radheef.info
ރަދީފު


ރަހަ
ނ (1) ދުލުގައި ހުންނަ ގްލޭންޑްތަކުގެ އެހީގައި އެއްޗަކީ ކުޅިއެއްޗެއްކަން ނުވަތަ ފޮނި އެއްޗެއްކަން ނުވަތަ ލޮނު އެއްޗެއްކަން ނުވަތަ ހުތް އެއްޗެއްކަން ނުވަތަ ހިތި އެއްޗެއްކަން ނުވަތަ އެހެންވެސް ރަހައެއްލާ އެއްޗެއްކަން އެނގުމުގެ ޙިއްޞު ނުވަތަ ބާރު (2) އެމީހެއްގައި ހުންނަ ވަކި އެއްޗަކަށް ގަބޫލުވާ ނުވަތަ ވަކި ކަހަލަ ގޮތަކަށް ހެދުން އަޅާ ސިފަ (3) ދިރޭރަހަ
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިކޮކާމަސް
ނ ކޮކާމަހުގެ ބާވަތެއް. މިއީ ކަރުތާފަތުގެ ތިރީބައިގައި ތޫނުކައްޓެއް ހުންނަ ކުޑަ މަހެކެވެ މަހުގެ ކުލައަކީ ކަޅުކުލައަކަށްދާ ގަދަމުށިކުލައެވެ މަހުގެ ހުރަހަށް ކަޅުކުލައިގެ ހިމަރޮނގުތަކެއް ހުރެއެވެ ކަރުތާފަތުގެ މަތީބައިގެ ފަހަތުގައި ކަޅުލަފެއް ހުރެއެވެ
ކަށިމިޔަރު
ނ މިޔަރުގެ ބާވަތެއް. މިއީ ބޯކޮޅުން މެދު އުރަހައިގެ ބުޑުދޮށުގައި ކަށްޓެއް ހުންނަ ބޯކޮޅު ހިމަ އަނގަ ކުޑަ ދޮޅުރިޔަނެއް ވަރުގެ މިޔަރެކެވެ
ކަށިގަނޑު
ނ (1) ކަށީގެ ބައެއް ނުވަތަ ބުރިވަރެއް. (2) އެކިއެކި ބޭނުމަށްޓަކައި އަންގައިލުމަށް ފުމެން ގެންގުޅޭ އެއްޗެހި. މިސާލު: )ހ( ސިފައިންގެ ކަށިގަނޑު. )ށ( ބޯޅަކުޅޭއިރު ފުމޭ ކަށިގަނޑު. )ނ( އާގުބޯޓު ފަހަރުގައި ފުމޭން ގެންގުޅޭ ކަށިގަނޑު. (3) ތަތްފަތާއި ސިނަފަތް ބޯން ގެންގުޅޭ އެއްޗެއް. (4) ދިރޭ ތަކެތީގެ މަސްފިލާފައި އޮންނަ އޮނިގަނޑު. (5) ގުންބާ އުނދުނާއި ބިގަރުފަދަ ތަކެތީގައިޖެހޭ ކުނި ނައްޓާން ހަރާ ނަރުކޮޅު (6) ބިންވަޅު ނަގާ ކުރަހަން ގެންގުޅޭ ތޫނު އާލަތެއް: (7) އިސްކުރު އަނބުރަން ގެންގުޅޭ އާލަތެއް (8) ތުނޑު ދެފަޅިއަށް ހުރެފައި ދެފަށް ދޭތެރެއަށް ދެލިއަޅައިގެން ރޮނގުދަމާންގެންގުޅޭ އާލަތެއް (9) ހަމުގެ ދަރަޖަބަލާން ގެންގުޅޭ އާލަތެއް :)01( ޑަކްތަރުން ބަލިބަލާން ގެންގުޅޭ އާލަތެއް: (11) ވިއްސާރައިގެ އެކިއެކިގޮތްގޮތް ބަލާން ހަދައިފައި ހުންނަ އާލަތް: (21) ކާންގެންގުޅޭ އޫ
ކަނިކުރަދި
ނ ކަނިއަޅާން ގިލަމަތީ ހުރަހަށް އަޅައިފައި އޮންނަ ކުރަދިގަނޑު
ކަނޮޅި
ނ މިޔަރުގެ ބާވަތެއް. މިއީ ބޯވަށްކޮށް ހުންނަ އުރަހަ ގިނަ ކަޅުކުލައިގެ މިޔަރެކެވެ ލޯހުންނާނީ ބޮލުގެ ދެއަރިމަތީގައެވެ
ކަންނެލި
ނ ކަނޑުމަހުގެ ބާވަތެއް. މިއީ ލައްޓިއާއި ވައްތަރު ލައްޓީގައި ހުންނަގޮތަށް ތިކިނުހުންނަ އެއަށްވުރެ ބޮޑެތިވާ މަހެކެވެ. މީގެ ދެތިންވައްތަރެއް ހުރެއެވެ. މީގެ ތެރޭގައި ލޯބޮޑުކަންނެއްޔާއި ނިގޫ ދިގުކަންނެއްޔާއި ރީނދޫ އުރަހަކަން ނެލިހިމެނެއެވެ
ކަރަންފޫ
ނ މަތިކަރާބޭހުގެ ބާވަތެއް. މިއީ ދުފާއިރު ބޭނުންކުރާ އެއްޗެކެވެ. މީގެ ކުރީކޮޅުގައި ހަތަރު ތުނޑު ހުންނާނެއެވެ. މިއީ ކުޅި ރަހަލާ ކަޅުކުލައިގެ އެއްޗެކެވެ
ކަޅަވަތިމިއަރު
ނ )މ ( އުރަހައިގެ ކޮޅުކަޅުކޮށް ހުންނަ ކުދިމިޔަރު މިއީ ބަނޑުދޮށާއި ދެއަރިމަތީގައި މަޑު ރީނދޫ ކުލައެއް ހުންނަ މިޔަރެކެވެ މިމަހުގެ ބުރަކަށިމަތި ހުންނަނީ އަޅިކުލައިގައެވެ
ކަޅުކައްޅަ
ނ ޅަނދޮޅުކޮށް ހެދޭ ދުރުދުރުގައި ފަތް ހުންނަ ގަހެއް މިގަހުގެ ފަތް އެތުރިފައި ހުންނަނީ ގޮފީގެ ދެފަރާތުގައި އެއްފަތް އަނެއްފަތާ ދިމާވާގޮތަށެވެ މިއީ ބޯކޮށް ހުންނަ އާވިރަހަލާ ފަތެކެވެ ފަތުގައި ހުންނަނީ ގަދަ ފެހިކުލައެވެ މިގަހުގެ ގަސްގަނޑުގެ ކުލައަކީވެސް ގަދަފެހިކުލައެވެ މިއީ ވަރަށް ކިރު ގިނަ ގަހެކެވެ
ކަޅުކޮތަރިދަންބޮޑު
ނ ދަންބޮޑުގެ ބާވަތެއް މިއީ ފަރުފަރުގެ ބޭރުން ފުންހިސާބުގައި ގިނައިން އުޅޭ މަހެކެވެ މަހުގެ ކުލައަކީ ފަނޑުފިޔާތޮށި ކުލައެކެވެ މަހުގެ ކަރުތާފަތުގެ ހުރަހަށް ކަޅުރަތްކުލައިގެ ފުޅާ ރޮނގެއް ހުންނާނެއެވެ
ކަޅުފާނަ
ނ ފާނައިގެ ބާވަތެއް މިމަހުގެ ބުރިކަށިމަތި ހުންނަނީ ކަޅުކުލައިގައެވެ މަހުގައި ހުރަހަށް ފުޅާ ރޮނގުތަކެއްހުރެއެވެ މަހުގެ ނިގޫފަތުގެ ކޮޅު ހުންނާނީ ވަށްކޮށެވެ
ކަޅުދިރި
ނ ދިރިޔާ ދަވިއްގަނދަށްވުރެ ކުދި ކަޅުކުލައިގެ ފުއްތަކެއް މިއީ އާވިޒާތުގެ ރަހައެއްދޭ އެއްޗެކެވެ މި ބޭހަށްވެސް ބޭނުންކޮށް އުޅެއެވެ ދިވެހިބޭހުގައި މި ހިމަނައިފައިވަނީ މިނާބޭހުގެ ބާވަތެއްގެ ގޮތުގައެވެ
ކައްޓަފުޅި
ނ ފެނަށްދިރޭ ކުޑަ މަހެއް މިއީ ވަޅުވަޅާއި މަސްޓޭންކުތަކުގައި ގެންގުޅޭ މަހެކެވެ މިމަހުގެ އުރަހައިގެ ކޮޅުގައްޔާއި ނިގޫފަތުގެ ކޮޅުގައި ތޫނުކައްޓެއް ހުރެއެވެ ނިގޫފަތުގައި ހުދުކުލައިގެ ރޮނގެއްހުރެއެވެ މަހުގެ ކުލައަކީ އަޅިކުލައެވެ
ކައްޓި
ނ ނަގިލިވައްޓާލީމާ ނަގިލީގެ ދަތް އަޑީގައި ހަރުލެއްވުމަށްޓަކައި ނަގިލީގެ ތަނޑުގެ ފަހަތުކޮޅުގައި ހުރަހަށް ހަރުކޮށްފައި އޮންނަދަގަނޑު
ކަފިހި
ނ ހުރަހަށް ކަޅު ނުވަތަ ކަޅުރަތްކުލައިގެ ގަޅިއެއް ޖަހައިފައިހުންނަ ކުޑަ ބޮއްޔެއް
ކަފިހިމަސް
ނ ފަރުމަހުގެބާވަތެއް މިއީ ކަނޑުގައި އުޅޭ ބޮޑެތިމަސްމަހުގެ ނިވަލުގައްޔާއި ކަނޑުގައި އޮޔާދާ އޮއިވާލި އެތިގަނޑުގަނޑުގެ ނިވަލުގައި އުޅޭމަހެކެވެ މަހުގެ ހުރަހަށް ކަޅުކުލައިގެ ފުޅާ ގަޅިތަކެއްހުރެއެވެ އަރިމަތީގައި ހުންނަނީ ރިހިވިދުން ކުލައެވެ މަހުގެ މަތީބައިގައި ނޫކުލައިގެ ކުދިލައްތަކެއް ހުރެއެވެ
ކަތި
ނއ (1) ސީދާނޫން ނ (2) ކަތިކަނި (3) ކަތިމެއްލަ (4) ރަހަޔަށް ނުވަތަ ރަހަޔަށްނުވާ (5) އަރިއަޅާލާއިފައި ހުންނައެއްޗެއް ވެއްޓުނަނުދޭން ވިއްދާއެތި
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ
ކާށިހިކާ
ނ ހިކާގެ ބާވަތެއް. މިމަހުގެ ކުލައަކީ ގުރާފެހި ކުލައެވެ މަހުގެ ހުރަހަށް ކަޅުކުލައިގެ ފުޅާ ހަރޮނގު ހުރެއެވެ މަހުގެ ބޮލުގައި ފިޔާތޮށިކުލައިގެ ކުރެހުންތަކެއް ހުރެއެވެ