radheef.info
ރަދީފު


ހާނ
އ (1) އާނއެކެވެ (2) ހޭއަރުވާލުމަށް ބުނެއުޅޭ ބަހެއް
ފަސްގަނޑުހެދުން
މ (1) މަހާނަމަތީ ވެލިގަނޑު ވަކިގޮތަކަށް ހެދުން (2) ގަސް އިނދާ ތަން ތައްޔާރު ކުރުން
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާވުން
މ (1) މޭވާފަދަ ތަކެތި ދޮންވެގެންގޮސް މަޑުވުން (2) ބަނބުކެޔޮ ފަދަ ތަކެތި އެއްޗަކަށްލައި ބަންދުކޮށް ހާސްކުރީމާ މަޑުވުން (3) ބަލިމަޑުކަން މެދުވެރިވާ މެދުވެރިވުމަށް ބުނެއުޅޭ ބަހެއް (4) ކަމެއް ނުބައިކޮށްފާނެ ފަދަ މީހަކު ތަނަކަށް އައުމުން ބުނެއުޅޭ ބަހެއް މިސާލު: އެއްވެސް ކަމެއް ނުނިމުނީ އޭނާ އެތަނަށް ފާވެގެންނެވެ (5) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭނުބައި ވުމުގެ ސަބަބުން މަޑުވުން (6) އެއްޗެހި ނުވަތަ ފެން ފެންގަނޑު ތަޣައްޔަރުވެގެން ނުބައިވުން
ފިތުރުބެރު
ނ އިހުގައި ފިތުރު ޒަކާތް ދޭން އަންގަން ޖަހައި އުޅުނު ބެރު މި ބެރު ޖަހާނީ ނާބުސްޚާންގައެވެ
ފިލާގަނޑުބަނުން
މ ގައިގެ ތަނެއް ބިނދި ނުވަތަ ހާނީއްކައެއް ލިބިގެން ނުވަތަ އެނޫންވެސް ފަރުވާއަކަށް ތައްޔާރުކުރާ ބޭސްގަނޑެއް ފަތުގައި ފަތުރައިގެން ގައިގައި އަޅައި އެއްސުން
ފުރަގަސްފަރާތްފޭބުން
މ (1) ވަޔަކުން ނުވަތަ ބަނޑުހިކިގެން ލިބޭ ހާނީއްކައަކުން ފުރަގަސް ފަރާތުން ނަޖިސް ނިކުންނަ ހޮޅީގެ ކޮޅުބޭރަށް ނުކުތުން (2) ބުރި ފޭބުން
ފުއްވިދުރި
ނ )ސ ( ހަށިގަނޑުގެ ހޫނު ގަދަވުމުގެ ސަބަބުން އުކުޅު ވަޅުން ނަގާ ބިހި މިގޮތަށް ބިހިނެގީމާ ވަރަށް ކަހާނެއެވެ
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ
ފެންފޮދުބަޑި
މ ގަނޑުވަރުތެރޭ ބޭފުޅުން ރައްކާވެގެން އަންނަ ސަމާގެ ދުވަސްވަރު ދުވާލު ދެއިރުޖަހާ ބަޑިއެއް. މިބަޑިޖަހާނީ ފިރިހެން ބޭފުޅަކަށް ނަމަ 7 ބަޑި އަންހެން ބޭފުޅަކަށްނަމަ 5 ބަޑިއެވެ މިއި ނައިނޭ ފިއްލަވާ ވަގުތު ޖަހާ ބަޑިއެކެވެ
ފޮށާކެނޑުން
މ އިހުގައި މަރުވީމާ މަހާނަމަތީގައި ދަމާފޮށާ ފަޤީރު ކުދިން ކަޑައިލައިގެން ގެންދިއުން
ފޮށާދެމުން
މ މީހަކު މަރުވެގެން ވަޅުލުމަށްފަހު މަހާނަމަތީ ހުދުފޮތިގަނޑެއް ދެމުން
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަތުވާ
ނ ލޮތާރި ނުވަތަ ނަގިލިނަގަން ފަސޭހަކުރުމަށް އެތަކެތީގެ ދަތުގައިޖަހާވާ ދަތުވާ ޖަހާނީ ގާހުންނަ ތަންތަނަށް ލޮތާރި ނުވަތަ ނަގިލިލާއިރުއެވެ މިކަންކުރާ ގޮތަކީ ވަލެއްގެ އެއްކޮޅު ލޮތާރި ނުވަތަ ނަގިލީގެ ދަތުގައި ބައްދައިފައި އަނެއްކޮޅުގައި ފެންމައްޗަށް އަރާކަހަލަ ލަކުޑިގަނޑެއް ނުވަތަ ބޮޔެއް ހަރުކޮށްފައި ދޫކޮށްލަނީއެވެ
ދާބިހި
ނ ހަށިގަނޑުގައި ހޫނުގަދަވުމުގެ ސަބަބުންނަގާ ކުދިކުދި ބިހިތަކެއް މިބިހިނެގުމުން ވަރަށް ބޮޑަށް ގައިހިރުވައި ކަހާނެއެވެ
ދިހަމޮހުން
މ ދިމާވެގެންއުޅޭ ސުންޕާކަމަކުށް ސަލާމަތްވޭތޯ ފަންޑިތަހެދުން މިސާލު: )ހ( މިއޮއްމަސްވެރިކަން ރަނގަޅު ދުވަސްވަރު މިގޭއޮޑި މަހާނުވާތީ މިހާރު މިއުޅެނީ ދިހަމޮހާށެވެ )ށ( މަގޭކަނބުލޮއަށް އިންނާނެ މީހަކުވީ ދިހަމޮހައިގެންނެވެ
ދުންކާލިއެރުވުން
މ މަޖާޒު: (1) މާބޮޑަށް ރުޅިއައިސްގެން އެއްޗެހި ގޮވައި ހަޅޭއްލެވުން (2) ތަޅައި ހާނީއްކަކުރުން
ދުވަސްދުއްވާލުން
މ މަޖާޒު: (1) މީހަކަށް އާދަޔާ ޚިލާފަށް ހާނީއްކަ ކުރުން (2) މީހެއްގެ ދިރިއުޅުން ގެއްލޭ ފަދަ ކެއްސެއް ދިނުން (3) ބޭނުންނުކުރެވޭ ވަރަށް ހަލާކުކޮށްލުން
ތަރުބިޔަތު
ނ (1) ރަނގަޅު ގޮތްތަކަށް ހާނުވައި ބޮޑުކުރާ ބޮޑުކުރުން (2) އަށަގެންފައިވާ ރީތި އަޚްލާޤާއި މާތްސިފަތައް (3) ގެންގުޅެ ބޮޑުކުރާގޮތް
ތަރުބިޔަތުކުރުން
މ (1) ގެންގުޅެ ބޮޑުކުރުން (2) ރަނގަޅުގޮތް ތަކަށް ހާނުވައި ބޮޑުކުރުން (3) ރީތިއަޚުލާޤާއި މާތް ސިފަތައް އަށަގެންނެވުން