radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ފިނިފޭބުން
މ ވައިގެތެރޭގައި ހުންނަ ތެތްކަން އިތުރުވެ އެ ތެތްކަން ބިމަށާއި ގަސްގަހުގެ ފަތްތަކަށް ފޯރުން
ފިނިގަނޑެއްއެރުން
މ ކުއްލިއަކަށް މުޅިހަށިގަނޑަށް ފިނީގެ އިހުސާސެއްވުން
ފިނީލުން
މ އެއްޗެހި ހުދުކުރުމަށްޓަކައި ނުވަތަ މަޑުކުރުމަށްޓަކައި ރޭގަނޑު ބޭރުގައި ބެހެއްޓުން. މިސާލަކަށް: ކަށިކެޔޮފަތް ހައިފަދަ ތަކެތި ބޭރުގައި ބެހެއްޓުން
ފިރާލުން
މ (1) ރިޔާ އަނެއްފަރާތަށް ލުން (2) ހުރިގޮތުން އެހެންގޮތަކަށް ބަދަލުވުން
ފިރިހެންވުން
މ (1) ކަންކަމާ ކެރިގެން ކުރިމަތިލުން (2) ޖެހިލުން ކުޑަވުން (3) ހިތްވަރުގަދަވުން (4) އަންހެނަކު ފިރިހެނަކަށް ހެދިގެން އުޅުން
ފިރުން
މ (1) އެއްފަރާތުން އަނެއްފަރާތަށް ބަދަލުކުރުން (2) ހުރިފަރާތް ނޫން އަނެއްފަރާތަށް ރިޔާލުން (3) އަނެއް އަތަށް ޖެހުން (4) މަޖާޒު: ތިމާ ހުރިގޮތް ނޫން އެހެން ގޮތަކަށް ބަދަލުވުން (5) ޓަފު ފުޅިއާއި ސާޢަތް ފުޅި ފަދަ ތަކެތި އެއްކޮޅު އަނެއްކޮޅަށް ޖެހުން
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިރުކުން
މ (1) ހަތަރެސްފައި ޖަހައިގެން ނުވަތަ އިށީނދެގެންއިދެ ދެމެމުން ކަހަލަ ގޮތަކަށް އެއްތަނުން އަނެއްތަނަށް ދިއުން (2) ނަނު ފަދަ އެއްޗެއް އަތުތެރޭން ދެމިގެން ދިއުން
ފިދާވުން
މ (1) ކަމަކަށްޓަކައި ޤުރުބާންވުން (2) ޖާނާއި މާލުން ވަކިކަމަކަށްޓަކައި ހޭދަކުރުން
ފިތިބާރުވުން
މ (1) ގިނަބަޔަކު އެއްތަނަކަށް އެއްވުމުގެ ސަބަބުން އެކަކު އަނެކަކާ ޖެހި ފިތޭގޮތްވުން (2) ދެ އެއްޗެއްގެ މެދުގައި ފިތިތާށިވެފައި ހުރުން
ފިލައިންކިޔެވުން
މ ފިލާލިއެގެން ކިޔެވުން ކުރީ ޒަމާނުގައި ކުޑަކުދިންނަށް ޢަރަބި އަކުރު އުނގަންނައިދީ ޤުރުއާން ވަކި ހިސާބަކަށް ދާންދެން ކިޔަވައި ދެނީ ފިލާލިއެގެންނެވެ
ފިލައިއޮތުން
މ (1) ތަނަކަށް ވަދެ ނުފެންނާނެގޮތަށް އޮތުން (2) )ޏ ސ ( ބިސް ފީކުރުމަށްޓަކައި ބިހުގެ މަތީގައި އޮތުން
ފިލާވަޅުނެގުން
މ މުދައްރިސް ކުއްޖަކަށް ފޮތުން ވަކިވަރެއް ދަސްކުރަން ޙަވާލުކުރުން
ފިލާގަނޑުބަނުން
މ ގައިގެ ތަނެއް ބިނދި ނުވަތަ ހާނީއްކައެއް ލިބިގެން ނުވަތަ އެނޫންވެސް ފަރުވާއަކަށް ތައްޔާރުކުރާ ބޭސްގަނޑެއް ފަތުގައި ފަތުރައިގެން ގައިގައި އަޅައި އެއްސުން
ފިލިވަހަށް އައުން
މ (1) މޫދުތެރެއަށް ފިލިޖަހައިލީމާ އޭގެ ވަހަށް މަސްތައް ނުވަތަ އެންތައް އެތަނަކަށް ޖަމާވުން (2) މަޖާޒު: ތަނެއްގައި ތިމާ ގަޔާވާ ކަމެއް ހިނގާކަން އެނގުމުން އަވަސް އަވަހަށް އެތަނަކަށް ދިއުން
ފިލުން
މ (1) ފޮރުވިގަތުން މިސާލު: މީހަކަށް ނުފެންނަން ފިލުން (2) އެއްޗެއްގައި ހުރި ނިޝާނެއް ފޮހެވުން މިސާލު: ގަމީހުގައި ހުރި ލައްގަނޑު ފިލުން (3) ހަނދާނުގައި ހުރިކަމެއް ހަނދާނުން ކެހުން މިސާލު: ރަށުގެ ހަނދާންތައް ފިލުން
ފިލްމުދެއްކުން
މ ބަޔަކަށް ފެންނާނެހެން ބައިސްކޯފު ދެއްކުން
)ކެމެރާގެ ފިލްޓަރު( ފިލްޓަރު
ނ (1) ފުރޭނި (2) ތެލާއި ގޭހާއި ވައި )ވެލިފަދަ ކަރުދާސް ފަދަ ފޮތިފަދަ އެއްޗެއްގެ ތެރޭގައިވާ( އެއްޗެއްގެ ތެރެއިން ދަތުރު ކުރުމުން ސާފުކޮށްދޭއެތި (3) ފެން ސާފުކޮށް ފުރާނައިދޭ ފެންއަޅާ ކަންވާރެއް (4) އަޑުގެ ބާރުމިން ވަކި ފްރީކުއެންސީއެއްގައި ހިފަހައްޓައިދޭ އެތި (5) އަލީގެ ބާރުމިން ވަކިވަރަކަށް ހިފެހެއްޓުމަށް ބޭނުންކުރާއެތި
ފިޔަރެސް އެރުވުން
މ އަނގޮޓި ފަދަ ތަކެތީގައި ވަކިގޮތަކަށް އެސް ހަރުކުރުން
ފިޔާމީރުކުރުން
މ ގިތެޔޮ ނުވަތަ ކާށިތެޔޮ ނުވަތަ ކާށިކިރުފަދަ އެއްޗެއް ތެއްޔެއް ފަދަ އެއްޗަކަށް އަޅައި އޭގެތެރެޔަށް ފިޔަޔާއި ހިކަނދިފަތާއި ރާނބާފަތާ އަޅައިގެން މަޑުގިނިމަތީގައި ކައްކައި ރަތްކުރުން