radheef.info
ރަދީފު


ފާތިޙާއަށްއެޅުން
މ ފާތިޙާއާ ގުޅޭ ގޮތުން ކައްކާ ތަކެތި ފާތިޙާއަށް ނަމުލައި ތައްޓަށް އެޅުން
ފާތެއްޔަށްވެއްޓުން
މ (1) ފަޗިސް )ގޮޓި( ކުޅޭއިރު ގެޔާ އެންމެ ކައިރި ހިސާބުން އެމީހެއްގެ ކަނޑުން މެދުގޮޅިޔަށް ފޭބުން (2) މަޖާޒު: މީހާ ހުރި މަޤާމަށްވުރެ ދަށަށް ދިއުން (3) މީހާގެ އަގުވެއްޓުން
ފާތެލި
ނ ފަޗިސް ނުވަތަ ގޮޓި ކުޅޭއިރު ފޮތިގަނޑުގައި ހުންނަ ގޮޅިއެއް މި ގޮޅިޔަކީ ގެޔާ އެންމެ ކައިރިޔަށް ހުންނަ އެމީހެއްގެ ކަނޑުން މެދުއޮޅިއެވެ
ފުރޮޅޭމާރު
ނ ވަށްއެއްޗެހި ނެގުމަށް ނުވަތަ ތިރިކުރުމަށް އެއެއްޗެއް ވާމަތީގައި ފުރޮޅޭގޮތަށް އޭގައި ބޭނުންކުރާވާ
ފުޅަށްބުޑު
ނ (1) ފުޅަފެއްގެ ކައިރި (2) ބިންމަތީން ފުޅަފަކާ ގުޅޭ ހިސާބު
ފުޅައްމަތިން އެރުން
މ (1) ގޭގޭގެ ފާރުމަތިން ނުވަތަ ފުޅަށްމަތިން އަރައިގެން ގޭގެއަށް ވަނުން (2) މަޖާޒު: މާ ބާރަށް ދޮރޯށި ޖަހައިފައި ވަނީމާ ބުނެ އުޅޭ ބަހެއް
ފެންމުށިގަނޑު
ނ )ސ ( ފެން އަޅަން ގެންގުޅޭ މުށިގަނޑު )ފެންއަޅަން ގެންގުޅޭ މުށީގެ ކަންވާރެއް
ފެންފަރިއްކޮޅު
ނ އިހުގައި ބޭފުޅުންނަށް މާތްކޮށް ހިތުމުގެ ގޮތުން ވާހަކަ ދައްކާއިރު ފެންފޮދުގެ ބަދަލުގައި ބުނެއުޅޭ ބަހެއް
ފެންފިހި
ނ ތަޅުންގަނޑު ސާފުކުރުމަށް ފެންފޮތި ލުމުގެ ބަދަލުގައި ބޭނުން ކުރަން ގެންގުޅޭ އެއްޗެއް މިއޮންނާނީ ދަނޑިއެއްގެ ކޮޅުގައި ފޮތިގަނޑެއް ނުވަތަ އެފަދަ އެއްޗެއް އައްސައިފައެވެ
ފެންފިހިލުން
މ (1) ފިހިގަނޑެއް ތެންމައިގެން ތަޅުންގަނޑު ސާފުކުރުން (2) މަޖާޒު: ތަނެއްގައި އެންމެދަށް ނުވަތަ ކަމަކަށްނުވާ ކަހަލަ ކަންތައް ކުރަން އުޅޭމީހުނާމެދު ބުނެއުޅޭ ބަހެއް މިސާލު: އެއީ އެތާ ފެންފިހިލާންއުޅޭ މީހެކެވެ
ފޮތިގަނޑުންބޮޑުކޭމެއް
ނ މަޖާޒު: ބޭރުފުށުން ފެންނަގޮތާއި ޙަޤީޤަތާ އެއްގޮތް ނުވުމުން ބުނެއުޅޭ ބަހެއް
ފޮތުބަސް
ނ ލިޔެކިޔައި އުޅޭބަސް
ފޮތެއް އޮތަކަސް އެދުރެއްނުވާނެއެވެ
(މުސްކުޅިބަހެއް) ފޮތެއް އޮތަކަސް އެއިން އެއްޗެހި އޮޅުން ފިލުވައިދޭނެ މީހަކު ނެތި އަމިއްލަޔަށް އުނގެނި ނުގަނެވޭނެކަން އަންގައި ދިނުމުގެ ގޮތުން ބުނެއުޅޭ ބަހެއް.
ފޮޑަރު
ނ (1) ކުޑަކުދިންނަށް ކިޔައިދީ އުޅޭ ވާހަކައެއްގައި އަންނަ ދޫންޏެއް (2) ކަންނެތްމީހާ
ދެނަކާދެނެއްނެތް
ގބ ކަމަކާ ރުޅިއައިސްގެން ނުވަތަ ކަމެއްގެ ފޯރިގަދަވެގެން ވަކިހަމައެއް އުސޫލެއްނެތުމުން ބުނެއުޅޭ ބަހެއް
ދެނޯ
އ ކަމަކާ ވިދިގެން ކަމެއް އޮޅުން ފިލުވުމަށް ސުވާލެއްގެ ގޮތުން ބުނެއުޅޭބަހެއް
ދެންދެން
އ (1) ކަމަކަށް ތައްޔާރުވެގެން ހުންނަމީހަކަށް ނުވަތަ ބަޔަކަށް އެކަން ފަށައި ގަތުމަށް ގޮވާލާގޮތެއް (2) ލޯބީގެ އަސަރު ނުވަތަ ނަފުރަތުގެ އަސަރުފާޅު ކުރުމުގެ ގޮތުން ބުނެއުޅޭ ބަހެއް (3) ދީފުމަށް ދާންދެން
ދޮޅި
ނ (1) ދަތްދޮޅީގެ ދަށްފަރާތް (2) މަހުގެ ބަނޑުދަށުން ކަރުތާފަތް ގަނޑާގުޅޭބައި (3) ނަމާދުކުރަން އަންހެނުންގެ ބޮލުގައި އަޅަންދޮޅި ޖަހައިފައި ހުންނަފޮށާ
ދޮޅިއެޅުން
މ (1) ނަމާދުދޮޅިލުން (2) މަހުގެ ބަނޑުދަށުން ކަރުތާފަތްގަނޑާ ގުޅޭބައި ވަކިކޮށްލުން
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން