radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ހިރުނދުދޫނި
ނ ހިރުނދުގަހުގައި އުޅޭ ސޫތްޕެއް މީގައި ހުންނާނީ ކަޅުތިކިތަކެއް ޖަހައިފައެވެ މި އެންމެ ވައްތަރުވާނީ މާމަކުނަކާއެވެ މީގައި ހަފައި ހުރެއެވެ ފައިގެމަތީ ބަޔާއި ފިޔަހުންނާނީ ރަތްރީނދޫ ކުލައިގައެވެ
ހިރުއްދަފިލާ
ނ އެއްޗެހި ބަހައްޓަން ބިއްބިތުގައި ހަރުކުރާ ފިލައެއް މިފިލާ ހުންނަނީ އިހުގެ ގޭގޭގައެވެ
ހިރުވުން
މ (1) ކެހުންފަށެއް އައުން. (2) ކުދިކުދި ފަނި މަކުނުފަދަ ތަކެތި ގައިގައި ދުވާން ފެށީމާ އެކަމުގެ އިޙްސާސުވުން (3) ފަތްތަކެއް ނުވަތަ ކުނިތަކެއްގެ ތެރޭގައި ދިރޭ އެއްޗެއް އޮވެގެން އަޑުއިވޭގޮތަށް ނުވަތަ ހެލޭގޮތަށް އުޅުން (4) މަޖާޒު: ޝަހްވާނީ އެދުން އުފެދުން
ހިރުމާޖެހުން
ނ ހިރުގަނޑަށްޖެހޭ ބައްޔެއް މިބަލިޖެހުމުން ހިރުގަނޑުގައި ބިހިތަކެއް ނަގައިފައި އެބިހިތައް ދޮސްގަންނަނީއެވެ
ހިބަ
ނ (1) ހަމަ ހިލޭ ދިން އެއްޗެއް (2) ހިލޭ ދޭދިނުން (3) މާވިހަގަދަ ކައްޓެއްހުންނަ ލަނޑާ ޒާތުގެ މަހެއް (4) (ހ) ކުރަފިޒާތުގެ ބޮޑު ދިރޭއެއްޗެއް، މި ގިނައިން އުޅެނީ ކުނިގޮނޑުގެ ތެރޭގައެވެ
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކަނދި
ނ (1) ލޯއަދިރި ވަސްނުބައި ދިރޭ އެއްޗެއް މިވައްތަރުވާނީ މީދަލާއެވެ (2) ބައެއް މަސްމަހުގެ ބަނޑުތެރޭ އޮންނަ އެއްޗެއް
ހިކިހުތް
ނ ހުތްރަހަދޭގޮތަށް ހަދައިފައި ހުންނަ ކުނޑި މިހުންނާނީ ހިމުންލޮނާ އެއްގޮތަށެވެ
ހިކިބަލި
ނ އަނަރޫފަވާ ބައްޔެއް. މިއަށްކިޔަނީ ކެކެކްސިއާއެވެ.މިއީ މީހާގެ ހަށިގަނޑު މާބޮޑަށް ހިކޭބަލިތަކުގެ ނިޝާނެކެވެ. މިހެންވާ ކިތަންމެ ބައްޔެއް ހުރެއެވެ. މީގެތެރޭގައި ޓީބީ )ކެއްސުންބަލި( ޓައިފޮއިޑްހުން އެކިވައްތަރު ވައްތަރުގެ ކެންސަރު އަދި "ކާޑުބަލި" ހިމެނެއެވެ
ހިކިފަންފުޅަނގި
ނ މަސްކާށިދޫނީގެ ބާވަތެއް މިއީ ހިކިފަންކުލައިގައި ހުންނަ އެއްޗެކެވެ
ހިއްކިބިލިމަގު
ނ ހިއްކައިފައި ހުންނަ ބިލިމަގު ގިނައިން މިހިއްކަނީ ލޮނުއަޅައިގެން ފޮނު ފޮޅުވައިފައެވެ
ހިއްތަން
ނ މޫދުގައި އުޅޭ ހަންދަޒާތުގެ ބޮޑު އެއްޗެއްގެ ނިޔަފަތި މިއީ ބޭހަށް ގެންގުޅޭ އެއްޗެކެވެ އޮންނާނީ ބޮޑުކޮށް ސަނދަރަބޮއްޔެއްހެނެވެ
ހިއްތަލަ
ނ ހިތިފިލުވައިގެން ކާގޮނޑިއެއް މިއީ ރާއްޖޭގައި ވަރަށް ގިނައިން ހެދޭ ކާނާއެކެވެ މިއެންމެ ވައްތަރުވާނީ ވިލާތު އަލުއްވާއެވެ
ހިއްތަލަ އަވެލި
ނ ވަރަށް ތުނިކޮށް ހިއްތަލަ ކޮށައި ހިތިފިލުވައި ހިއްކައިގެން ހަދާ ކާއެއްޗެއް މިހުންނާނީ އަވެލި ވައްތަރަށެވެ
ހިމަހޯއްދުން
ނއ (1) ހިމަތޮޅި ކަމާއި އެކުލެވިގެންވާ ރީތިސިފަހުރި )މިބަސް ބުނެއުޅޭނީ އަންހެންކުދީންނާ މެދުގައެވެ ( (2) ލޫޅާފަތި
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ހިތާވުން
މ (1) މީހެއްގެ ނުވަތަ އެއްޗެއްގެ މައްޗަށް ހިތް ލެނބުން (2) ހިތްޖެހުން މިބަސް ގިނައިން ބުނެއުޅެނީ އިންސާނުންގެ ދެޖިންސުގެ ދެމެދުގައި ހިންގާ ލޯތްބަށެވެ (3) ޤަބޫލުވުން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިބަދަން
ނ ބޭހަށް ބޭނުންކުރާ އެއްޗެއް މީގެ ތޮށިގަނޑު ހަރުވެފައި ތޮށިގަނޑުގެ ކުލަ ހުންނާނީ ފެހިކުލައެއްގައެވެ މިއީ ކާފޫރުތޮޅިއަށްވުރެ ކުޑަކޮށް އެކަހަލަ ސިފައަކަށް ހުންނަ އެއްޗެކެވެ ބޭހަށް ބޭނުންކުރަނީ އެތެރޭގެ މަދެވެ
ހިތިބޯ
ނ އެމުގެބާވަތެއް: މިއީ ހުޅުނބުތައް ވަރުގަދަކޮށް ހުންނަ ކަށި ގިނަ އެމެކެވެ މީގެ މަތީފަރާތުގައި ހުންނަނީ ފެހިއަޅި ކުލައެކެވެ ހުޅުނބުތަކުގެ ކައިރިފަށް ހުންނަނީ ކަޅުކުލައެއްގައެވެ މީގެ ދެއަރިމަތީގައި ރިހިކުލައިގެ ފުޅާ ރޮނގެއް ހުރެއެވެ