radheef.info
ރަދީފު


ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ބަންގާޅުފޮށި
ނ ބަންގާޅުން ގެނެސް އުޅުނު ރަންގޫނުފޮށި މީގައި އޭރުގެ އެހެން ފޮށިތަކުގައި ހުންނަ ފަދަ ފައެއް ނުހުންނާނެއެވެ އޭގެ ބަދަލުގައި ހުންނަނީ ފޮށި ވަށައިގެން ފަތި އަޅާފައެވެ މިފަތިކޮޅު ހުންނަނީ މަތީކައިރީ ފަރާތުގައި ދާރަ ޖަހައިފައި ތިރީކައިރި ވަކި ކުރެހުމެއްހެން ތަންތަންކޮޅުން ކަނޑައިފައެވެ
ބަރަނި
ނ (1) އެއްކޮޅު ނިއުޅޭނޭހެން އުއި ނުވަތަ ފަށުވި ނުވަތަ ނައިލޯނުފަދަ އެއްޗެއްގެ ރޮދިން އޮޅައިފައި ހުންނަ ބޮނޑި. މީގެ ދެވައްތަރެއް ހުރެއެވެ. އެއީ ބޮނޑި ބަރަންޏާއި ދަނޑި ބަރަންޏެވެ (2) ރޮދި
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބަކަމޫނު
ނ ފަޅުތަންތަނާއި ޖަންގަލިތަކުގައި ދިރިއުޅޭ ރޭގަނޑު ޝިކާރަކުރަން ނުކުންނަ މޫނާއި ލޯބޮޑު ދޫންޏެއް މިއީ ސުރުމުއްޗާ ވައްތަރު އެއްޗެކެވެ
ބައިސިކަލު
ދެފުރޮޅުލީ ދުއްވާ އެއްޗެއް މިއީ އޭގެ މައްޗަށް އަރައިގެން ދުއްވާ އެއްޗެކެވެ މިދުއްވަނީ ފުރޮޅު އަނބުރަން ހަދައިފައި ހުންނަތަން ފައިން އަނބުރައިގެންނެވެ
ބައްދާރަންކަރު
ނ ރަންރިހި ބެއްދުމަށާއި ބޭހަށް ބޭނުންކުރާ މައުދަނީ އެއްޗެއް
ބައްދާކުނޑި
ނ ރަންރިހީގެ ތަކެތި ބެއްދުމަށް ބޭނުންކުރާ ކުނޑިއެއް. މިއީ ރަނާއި ރިހީގެ ގަހަނާ ހަދާއިރު ދެއެއްޗެއް ނުވަތަ ބޮޅު ފަދަ ތަކެތި ބެއްދުމަށް ބޭނުންކުރާ ކުނޑިއެކެވެ. މީގެ ދެ ބާވަތެއް ހުރެއެވެ. އެއީ ރަން ބައްދާކުނޑި އާއި ރިހި ބައްދާކުނޑިއެވެ
ބައްތި
ނ (1) އަލިކުރާން ދިއްލާއެތި. މިސާލު: )ހ( އުށްބައްތި )ށ( ފުޅިބައްތި. )ނ( އަތްބައްތި )ރ( ނެރުބައްތި (2) އިލޮށި ގަނޑެއްގައި ފޮތިކޮޅެއް އޮޅައިގެން ރޯކުރަން ގެންގުޅޭ އެއްޗެއް
ބަދަލު
ނ (1) މީހަކު ނެތްތާކު އެމީހަކު ކުރަންވާ ކަންތައް ކުރަންހުންނަ އަނެކަކު (2) އެކައްޗެއްގެ މަޤާމުގައި ބޭނުންކުރާ އަނެކަތި (3) އެއްޙާލަކުން އަނެއްޙާލަކަށް ފުރޮޅިގެންދާ ފުރޮޅުން
ބަލާހިންގެވުން
މ ރަސްމީ ބައެއް ކަންތައް ތައްޔާރުކުރަން އުޅޭ މީހުން އެކަމަށް ގެންނާންވީ ބަޔަކު ހާޟިރުވުމަށް އަންގާން ދިއުން މިސާލު: މާލޫދު ފެށުމަށް އަހަރުމަތި ކިޔެވުމަށް ބަލާދިއުން
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިކޮށި
ނ (1) ރަސްމީގޮތުން ބަޑީގެ މަސައްކަތް ކުރުމަށް ސަރުކާރުން ބަނޑުހަނޑޫ ދެއްވާފައި ތިބޭ ހަތަރުބައި މީހުންކުރެ ބައެއް (2) މިބައި މީހުންނަށް އެމަސައްކަތް ކުރަން ދެއްވާފައިވާ ބިން
ބަޑިފަސްގަނޑު
ނ އަމާޒަށް ބަޑި ޖަހާން ދަސްކުރަން ހަދައިފައި އޮންނަ ފަސްގަނޑު މިއީ އުސްކޮށް ފުޅާކޮށް އޮންނަ ފަސްގަނޑެކެވެ މި ފަސްގަނޑު އޮންނަނީ އެދުވަސް ވަރެއްގައި އެކަމަށް ހަމަޖައްސައިފައި އޮންނަ ތަނެއްގައެވެ
ބަޑިފިހިގަނޑު
ނ ބޮޑުބަޑީގެ އެތެރެ ސާފުކުރަން ގެންގުޅޭ ބުރުސް އިހުގައި މިހަދައިފައި އޮންނަނީ ވަކައިންނެވެ
ބާރީ
(1) ފުރާދުއްވާ ބޮޑެތި ތަކެތި އެންމެބޮޑަށް ބަރާކުރަންވާ ހިސާބުގައި ނެރެފައިވާ ފަށް (2) ބިއްލީ
ބާރީއެޅުން
މ ފުރާދުއްވާ ބޮޑެތިތަކެތި އެންމެބޮޑަށް ބަރާކުރަންވާ ހިސާބުގައި ނެރެފައިވާ ފަށް ހަރުކުރުން
ބާރުދިނުން
މ (1) އެހީތެރިކަން ފޯރުވުން (2) ހިތްވަރުދިނުން (3) ވާގިދިނުން (4) ގަދަފަދަކަން ގެނައުން (5) ކަރަންޓްދިނުން (6) އަވަސްކުރުވުން
ބާރޯޒުއާވި
ނ ބާރޯޒުންނަގާ އާވި. މި ބޭނުންކުރަނީ ރަން ރިހި ސާފުކުރުމަށާއި އުން ވެއްޓުމަށާއި ދަދާއި ފެތުރި ފަސޭހަކުރުމަށެވެ
ބާފޮތި
ނ (1) ބާވެފައިވާ ފޭރާމުގެ ފޮތި (2) ފޮޅައި ސާފުކުރުމުގެ ކަންކަމަށް ބޭނުންކުރަން ދޫކޮށްލައިފައިވާ ފޮތި
ބިޖިލީ
ނ ކަރަންޓު