radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ހުކުރުބެރު
ނ އިހުގައި ހުކުރުދުވަހު ނުވައެއްޖަހާއިރު ނާބުސްޚާނުގައި ޖަހާބެރު މިއީ މީސްތަކުން ހުކުރަށް ދާން ތައްޔާރުވުމަށް ޖަހާއުޅުނު ބެރެކެވެ
ހުއިފަތުމަސް
ނ ފަރުމަހުގެބާވަތެއް މިބާވަތުގެ ބޮޑެތިމަސް ދިރިއުޅެނީ މާކަނޑުގައެވެ ފަޅުތެރެއަށްވަދެއުޅޭ މީގެކުދިމަސް ދުވެއުޅެނީ އަރިއަށް ތިބެގެން ވަރަށް މަޑުމަޑުންނެވެ މިގޮތަށް މިމަސްދުވާއިރު ހީވަނީ މަރުވެފައިވާ ހުއިފަތް ކޮޅެއް އޮޔާ ދާހެނެވެ މަހުގެ ކުލައަކީ ގަދަމުށިކުލައެވެ މަހުގެ ނިގޫފަތް ހުންނަނީ ވަށްކޮށެވެ
ހުދުހުތްޕިލާ
ނ ތިރިކޮށް ހެދޭގަހެއް. މީގެ ކޮންމެ ފަތްވަޅެއްގައި ހުދުކުލައިގެ ކުޑަކުޑަ މާބޮޑިއެއް ހުންނާނެއެވެ. ފަތްހުންނާނީ ދެކޮޅަށް ހިމަކޮށް ވަރަށް ކުދިކުދިކޮށެވެ މީގައި ކިރު ވަރަށް ގިނައެވެ
ހުދުރަން
ނ ހުދުކުލަގައި ހުންނަ ވަރަށް އަގުބޮޑު މަޢުދަނެއް. މިއީ ނާދިރު ހަ މަޢުދަނުގެ ތެރޭގައި ހިމެނޭ އެއްޗެކެވެ މިވިރެނީ 5 3771 ޑިގްރީ ސެންޓިގްރޭޑަށް ހޫނުކަންގޮސް ގެންނެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުކައިރު
ނ (1) ބޭސްހަދަން ގެންގުޅޭ ކައިރެއް (2) އާދައިގެ ކައިރަށްވުރެ ކުލަމަޑު ކައިރުގެ ބާވަތެއް
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި
ހުދުކާފޫރު
ނ ހޫނުގަދަ ރަށްރަށުގައި ވަރަށްގަދަޔަށް ހެދިފައިހުންނަ ފެހިކަންގަދަ ގަހަކުންނެގޭ ތަތްކަންބޮޑު ކިރެއް މިދިޔާނުވެ އާތްވަށް އަރައިގެންދެއެވެ މިއީ ބޭހަށައާއި ޚަނޫޠު ހެދުމަށް ބޭނުންކުރާ އެއްޗެކެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުދެންމަސްދަރި
ނ )ހ.( އެމުގެ ބާވަތެއް. މިއީ ބުރަކަށި މަތީގެ ކޮތަރިބައި މަޑުނޫކުލައެއް ހުރެފައި ބަނޑުދައްފަރާތް ހުދުކުލައިގައި ހުންނަ 2 އިންޗިވަރުގެ ކުދިއެމެކެވެ. މިގިނައިން ހުންނަނީ އެންދަމާއިރު އެންތަކުގެ ތެރޭގައެވެ. މިގިނައިން ހުރެއްޖެނަމަ މަސްވެރިކަން ވަރަށް ރަނގަޅުވާނެއެވެ
ހުސްނުހީނާ
ނ މީރުވަސްދުވާ މަލެއް އަޅާގަހެއް މިއީ ވާކޮށްފެތުރި ހެދޭގަހެކެވެ މިއީ ފަތްގިނަ ގަހެކެވެ މާހުންނާނީ މަޑުފެހިކުލައިގައި ކޯޅިކޯޅިއަށެވެ މިމާހުންނާނީ ކުޑަކޮށް ހިމަދިގުކޮށެވެ މީގެ މަލުގައި ހުންނަނީ ފަސް ފިޔައެވެ މިގަހުގައި އަޅާމާ ހަތްފަހަރަށް ފޮޅެއެވެ
ހުޑޫ
ނ )ސ ( ފިލޮޅު ޒާތުގެ މަހެއް މީގެ ނަގޫފަތުގައި ލަފެއް ހުންނާނެއެވެ މިމަހުގައިވަރަށް ބޯކޮށް ހުޅުބުހުންނާނެއެވެ މިމަސް ހުންނަނީ ހުދުކުލައެއްގައެވެ
ހޫނުވުން
މ (1) ހޫނުގެ އަސަރުކުރުން (2) މަޖާޒު: ރުޅިގަދަވުން މިސާލު: އޭނާ ހުރީ ވަރަށް ހޫނުވެފައެވެ (3) ކަމެއްގެ ފޯރި ގަދަވުން މިސާލު: އެމެޗު ވަރަށް ހޫނުވެއްޖެއެވެ (4) ކަމެއްގެ ތަޙްޤީޤު ފަދަ ކަމެއް މާބޮޑަށް ހޫނުވުން މިސާލު: އެމައްސަލަ މިހާރު އޮތީ ވަރަށް ހޫނުވެފައެވެ
ހޫރާލުން
މ (1) އެއްޗެއްގެ އެއްކޮޅުގައި ހިފަހައްޓައިފައި އަނެއްކޮޅު ފަރާތްފަރާތަށް ބާރަށް ގެންދިއުން (2) ނުރުހިގެން އެއްލައިލުން
ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ހެންވޭރުޓަކި
ނ މަޖާޒު: މާބާރަށް ބޮލުގައިޖަހާ ޓަކި މިޓަކި ޖެހުމުން މީހުން ބައެއްފަހަރަށް މަރުވެސް ވެއެވެ
ހެއިލާހުރުން
މ (1) ރޭގަނޑު ނުނިދައި ހުރުން (2) ކަމަކަށް ވިސްނައި ހުރުން (3) ކަމަކަށް ތައްޔާރަށްހުރުން
ހެއްލުމެއްގައި ގެއްލުމެއް
(މުސްކުޅިބަހެއް) (1) އަމިއްލައަށް ވިސްނުމަކާނުލައި އަނެކާގެ ބަހަށް ކަންތައް ކުރުމުން ލިބޭ ގެއްލުމަށް ބުނެއުޅޭ ބަހެއް (2) ކަމަކާއިމެދު ވިސްނަންވީވަރަށް ނުވިސްނައި ކަންތައްކުރުމުން ލިބޭގެއްލުމަށް ބުނެއުޅޭ ބަހެއް
ހެއްސޯހެދުން
މ )ޏ ސ ( ތިމާގެ މިންވަރަށްވުރެ ބޮޑާވެގެން ނުވަތަ ފޮނިވެގެން އުޅުން
ހެވި
ނ ކަނޑިއާއި ބަޑި އާއި ލޮންސި ފަދަ ހަތިޔާރަށް ކުލަދާނަ މީހާ