radheef.info
ރަދީފު


ވ
ތާނައިގެ ނުވަވަނަ އަކުރު
ތުނިވުން
މ (1) ބޯކަންކުޑަވުން (2) ބޯކޮށް ވެހެމުންދާ ވާރޭ ގަނޑެއްވެހޭލެއް ތަންކޮޅެއް ކުޑަވުން
ތުނިފިޔޮހި
ނ ދެކޮޅު އެއްވަރު ތުނިތިލައެއް ލައިފައިވާ ވަޅިއެއް
ތުނެހިބޭއް
ނ )ސ ( ބޭނގުގެ ވައްތަރެއް މިބޭނގު ހުންނަނީ ހިމަދިގުކޮށެވެ
ތުނެހިވަޑަ
ނ )ސ ( ތިނޯސްވަޅު
ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ތުންހެލުވުން
މ ތުންތެޅުވުން
ތުންބިހި
ނ ތުންފަތުގައި ނުވަތަ ތުންފަތާއި ކައިރި ހިސާބުގައި ޖަހާ ވިހަގަދަ ބިއްސެއް
ތުންބިބީ
ނ ފަތިކޮށް ކުރުކޮށް ހުންނަ މަހެއް މިއީ ބުރިކަށިމަތީގައި މަޑު މުށިކުލަ ހުންނަ ދެއަރިމައްޗާއި ބަނޑުދޮށް ފަރާތުގެ ކުލަ ރީނދޫ މަހެކެވެ
ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތުންބެއްދުން
މ (1) އެކިއެކި އެއްޗެހީގެ ތުނބުން ވައިނުހިނގާ ގޮތްހެދުން (2) މަޖާޒު: ވާހަކަ ނުދައްކައި އިނުން (3) ބައެއްކަހަލަ ހެދިކާ ހަދާއިރު ފުށްގަނޑުގެ ތެރެއަށް އަޅަންވާ އެއްޗެއް އަޅައިފައި ފުށްގަނޑުގެ ދެކައިރި ޖައްސައި ބާރުކުރުން (4) މައުދަނުން ހަދާ ބޮޅުފަދަ ތަކެތީގެ ދެކޮޅު ޖައްސައި ގުޅުވުން
ތުންބޮވުން
ނ )ސ ( މާ ފޮޅެން ތައްޔާރުވެފައިވުން
ތުންކުރުތޮޅި
ނ ތޮޅީގެ ބާވަތެއް މިއީ އެތެރެ ވަރީގައްޔާއި ފަރާ ކައިރީ ހިސާބުގައި އުޅޭ ތުންގަނޑު ކުރު ތޮޅިއެކެވެ
ތުންމަޅި
ނ (1) ޖަނަވާރުގެ ތުން ނުހުޅުވޭގޮތަށް އަޅުވާމަޅި (2) މަޖާޒު: މީހަކު މީހެއްގެ ބާރުގެ ދަށަށް ގެންނަގެނައުން
ތުންމަޅިއެޅުން
މ (1) ޖަނަވާރުގެ ތުން ނުހުޅުވޭގޮތަށް ތުނބުގައި މަޅިއެއް އެޅުވުން (2) މަޖާޒު: މީހަކަށް އަނެކަކާ ދެކޮޅަށް އެއްޗެއް ނުބުނެވޭނެގޮތް ހެދުން
ތުންމަތި
ނ (1) އޮޑިދޯނި ފަހަރުގެ ދިރުނބާކޮޅުން މައްޔަލުން ބޭރަށް ދައްސޫރަ ދަމައިފައި ދައްސޫރަޔަށް ކަނިއަޅައިފައި ނަގާރިޔާ (2) ޖީބުރިޔާ (3) )ޏ ސ ( މެދުގޯތި ފިޔަވައި ގޯތި ތެރޭގައި އޮންނަތަން
ތުންމަތިރިޔާ
ނ އޮޑި ދޯނިފަހަރުގެ ދިރުނބާކޮޅަށް ދައްސޫރަ ދުއްވައިފައި ނަގާރިޔާ
ތުންފަތް
ނ (1) އަނގައިގެ މައްޗާއި ތިރީގެ ކައިރިފަށް (2) ފަރުޖުގެ ދެފަރާތުގެ ކައިރިފަށް (3) ތެލިތަށިފަދަ އެއްޗެހީގެ ބޭރަށް މަޅައިލައިފައި ހުންނަ މަތީކައިރި (4) ވަޅުވަޅާއި ފެންއަރުވާ ވަޑާމާއި ފާރުފާރު ފަދަ ތަންތާގެ މަތީކައިރިން ބޯކޮށްފައިހުންނަތަން
ތުންފަތްއެޅުން
މ ވަޅުވަޅާއި ފާރުފަދަ ތަންތާގެ ތުންފަތްހެދުން
ތުންފިއްތުން
މ (1) ހިތުގައިޖެހި ރޮވޭގޮތްވުމުން ދެތުންފަތް ފިއްތައި ބާރުކުރުން (2) މަޖާޒު: ނުރުހުން ވެގެން ބޮޑާދެއްކުން
ތުންފުހި
ނ ތުންފުހުމަށްޓަކައި ތެންގުޅޭފޮތިކޮޅު ނުވަތަ ކަރުދާސް