radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ރުކުއެޅުން
މ ކާށިގަބުޅި ފަދަ ތަކެތި ރުކުން ވަކި ކުރުން
ރުވުން
މ (1) ބޮނޑިބޮނޑިއަށް ހުންނަ ކުދިޅަގަސް ޤަވާޢިދުން ދުރުދުރުގާ އިންދުން (2) ދުނިމަޑަ ފަދަތަކެތި ތައްޔާރުކޮށް ތިއްބުން
ރޫ
ނ (1) ފޮތި ކަރުދާސް ފަދަ ތަކެތި ފަށްޖެހީމާ ނުވަތަ ބޮޑިކޮށްލީމާ އެހުންނަ ލިސާން (2) ގައިގެ ހަމަށް ރޫޖެހިގެން ހެދިފައި ހުންނަ ރޮނގު (3) ތަސްވީރު
ރޭހުރި
ނއ ރެއަށް ކެއްކި ތަކެތިން ހެދުނަށް އިތުރުވެފައިހުރި
ރޭހުރިތަކެތި
ނ ރޭގަނޑުގެ ކެއުމަށް ތައްޔާރުކުރެވޭ ކާތަކެތީގެ ތެރެއިން ބޭނުން ނުކުރެވި އަނެއް ދުވަހުގެ ހެނދުނާ ހަމައަށް ހުންނަ ތަކެތި
ރޭނުން
މ (1) އުވަޔާއި ވެއްޔާ އެއްކޮށް ގަށައިގެން ގާ ބަހައްޓަމުން އެ އަޅަމުން ތަނެއް ހަދަމުން މައްޗަށް ނެގުން ސިމެންތި ލައިގެންވެސް ރާނައެވެ ބައެއް ފަހަރަށް ހުސް ގަލުންވެސް ރާނައެވެ (2) ސިލުނބު ތަވާ ފަދަ ތަކެތި ބޭނުން ހިފުމުގެ ކުރީގައި އަލިފާނުން ހޫނުކޮށްލުން
ރޭޒާ
ނ ވިރިކެކޭ ބައެއް މަޢުދަނުންނާއި ފައިބަރުފަދަ ތަކެތިން އެކިބޭނުމަށް ހަދައިފައި ހުންނަ ފުއް ނުވަތަ ފޯލި މިއީ އެނބުރޭ ބައެއްކަހަލަ ތަކެތީގެ އެނބުރުން ހަލުއިކުރުމަށް އެތަކެއްޗަށް ލައްވާއެއްޗެކެވެ
ރޯ
ނ (1) އެއްޗެއްގައި އަލިފާން ހިފާހިފުން މިސާލު: ތަނެއްގައި އަލިފާން ރޯވުން (2) ނއ "ހިކި" މިބަހުގެ އިދިކޮޅު މިސާލު: )ހ( ރޯދަރު )ށ( ރޯމޭވާ (3) ދިރޭ މިސާލު: )ހ( ރޯގަސް )ށ( ރޯފާރުގަނޑު (4) ކައްކައިގެންނޫނީ ނުކާތަކެތި ކެއްކުމުގެ ކުރީގައި ކިޔާގޮތް މިސާލު: )ހ( ރޯހަނޑޫ )ށ( ރޯމަސް (5) އެއްޗެއް މިސާލު: މިތާނެތް ރޯއެއްނެތޭ (6) ގޮތް މިސާލު: ތިޔަކަންތައް ކޮންފަދަ ރޯއެއްގައި ދާނެބާވައެވެ (7) ހުރިގޮތަށްހުރި މިސާލު: )ހ( ރޯގޯސް )ށ( ރޯދޮގު (8) ހާމަ މިސާލު: ރޯދުވާލު (9) ރަނގަޅަށް ދޮންނުވާ މިސާލު: ރޯކެޔޮ
ރޯދަޖަބޮ
ނ ރޯދަވިއްލުމަށް އަމިއްލައަށް ހޯދާ ނުވަތަ މީހަކު ހަދިޔާކުރާ މޭވާއާއި ކުރުނބާ ފަދަތަކެތި
ރޯދި
ނ (1) ފައިދާއެއް ހާޞިލުވާ ކޮންމެއެއްޗެއް (2) ކާބޯތަކެތި (3) ރިޒުޤު
ރޯލު
ނ (1) ކަރުދާސްފަދަ ތަކެތީގައި ރޮނގުދަމަން ގެންގުޅޭ ފޯލި. (2) ވަށްކޮށް އޮޅައިފައި ހުންނަ ތަކެތި. މިސާލު: ލަވަރޯލު ކެސެޓްރޯލު ފޮތިރޯލު ކަފަރޯލު (3) އަދާކުރާބައި (4) ފުރާ ދުއްވާ ތަކެތި ދެފަރާތަށް ފުރޮޅާ ފުރޮޅުން
ބަނގަބަނގައެޅުން
މ (1) ބޮޑެތި ސަތަރުފަދަ ތަކެތި ވެއްޓޭއިރު އިވޭ އަޑު އިވުން (2) މަރުތަބާންފަދަ ބޮޑުއެއްޗެއް އަރިކުރެވޭ ގޮތަކުން އޭގައި ހުންނަފެން ހިފެހެއްޓެމުން ފައިބާއިރު އިވޭއަޑު އިވުން
ބަނގު
ނ މަސްތުވާތަކެތި
ބަނޑަހަގެ
ނ ގޭގެ ކާޑުގެ ތަކެއްޗާއި ދުންބޮއި ދުފާ ހެދުމަށް ބޭނުންކުރާ ތަކެއްޗާއި އާއްމުކޮށް ގެއަށް ބޭނުންވާތަކެތި ރައްކާކުރާ ގުދަން އިހުގައި މިތަން ހުންނާނީ ގެއާ ވަކިންނެވެ
ބަނޑު ޖެހުން
މ ޖަނަވާރަކާއި ދޫނިސޫފާސޫފި ފަދަތަކެތި ބަނޑު ޖައްސައިގެން އޮށޯތުން
ބަނިޔާ
ނ ގޮވާމާ ހަކުރުފަދަ ކާތަކެތި ވިއްކާމީހާ
ބަންދު
ނ (1) ހައްޔަރު (2) ގަޓަރިފީފާ ފަދަތަކެތި ބަންދުކުރަންއަޅާ ހަނިދިގުކޮށް ހުންނަ ތުނި ދަގަނޑުފަތް ނުވަތަ ފޮތިގަނޑު (3) ޕާރުސަލްކުރާ ކުރުން (4) އިނގިލީގައި އަޅާން ރަންރިހިފަދަ ތަކެތީން ހަދައިފައި ހުންނަ ފަތި އަނގޮޓި (5) ފޮތްފޮތުގެ ގަނޑުތައް ހުޅުވުނަ ނުދިނުމަށާއި ރައްދުވާ ފަރާތުގެ ނަން ޖެހުމަށް ފޮތުގެ ވަށައިގެން އަޅާ ކަރުދާހުގެ ފަށް (6) ހެދުމާއި ޔުނީފޯމުގައި ކަމަރެއްގެ ގޮތުގައި ބޭނުންކުރާ ފޮތިފަށް (7) ރައްކާކުރާން ބޭނުންވާ ތަކެތި ލައިފައި ހުންނަ ތަންތަނުގެ ދޮރުގައި ހުރަހަށް ނުވަތަ ކައްޗަށް އަޅައިފައި ހުންނަ ދަގަނޑު (8) "ހުޅުވިފައި" މިބަހުގެ އިދިކޮޅު (9) ނިޝާނެއްގެ ގޮތުން އަތުގައި ނުވަތަ ބޮލުގައި އަޅާން ހަދައިފައި ހުންނަ ފީތާފަށް )01( މަނާވާވުން
ބަންޑުންޖެހުން
މ (1) ބަންޑުން ކުރުން. (2) ތަށި ތެލި ރުނބާފަދަ ތަކެތި ފޫމައްޗަށްވާގޮތަށް ބޭއްވުން (3) ފުރާ ދުއްވާ ތަކެތި ފޫމައްޗަށްވާ ގޮތަށް ބަންޑުންވުން
ބަރާ
ނ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެންވާ ބަރާ. (2) ފުރާ ދުއްވާ ތަކެތި ދުއްވަން ހެޔޮވަރަށް ކުރާ ބަރު. (3) ރިޔާ ނެގީމާ ތެދަށް ނުހުރެވޭ ވަރުގެ ހިމަދިގު ދޯނިފަހަރު ތެދަށް ބެހެއްޓުމަށްޓަކައި އެދޯނިފަހަރުގެ މަތި ކިބަފަރާތަށް ދުއްވައިފައި އޮންނަ ދަނޑިއެއްގައި ލައިފައި އޮންނަ ކަނދު
ބަރާކުރުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެން ބަރުކުރުން (2) ފުރާދުއްވާ ތަކެތި ދުއްވަން ހެޔޮވަރުވާ ވަރަށް ބަރު ކުރުން