radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ބޮލި
ނ (1) މޫދުގައި މަސްލައިގެން ދުވާ ދިރޭ އެއްޗެއް. މިހުންނަނީ އެކިބޮޑުމިނުގައި އެކި ކުރެހުމުގައި އެކި ކުލަކުލައިގައެވެ. މީގައި ވަރަށް ރީތި އޮފުވެސް ހުރެއެވެ. މީގެ ތެރެއިން ރާއްޖޭގައި އެންމެ މަޝްހޫރު ވެގެންވަނީ ހުދުކުލައިގައި ހުންނަ ކުދި އެއްޗިއްސެވެ (2) )ސ( ނއ ބޯ ނުވަތަ ތުނީގެ އިދިކޮޅު
ބޮލިފަތި
ނ ނުހިނގޭވަރު ޅަކުދިންލާކޮށީގެ ދަނޑީގައި އައްސާން ރޮއްޖެއްގައި ހަރުކޮށްފައި ހުންނަ ބޮލިކޯޅި
ބޮލިގަނޑު ކުޅުން
މ ރިހާކުރު ބޮލީގެ ކުދި ހަބޮލިން ކުޅޭ ކުޅިވަރެއް. މިބޮލިތަކަށް ހުންނާނީ ތިމަރައަޅައިފައެވެ. ކުޅޭނީ ދެމީހުން ނުވަތަ 3 މީހުން ނުވަތަ 4 މީހުނެވެ މިކުޅިވަރުގައި ދެއަތް ތިލައިގެ ތެރޭގައި ބޮލިތައް ތަޅުވައިލައިފައި ކުޅޭތަނަށްއަޅާ ލަނީއެވެ ބޮލިތައް އެތުރޭ ގޮތަކުން މެދުގައި ހުންނަބަންޑާރަ ގަނޑޭކިޔާ އާދައިގެ ކުދިބޮލިތަކުން ބޮލި ލިބެމުންދާނެއެވެ އެއްބޮލިބަންޑުންޖެހި އަނެއް 5 ބޮލި އުއްޑުން އޮވެއްޖެނަމަ އެއެޅުނީ ފައްސިއްސެކެވެ އެކަތި އުއްޑުން ޖެހިފައި އަނެއްފަހެތި ބަންޑުން ޖެހިއްޖެނަމަ އެއެޅުނީ ދަހެކެވެ
ބޮލުރޮދި
ނ ގުޑިއާއި ތެލަނގަފަދަ ތަކެތީގެ މަތީކޮޅުން ބޮލަށް ވާހިސާބު ދޫކޮށް ލަންބާދުނީގެ ދެފަރާތަށް އައްސައިފައި ހުންނަ ރުދި ނުވަތަ ޖަހައިފައި ހުންނަ ރޮދި
ބޮލުގައި އެޅުން
މ (1) ތާކިހަލާއި ރުމާ ފަދަތަކެތި ބޮލުގައި ބޭއްވުން (2) މަޖާޒު: ކަމަކާ ހަވާލުވުން
ބޮލެކޮޑިޔާ
ނ ބޯކެނޑި )އިސްކުރުޖަހާތަން ތާނގައި އިސްކުރުގެ ބޯފެއްތުމަށް ކަނޑާބައި
ބޮލެޖެހި
ނ (1) މަސްމެރުމަށް މަހުގެ ބޮލުގައި ޖަހާން ގެންގުލޭ މުގުރު ގަނޑު (2) ސާމަރާ މިބަހުގެ 2 ވަނަ މާނަ ބަލާ!
ބޮސް
ނ (1) މާތްކޮށް ހިތުމުގެ ގޮތުން އެއްޗެއްގައި ނިތްޖައްސާ ޖެއްސުން. ނުވަތަ އެއްޗެއްގައި އަތްލައިފައި ނިތުގައި އަތް ޖައްސާ ޖެއްސުން. (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުންފަތުން ދަމާލާ ދަމާލުން (3) ދޮންދޭދިނުން
ބޮސްދިނުން
މ (1) މާތްކޮށް ހިތުމުގެ ގޮތުން އެއްޗެއްގައި ނިއްޖެއްސުން ނުވަތަ އެއްޗެއްގައި އަތްލައިފައި ނިތުގައި އަތްޖެއްސުން (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުން ފަތުން ދަމާލުން (3) ދޮންދިނުން
ބޮޑައި
ނ ކުރިކީލަ މަހުގެ ބާވަތެއް މިއީ މޫދުގެ ތިލަ ހިސާބުގައި )ހުދުފަޅުމަތީ( އުޅޭ މަހެކެވެ އާންމުކޮށް މިމަސް ތިބެނީ ގާދަށުގައެވެ މިމަސް ދުވެ ހަދަނީ ފަސްގަނޑާއި ވަރަށް ކައިރިން ނަގޫފަތްޖެހޭ ހިސާބުންނެވެ މަހުގެ ކުލައަކީ ކަޅު އަޅި ކުލައެވެ ކުރިކީލަ މަހަށްވުރެ މިމަހުގެ ބޯ ބޮޑުވާނެއެވެ
ބޮޑު ދެގެރި ތަޅަންޏާ ކަށްގަލަށް ބާރުކުރާނެ
(މުސްކުޅިބަހެއް) ރަށުގެ މަތީ ދަރަޖައިގެ ދެމީހަކު ދެމެދުގައި ދެކޮޅުވެރިކަމެއް ހިނގަންޏާ ދަށުގައި ތިބޭ މީހުންނަށް ގެއްލުން ލިބޭނޭކަން އެންގުމުގެ ގޮތުން ބުނެއުޅޭ ބަހެއް
ބޮޑު ގަނޑުވަރު
ނ އިހުގައި މާލޭގައިހުރި ރާއްޖޭގެ ރަސްކަމުގެ ކޮއިލު
ބޮޑުހާޖިވެރިކަން
ނ އިންސާނުންގެ ބޮޑުކަމު ނަޖިސް
ބޮޑުހިސާބަށްދިއުން
މ މަޖާޒު: ބޮޑުހިސާބުގައި ޖެހުން
ބޮޑުހިސާބު
ނ މަޖާޒު: ޒިނޭ
ބޮޑުހިސާބުގައިޖެހުން
މަޖާޒު: (1) ދެކެވޭ ވާހަކައެއް ކުށްވެރިވާ ހިސާބަށް ދިއުން (2) ދެކެވޭ ވާހަކައަކަށް އަޑު އަހާމީހާއަށް ޖަވާބުނުދީ ނުހުރެވޭ ހިސާބަށްދިއުން
ބޮޑުހުންގާނަށްހެދުން
މ މަޖާޒު: ފައްސިޔަ ކޮށްލުން
ބޮޑުހުއްސަރިބައި
ނއ މަޖާޒު: ފިރިމީހާ ރާއްޖޭގައިނުވާ
ބޮޑުހޭވަތް
ނ )އ.( ހޭވަތް އެންވަތް ތޭރިޖެހިވަތް
ބޮޑުނާބަ
ނ އިހުގައި ބޮޑު ދެހިތީގައި ޖަހާއުޅުނު ނާބައެއް ބޮޑުނާބަ ޖަހަނީ ހިތިގެ ދޮށުގައި ބޮޑުދެހިތީގައެވެ