radheef.info
ރަދީފު


ވ
ތާނައިގެ ނުވަވަނަ އަކުރު
ތޮރުފިއުނދުޅި
ނ ތެލުލާތަކެތި ތެޔޮގަނޑު ތެރެއިން ނަގަން ހަދައިފައި އޮންނައެއްޗެއް މިއުނދުޅީގައި ހުންނާނީ ލޯވަޅުތަކެއް އަޅައިފައެވެ
ތޮރުފިގަތުން
މ ތަނަކަށް ނުވަތަ ކަމެއްގެ ތެރެއަށް ވަދެގަތުމަށް ހުތުރުކޮށް ބުނާގޮތް
ތޮރުފުން
މ (1) އެއްޗެއްގައި ލޯވަޅެއް އެޅުން (2) އެއްޗެއް ފޫދުއްވުން (3) މަޖާޒު: ނުބެހޭ ކަމެއްގެ ތެރެޔަށް ވަނުން
ތޮރޮޕިޓޯ
ނ މަނަވަރު ފަހަރާއި އާގު ބޯޓުފަދަ ތަކެތި ގޮއްވައި ހަލާކުކޮށްލުމަށްޓަކައި އަޑިންދާ ބޯޓުން ފޮނުވަން ހަދައިފައި ހުންނަ ނުރައްކާތެރި ހަތިޔާރެއް
ތޮޅި
ނ (1) ގަސްގަހާއި ވެޔޮވެލުގައި އަޅާހިމަދިގުކޮށް ހުންނައެއްޗެއް (2) ކަނޑާއި ފަރުތަކުގައި ދިރިއުޅޭ ހިމަދިގު މަހެއް
ތޮޅިހަވާދަ
ނ )ގ ( ތެޅިހަވާދު
ތޮޅިމިރުސް
ނ ހިމަ ދިގުކޮށް ތޮޅިއަކާ ވައްތަރުގޮތަށް ހުންނަމިރުސް
ތޮޅިޔަށްދަރު
ނ ދުއްވައިފައިދާ އޮޑިދޯނިފަހަރުގެ ދަށުން ތޮޅިއެއް ފުންމައިގެންފިނަމަ ދަރުގަނޑެއްފަދައެއްޗެއް އެއްލަމުން ބުނެއުޅޭ ފަންޑިތަބަހެއް
ތޮޅިޔަށްދިއުން
މ މަޖާޒު: (1) އެއްޗަކަށްނުވުން (2) ތާކުންތާކު ނުޖެހިދިއުން
ތޮޅުން
މ (1) ދެކޮޅުވުން (2) އަރާރުންވުން (3) ހަނގުރާމަކުރުން (4) ހަށިގަނޑުގެ އެކިތަންތަން އަމިއްލައަށް ތެޅިލުން (5) ކުޑަކުދިން އެއްކުއްޖަކު އަނެއްކުއްޖަކާ ދެކޮޅުވުން ނުވަތަ ސަމާސާއަށް ގޮތްގޮތްހެދުން (6) ބަނޑުގައިވާ ދަރިފުޅު ޙަރަކާތްކުރުން
ތޮޅުވުން
މ (1) އަރައިރުން ކުރުވުން (2) ދެކޮޅުވެރި ކުރުވުން
ތޮޅެންބަކުޑި
ނ )މ ( ފަތްޕިލާވެއްޔެއް މިއީހިސާބަކަށް ކެހެރިހުންނަ ގަހެކެވެ މިގަހުގައި އަޅާތަކެތި ފޭރާމުގައި ޖެހުމުން ފޭރާމުގައި ތަތްލައިފައިހުންނާނެއެވެ
ތޮޅޭފާރު
ނ ރަށްރަށާއި ކިއްލާފަދަ ތަންތަން ދިފާޢުކުރުމަށް ލައިފައި ހުންނަފާރުގެ އެތެރޭގައި އެއަށްވުރެ ތިރިކޮށްލައިފައި ހުންނަފާރު މިފާރަކީ އޭގެމަތީގައި ތިބެގެން ހަނގުރާމަ ކުރުމަށް ބޭނުންކުރާ ފާރެކެވެ
ތޮއް
ނ (1) މަސްމަހާމެހީގެދޮޅި (2) ތަނަކަށް މީހުން ނުވަތަ އެއްޗެއް ގިނަވެގެންވާ ބާރު
ތޮއްވަރި
ނ (1) ގައިގޯޅިވުމުން އުނދަގޫވާހިސާބު (2) އުރުތެރެ
ތޮއްފިލާ
ނ އޮޑިދޯނިފަހަރުގެ އެތެރެފަރާތު ކައިރިފަށުގައި ހަފޮޅާ ޖައްސައިގެން އިންނަ ފަތްތަކުގެ މަތީގައި އެއްކޮޅުން އަނެއްކޮޅަށް އަޅާފިލައެއް މިއީ ފެތިގެން އަޑިއަށް ދިޔަނުދިއުމަށް )ރައްކަލަކަށް( އަޅާފިލައެކެވެ
ތޮއްތެޅުން
މ ދޫނިސޫފާސޫފި އެއްޗެއް ކާންވެގެން އެއްޗެއްގައި ތުންތެޅުން
ތޮއްތޮއް
ނ )ގ ( ޅަކުދިންގެ އަތުގައި އޮންނައެއްޗެއް އެކުއްޖަކުނުރޮއްވައި އަތުލައިގަތުމަށް ބޭނުންކުރާބަހެއް
ތޮއްޑު
ނ މަސްހިފަންޖަހާ ދަލުގެ ތިރީ ކުރެވި
ތޮއްޑުއޮއްބުން
މ މަސްހިފަން ޖަހާ ދަލުގެ ކުރެވި މައްޗަށް ނާރާ ގޮތަށް ތިރިން ހިފެހެއްޓުން