radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ނާށިގަނޑުކަނދި
ނ ކަނދީގެބާވަތެއް. މިއީ ހިއްތަލަފުށް މޮޑެ ވިދުތޮރުފައިފައި ހުންނަ ނާށިގަނޑަކުން ފުށްދަމައިގެން އެފުށް ހިއްކައިފައި އެ އުފުއްޔަށް އަޅައިގެން ކައްކާ ކަންޖެކެވެ
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނިއަމިކަން
ނއނ (1) މާލިމީކަން (2) ފިލާއަޅައިގެން ދަތުރު ކުރަން އެނގޭ ޢިލްމް
ނިވަނަކަލު
މ )ބދ ( ކަފުން ކުޅައިން
ނިވާމަގު
ނ ކުރިމަތިފަރާތާއި ފުރަގަސް ފަރާތު ދޮރުގެ ކައިރިން އިސްތަށި ފަޅައިފައިވާ ހިސާބު
ނިވާލި
ނ އުންޑަނާޅައި ބޮޑުބަޑިޖަހާއިރު އުންޑައިގެ ބަދަލުގައި ލާބޮނޑި
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން
ނިވުން
މ (1) އަލިފާން ހުރެފައި ނެތުން. (2) ދިއްލިފައި ހުރިއެއްޗެއްގެ އަލިކަން ދިޔުން. (3) ހޫނުފެނަށް ހިހޫފެން އަޅައިގެން ހޫނުކަން މަޑުކުރުން. (4) އިންޖީނު ރޭޑިޔޯ ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓުން (5) އަވި މަޑުވުން ނުވަތަ ހަނދުވަރު ފަނޑުވުން
ނިލަ
ނ (1) ކަށިކެޔޮ ހޮޅުފަޅައިގެން ހަދާފަތި (2) ބައްތެލި ފަހަރުގެ ހިޔަލުމަތީ އަޅައިފައި ހުންނަފަތި
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ
ނުއިބޭސް
ނ ކަޅުދަނބުކުލައިގައި އެތިއެތިކޮޅަށް ހުންނަ ކުލަޖައްސާން ގެންގުޅޭ އެއްޗެއް މިހަދަނީ ކުދި ހިތިގަހުގެ ފަތް ފެނުއަޅައިގެންނެވެ މި ބޭހަށްވެސް ލައިއުޅެއެވެ އިހުޒަމާނުގައިވެސް ނުލުގެ ބަދަލުގައި ބޭނުން ކުރަނީވެސް މިއެވެ
ނެރުނޮޅުން
މ ނެރުގައި ހުންނަ ވިނަނޮޅައި ގާތައް ނަގައި ނެރު ސާފުކުރުން
ރަހަފޮށި
ނ އުދަރެސް ނުފެންނަ ތަންތާނގައި ފިލާއަޅާއިރު އިރުބަލާން ދިރޭރަހަ އަޅައިފައި ހުންނަ ފޮއްޓެއް
ރަންނާބޯލި
ނ )އ ( ހުއިފިލަނޑާގެ ބާވަތެއް މިބާވަތުގެ ހުއިފިލަނޑާގައި ހުންނާނީ އުންފަޅައިފައެވެ މީގެކުލައަކީ ކަޅުކުލައެވެ މިއަށް މިހެންކިޔަނީ މި ހުއިފިލަނޑާ ވިހާމަސް ބޮޑުވެގެން ރަންނަވެއް ބޯލިކަމަށް ބުނާތީއެވެ
ރަންބުސްތާނު
ނ ބޮޑު އޮށެއް އޮންނަ ކުޑަ މޭވާއެއް މީގެ ތޮށިގަޑުގައި ނަރު ފަޅައިފައި ހުންނާނެއެވެ މީގެ ކާން ބޭނުންކުރަނީ އޮށުގެ ބޭރުން އޮންނަ ހުތްފޮނި ރަހަލާ ހުދުކުލައިގެ ހެވާކޮޅެވެ
ރަންކިއުން
މ ކާވަނީގެ ރަނުގެ މިންވަރު ކަނޑައަޅައި ބުނުން
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންފިތޮޅި
ނ ތަށިމުށީގެ ކަންވާރުގައި އަޅައިފައި ހުންނަ ކުރެހުމެއް
ރަކިސްބޮނޑު
ނ ކަނދުރާމަތިން ކަށިފަޅައިފައި ހުންނަ ބޮޑެތި ފިރިހެންބޮޑު