radheef.info
ރަދީފު


ބަދަލު
ނ (1) މީހަކު ނެތްތާކު އެމީހަކު ކުރަންވާ ކަންތައް ކުރަންހުންނަ އަނެކަކު (2) އެކައްޗެއްގެ މަޤާމުގައި ބޭނުންކުރާ އަނެކަތި (3) އެއްޙާލަކުން އަނެއްޙާލަކަށް ފުރޮޅިގެންދާ ފުރޮޅުން
ބަދަލު
ނ ޝަރުޢީގޮތުން މީހަކު ބަލަން ޖެހޭ ޖެހުން
މުރަކަފުންނަ
ނ މިއީ ފަޅުފަޅުގެ ތިލަ ހިސާބުގައި ދިރިއުޅޭ މަހެކެވެ. މިބާވަތުގައި އެންމެ ފާހަގަކުރެވޭ އެއް ސިފައަކީ މަސް ދިރިއުޅޭ ވެށްޓާއި ގުޅައިގެން މަހުގެ ކުލަ ބަދަލު ކުރާކަމެވެ
މުއާޞަލާތު
ނ (1) ގުޅުން އުފެއްދުމުގެ ޢަމަލު. (2) އަނގަބަހުން ބުނާ ނުވަތަ ލިޔެގެން އަންގާ ވާހަކަ. (3) އެކަކު އަނެކަކަށް ދޭހަވާ ބަހުރުވައަކުން ނުވަތަ ޙަރަކާތަކުން ނުވަތަ އިޝާރާތަކުން ނުވަތަ ނިޝާނެއްގެ ބޭނުން ކޮށްގެން ވާހަކަ ދެއްކުމަށް ކުރާ ޢަމަލު. (4) މަޢުލޫމާތު ބަދަލު ކުރުމަށް ކުރާ ޢަމަލު. (5) ދަތުރު ފަތުރު ކުރުމުގެ ނިޒާމް. (6) ވާހަކަ ދެއްކުމާއި ސިޓީއާއި މެސެޖް ބަދަލުކުރުމުގެ ނިޒާމު
މުއްދު
ނ (1) ދެއަތްގޮށި ޖަހާފައި އެއްފަހަރާ ނެގޭ މިންވަރު. (2) ހިކި ތަކެތި މިނަށް ގެންގުޅޭ ނާޅި ކަހަލަ އެއްޗެއް. (3) ވާޖިބު ބައެއް ކަންތައް ހުއްދަގޮތުގައި ދޫކޮށްލާފައި އޭގެ ބަދަލުގައި ދޭންވާ މިންވަރު. (4) ދީނީ ގޮތުން ކުރުން ހުއްދަނޫން ބައެއް ކަންތައް ކުރެވުމުން ދޭންޖެހޭ ކައްފާރާ )މުއްދެއްގެ މިންވަރު ކަމުގައި މިޒަމާނުގައި ބަލަނީ ހަތަރު މުއްދަކީ އެއް ޞާޢު ޞާޢަކީ ދޭއްޕޮއިންޓް ހަތަރެއް ސުމެއް ސުމެއް ކިލޯކަމަށެވެ
މޫނުމަތި
ނ (1) މޫނަށްވީ ހިސާބު. (2) މޫނުގެ ސިފަ ބަދަލުކުރުމަށްޓަކައި އަލަށް ހަދައިފައި ހުންނަ އެއްޗެހި (3) ފީނާއިރު ލޯރައްކާތެރި ކުރުމުގެ ގޮތުންނާއި ފަސޭހައިން ތަންތަން ބެލުމަށްޓަކައި މޫނުގައި އަޅަން ހަދައިފައި ހުންނަ އެއްޗެހި (4) ގަޑިއާއި ސަމުގާ ފަދަ އެއްޗެހީގެ އަކުރުތައް ޖަހައިފައި ހުންނަފަރާތް (5) ކުރިމަތި
މޫސުންބަދަލުވުން
ނ (1) އެއްމޫސުން ހުސްވެ އަނެއްމޫސުމަށް ފެށުން (2) މަޖާޒު: ޒަމާން ބަދަލުވުން
މެދުރިކުނާ
ނ (1) އިހުގައި ދޫލައިގެ ބަދަލުގައި ބޭނުންކުރާކުނާ (2) މެދުރިމަތީގައި އަޅާކުނާ
މޭ
ނ (1) އިންސާނުންނާއި މައިކަށި ހުންނަ ސޫފާސޫފީގެ ހަށިގަނޑުގެ ތެރޭގައި އޮންނަ ރަތްމުށި ކުލައިގެ ގުނަވަނެއް މިއީ ހަކުރު ގުލްކޯޒަށް ބަދަލުކޮށްދީ ކާއެއްޗެހި ހަޖަމުކުރުމަށް ބޭނުންވާ ރީނދޫ ދިޔައެއް އުފައްދައިދޭ ގުނަވަނެކެވެ (2) މޭމަތި (3) އިރުމަހުގެ ފަސްވަނަ މަސް
މޭކަޕްކުރުން
މ (1) ރީތިވުމަށްޓަކައި މޫނުގައި އުނގުޅާ ތަފާތު ވައްތަރުގެ އެއްޗެހި އުނގުޅުން. (2) ތަމްސީލު ފަދަ ކަންތަކަށް ނުކުތުމަށްޓަކައި މޫނުގައި އުނގުޅާ ތަކެތި އުނގުޅައި ކުލަތަފާތު ކުރުމާ މޫނަށް ގެންނަންޖެހޭ ބަދަލުތައް ގެނައުން
ފަހަތަށްޖެހުން
މ (1) އަނބުރައިނުލައި ފަހަތަށް ޖެހިލުން (2) ދުއްވާ ތަކެތި އަނބުރައިނުލައި އައިކޮޅަށް ދެވޭގޮތަށް އޭގެ ދުވެލި ބަދަލުކުރުން (3) ބަޔަކު ކުރިން ތިބި ހިސާބަށްވުރެ ފަހަތަށް ދިއުން
ފަނާ
ނ (1) މީހުނާއި ދިރޭ ކޮންމެ އެއްޗެއް ވާ މަރު. (2) އެއްޗެއް ނެތިދާދިއުން. (3) އޮޑިދޯނިފަހަރު އެޅުމަށް ނަގިލީގެ ބަދަލުގައި ބޭނުންކުރާ ގަލެއް. މިގައު އޮންނާނީ ވަށްކޮށް ފަތާކޮށް މެދުގައި ލޯވަޅެއް ތޮރުފައި އެތަނަށް ދަނޑިއެއް މަހައިފައެވެ
ފަންކާކިނާރި
ނ ކަސަބުން ވިޔެފައި ހުންނަ ކިނާރިއެއް. މިހުންނާނީ ވަށްބުރެއްގެ ދެފަޅިކޮށް އެއްފަޅިހެން ހުންނަ ފުއްޕުންތަކަކުން އެކުލެވިގެންވާ ފަންކާތަކެއް ހެންނެވެ. ކަސަބު ބޯވަޅު އެޅިދުވަސްވަރު ވައް ބަގިޔާގެ ބަދަލުގައި މީގެ ފަށެއް ތިރީ ކައިރީގައި ޖައްސައިގެން އަޅާ އުޅުނެވެ
ސޯރު
ނ ލަވަކިޔާއިރު ރާގަށް ބަދަލުގެނެސް އެކި ގޮތްގޮތަށް ދަމާ ދެމުން
ސޯރުކުރުން
މ ރާގު ނުވަތަ ލަވަކިޔާއިރު ރާގަށް ބަދަލުގެނެސް އެކި ގޮތްގޮތަށް ދެމުން
ފައިޖެހުން
މ (1) ފަރުނީޗަރު ފަދަ ތަކެތީގެ ފައި ހަރުކުރުން (2) ފައިނެތް އާދަމުގެ ދަރިއެއްގެ ފައިގެ ބަދަލުގައި ހަދައިފައިވާ ފައެއް ހަރުކުރުން (3) އިސްކޮޅުކެއުން (4) ފައި ފޯރުން (5) ބިންމަތީގައި ބާރަށް ފައިންޖެހުން
ފައްތަރު
ނ (1) ގޮށް ނުޖެހޭ ކަހަލަ ދެއެއްޗެއް ގުޅުވުމަށްޓަކައި އެކަތި އަނެކައްޗަށް އަރުވާފުށު. (2) މަޖާޒު: އެއްޙާލަތުން އަނެއް ޙާލަތަށް އެއްދައުރުން އަނެއް ދައުރަށް ބަދަލުވެގެންދާ ދަނޑިވަޅު (3) )ޏ ( ވެވަށް ފައިބާން ހުންނަ ހަރުފަތް
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްތަރުދެއްކުން
މ އެއްމޫސުން އަނެއް މޫސުމަށް ބަދަލުވާއިރު އުދަރެހުން ވިލާތައް ނެގުން
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާނަބަސަނދު
ނ ހަމުގެ ބައްޔެއް. މިއީވަރަށް އަވަހަށް ފެތުރޭ ބައްޔެކެވެ. މިބަލީގެ ފަނި ހަށިގަނޑަށް ވަންނަތާ 11 ދުވަހާ 81 ދުވަހާ ދޭތެރޭގައި ގަދައަށް ހުން އާދެއެވެ. ހުން އަންނަތާ 42 ގަޑިއިރުގެ ތެރޭގައި ރަތްކުލައިގެ ބިހިތަކެއް ނަގައެވެ. މިބިހިތައް ބޮޑެތިވެ ފޮޅުތަކަކަށް ބަދަލުވެ ކުރަމަގާލިލައި 21 ދުވަސް ފަހުން ކުރަމަގާލިތައް ނެއްޓިދެއެވެ
ފެންފަރިއްކޮޅު
ނ އިހުގައި ބޭފުޅުންނަށް މާތްކޮށް ހިތުމުގެ ގޮތުން ވާހަކަ ދައްކާއިރު ފެންފޮދުގެ ބަދަލުގައި ބުނެއުޅޭ ބަހެއް