radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ހިރިޔާމާލަން
ނ ވައިގެބަނދަރާއި ޖަލްސާކުރާ މާލަންފަދަ ތަންތަނުގައި ޚާއްޞަ ބޭބޭފުޅުންނަށް ކަނޑައަޅައިފައި ހުންނަ އިންތިޒާރު ކޮޓަރި
ހިރުނދު
ނ (1) ހިރުނދުގަހުގެ ވަކި (2) ގޮފިގިނަކޮށް ފެތުރިހެދޭ ހިޔާބޮޑުގަހެއް (3) ރާއްޖޭގައި ހެދޭ ލަކުޑީގެ ތެރެއިން އެންމެ މޮޅު އެއްލަކުޑި މިއީ އޮޑިދޯނި ފަހަރު ބަނުމަށާއި ފަރުނީޗަރު ޖެހުމަށް ބޭނުންކުރާ ކީލި ހިމުން ލަކުޑިއެކެވެ
ހިރުބޮލި
ނ (1) ބޮންތިއާއި އަސާގެ މަތީކޮޅުގައި ހުންނަގޮބު (2) ކަސަބުބޯ ވަޅުގައި ކާއްތާ އޮމާންކޮށް އޮފުއެރުވުމަށް ބޭނުންކުރާ ދޮންކުލައިގެ ބޮއްޔެއް
ހިބަރުނަނު
ނ ހިބަރު ބޭނުމަށް މަސްވެރިން ބޭނުންކުރާ ނަނު
ހިބޮށި
ނ )ސ ( ލޮނާއި ހަކުރުއަޅާން ބޭނުންކުރާ ޅަކުރުނބާގެ ނާށި
ހިކަނދިފޭލި
ނ އަނުމަށާއި ބޮލުގައި އޮޅުން ނޫންކަންތަކަށް ބޭނުންކުރާ ފޭރާންދެރަ ފޭއްޔެއް މިފޭލީގެ ކުލައަކީ އަޅިކުލައެވެ
ހިކަނދުބަނޑޮ
ނ )ޏ ( މަހަށްގޮސް ތިބޭއިރު ކުރުމަހަށްކިޔާ ވަނަމެއް
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
ހިކިބިލަމަގު
ނ (1) ހިކިފައިހުންނަ ބިލަމަގު (2) މަޖާޒު: ފުރިހަމަ ބައްޓަން ނުލިބޭ ވަރަށް ހިކިކޮށްތިބޭ އަންހެނުން
ހިކިފަސްތާބަކަތެޅުން
މ މަޖާޒު: ނަތީޖާއެއްނެތް ބޭކާރު މަސައްކަތް ކުރުން
ހިކިދޮވުން
މ ފެނުގެ ބޭނުންނުކޮށް ކެމިކަލް ބޭނުންކޮށްގެން ފޭރާން ފަދަތަކެތި ސާފުކުރުން
ހިއްތަން
ނ މޫދުގައި އުޅޭ ހަންދަޒާތުގެ ބޮޑު އެއްޗެއްގެ ނިޔަފަތި މިއީ ބޭހަށް ގެންގުޅޭ އެއްޗެކެވެ އޮންނާނީ ބޮޑުކޮށް ސަނދަރަބޮއްޔެއްހެނެވެ
ހިއްޕާދަތި
ނ ވަޑާމުގެތެރޭ ދޭތިގަނޑު ގާތްކޮށް ތަތްކުރަން ބޭނުންކުރާ އަތްދަތި. މިއީ ދެއެއްޗެއް ގާތްކޮށް ހިމުން ކުރުމަށާއި އެއްޗެއް ނުގުޑާގޮތަށް ހިފެހެއްޓުން ފަދަ ކަންކަމަށް ބޭނުންކުރާ އެއްޗެކެވެ
ހިއްޕި
ނ (1) އަންހެނުންގެ އުރަމަތި ހިފެހެއްޓުމަށްޓަކާ ބޭނުން ކުރާއެއްޗެއް. (2) ކިރުހިއްޕި. (3) ހިއްޕުން މިބަހުގެ ނިމިނިމުނުކަން
ހިއްޕީން
ނ އެއްވެސް ގަވައިދެއް އުޞޫލެއްނެތި އުޅޭބައެއް )މިމީހުން އާންމު ގޮތެއްގައި މަސްތުވާ ތަކެތި ބޭނުންކުރެއެވެ
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިމާރު
ނ ތަކެތި އުފުލުމަށާއި ސަވާރުވުމަށް ބޭނުންކުރާ މަޝްހޫރު ޖަނަވާރެއް މިއީ އެންމެ ގަބު އެންމެ އަޑުހުތުރު ޖަނަވާރެވެ
ހިތަކަށްބިތަކަށް
މ )ސ ( (1) ބޭނުންގޮތަކަށް (2) ހިތަށްއެރިގޮތަކަށް
ހިތާމަ
ނ ހިތަށް ލިބޭ ގަދަ މޮޅިވެރިކަން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން