radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
މަގެއްފެނުން
މ ނުކުރެވިފައި އޮތްކަމެއް ކުރެވޭނެގޮތެއް މެދުވެރިވުން
މަސަލަސްވުން
މ (1) ޞުލްޙަވުން (2) ކުޑަކުއްޖަކު ރުއިން ހުއްޓި މައިތިރިވުން
މަސްހުނިވުން
މ މަޖާޒު: (1) ބައެއްކަހަލަ އެއްޗެހި ތަކެއް އެކުވުން (2) ވަކިތަރުތީބަކުން ހުންނަންވީ އެއްޗެހިތަކެއްގެ ތަރުތީބު ގެއްލި އެގޮތްމިގޮތްވުން (3) ތަފާތު މީހުންތަކެއް އެކުވުން
މަސްކެއްކުން
މ ފެނަށް ލޮނުއަޅައިގެން ނުވަތަ މޫދުލޮނުގައި މަސް ރަނގަޅަށް ކައްކައި ރޯފިލުވުން
މަސްއޫލުވުން
މ (1) ކަމަކާ ޒިންމާވުން (2) ކަމެއް ބޮލުގައި އެޅުން
މަސްވަރުވުން
މ ޙައިޟުވުން
މަސްވަޅިލުން
މ މަޖާޒު: ފިރިހެނަކު އޭނާ ހިތާވެގެން އުޅޭ އަންހެނެއްގެ ގެޔަށް ގޮސްފައި އެބުރި އަންނަމުން ހަނދާން ނެތުނީކަމަށް ހަދައިފައި އެގޭގައި އެއްޗެއް ބޭއްވުން
މަސްވެރިކަމަށްކިޔެވުން
މ މަސްވެރިކަން ރަނގަޅު ކުރުމަށް ކިޔެވެލި ކިޔެވުން
މަސްމަތިކިޔެވުން
މ މީހާ މަރުވުމުން ކޮންމެ މަހެއް ފުރޭ ދުވަސް ފާހަގަކޮށް ފާތިޙާ ކިޔެވުން
މަސްފަހިވުން
މ )ސ ( މަސްތުރަވުން
މަސްތުރަވުން
މ ކުއްޖާ ދުނިޔެއަށް އަންނައިރު ކުއްޖާގެ ފޫޅުދަނޑިއާ ގުޅިފައިވާބައި މައިމީހާގެ ބަނޑުން ބޭރުވުން
މަސްތުވުން
މ (1) އަމަލުވާގޮތްވުން (2) ޚިޔާލެއްގައި ނުވަތަ ކަމެއްގައި ދެބަން ދިހާރުވުން (3) އެދުންވެރިކަން މާބޮޑުވުން (4) ދީވާނާވުން (5) ބޭހޯސްވުން
މަސްތެޅުން
މ މަޖާޒު: ޖިމާޢުވުން
މަސްގުޅަ
ނ (1) ދުވުންފަދަ ކަމެއް ނުކުރާތާ ގިނަ ދުވަސްވުމަށްފަހު އެފަދަ ކަމެއް ކުރުމުން ހަށިގަނޑަށް އިޙްސާސްވާ ތަދަކާއިއެކު މަސްގަނޑަށް އަންނަހަރުކަން (2) މަހުން ވަށައިފައި ހުންނަގުޅަ
މަސްގުޅަކެއުން
މ ދުވުން ހިފުން ފަދަކަމެއް ނުވަތަ ބުރަ މަސައްކަތެއް ނުކުރާތާ ގިނަދުވަސްވުމަށްފަހު އެފަދަކަމެއް ކުރުމުން ހަށިގަނޑަށް އިޙްސާސްވާ ތަދަކާއެކު މަސްގަނޑަށް ހަރުކަން އައުން
މަސްޖެހުން
މ (1) ހަށިގަނޑު ފަލަވުން. (2) ދުމަށި ނުވަތަ ފައްލަވަ ނުވަތަ ވަށިފަދަ ތަކެތީގައި ވަކި ތަރުތީބަކުން މަސްއެތުރުން (3) ބިލެތުގައި ލައްޖެހުން (4) މަސްއައިނުން މަސްފުމުން (5) ވަދުގައި މަސްގަތުން
މަޑުވުން
މ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތްވުން (2) ކަނޑުގެ ރާޅުތައް ކުދިވެ ހަމަހިމޭންވުން (3) ޙަރަކާތްތެރިކަން ކުޑަވުން (4) ފަނޑުވުން (5) ހިނގައިފައިދާމީހަކު ހުއްޓުން ނުވަތަ ހިނގުމުގެ ބާރުމިން ލަސްވުން (6) ދުއްވާފައިދާ އެއްޗެއްގެ ދުވެލި ލަސްވުން ނުވަތަ ހުއްޓުން
މަޑުޖެހުން
މ (1) ހުއްޓިލުން (2) މަޑުކޮށްލުން (3) މަޑުވުން
މަޑޮތެލަވުން
މ )ޏ ( އުޑުމަތީގައި ވިލާ ބޯވުން
މަޖާވުން
މ މާބޮޑަށް އުފާވެ ހިތްހަމަޖެހޭ ގޮތްވުން