މ ހަނދޫ ކަނޑާވަން ބިންމަތީގައި އަރިއަށް ބާއްވައި އޭގެ މައްޗަށް އަރައިގެން ދެފައިން ފުރޮޅަމުން ގެންދިއުން
ވައިނުބައިވުން
މ (1) ޤުދުރަތީ ވައި ނުސާފުވުން (2) ވައި ތަޣައްޔަރުވުން (3) ވައި ވިހަވުން (4) ދާން ބޭނުން މިސްރާބަށްދާން ފަހިނުވާގޮތަށް ވައި ބަދަލުވުން (5) މަޖާޒު: ވެރިއެއްގެ ރުހިވަޑައިނުގަތުމަކުން އަރިސްކަން ނެތިގެން ދިއުން
ވައިއެޅުން
މ (1) ވައި އެއްޗެއްގައިޖެހުން (2) އެއްޗަކަށް ވައިވައްދައި ބަންދު ކުރުން (3) މަޖާޒު: ވެރިޔަކު މީހަކާމެދު ރުހިވަޑައިގެން އަރިސް ކުރެއްވުން
ވައިގައިހިފުން
މ (1) ހަމަވައިގެތެރޭގައި ވައިގެ ބާރުން އެއްޗެއް ހިފިހުންނަގޮތްވުން (2) މަޖާޒު: ނުވެފައި އޮތްކަމެއް ކުރިޔަށްދާނެގޮތްވުން (3) ނުރުހުން ލިބިފައިވާ މީހަކު ވެރިޔަކާއި އަރިސް ކުރެއްވުން
ވަތް
ނ (1) އަލަމާރި މޭޒު ފަދަ އެއްޗެހީގައި އެކިއެކި އެއްޗެހިލާން ވަކިވަކީން ހަރުކޮށްފައި ހުންނަ އެކި ބައިތައް (2) އޮޑިދޯނިފަހަރުގެ އަޑީބައި (3) ފަނުން ނުވަތަ ފަތުން ލިޔާއިރު ފުރާފައި ހުންނަ ފަންއަރި (4) އަގު
ވާވޮށި
ނ )ވާވޮށިވެލާ( ވެލާގެ ކުދި ބާވަތެއް މިވެލާގެ ބަނޑުދޮށުގެ އަރިމަތީ ފަތްތަކުގެ ކައިރި ފަށުގައި ކުދި ލޯވަޅުތަކެއް ހުންނާނެއެވެ
ވެދުންބޭލުން
މ ބޭރު ޤައުމަކުން ހަދިޔާގެ ގޮތުގައި ފޮނުވާ ތަކެއްޗާއި އެއާއެކުގައި ފޮނުވާ ފަތްކޮޅު ޚާއްޞަ ރަސްމިއްޔާތަކާއެކު މާލެ ބާލައި ރަދުންގެ އަރިއަހަށް ގެންދިއުން
ވެދުންކުރުން
މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން