radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ފަށަންލުން
މ ފަށަނަށް ގެއްލުމެއް ލިބިގެން ނުވަތަ ބާވެގެން އަލުން ފަށަނެއް ހަރުކުރުން
ފަށަލަ
ނ (1) އެއްޗެއްގެ ނުވަތަ ތަނެއްގެ ބޭރުގައި ނުވަތަ މަތީގައި ނުވަތަ އަޑީގައި ހުންނަ ހަނި ދިގު ޅިޔަ ނުވަތަ އެގޮތަށް ހުންނަ އުފުލުން (2) އެއްޗެއް އުފެއްދުމުގައި ނުވަތަ އުފެދުމުގައި މިގޮތަށް ހުންނަ ފަށްތަކުން ފަށެއް (3) ފަށްފަށަށް ހުންނަ ހުރުން
ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ފަށްނެގުން
މ ގަލާއި ލަކުޑި ފަދަ ތަކެތި ހިމުންކޮށް އިންދުމަށްޓަކައި ނުވަތަ ޒީނަތްތެރި ކުރުމަށްޓަކައި ތޫނު ހަތިޔާރަކުން އޭގެކައިރިން ހިމަދިގުކޮށް ކަނޑައިނެގުން
ފަށްދެމުން
މ ތަނެއްގައި ނުވަތަ އެއްޗެއްގައި ތަފާތު ކުލަޔަކުން ފަށެއް ފެވުން
ފަނަށްދިއުން
މ (1) ފަންހޯދަން ރަށެއްގެ ވަލުތެރެއަށް ނުވަތަ ރަށަކަށް ދިއުން (2) މަޖާޒު: ކުކުޅު ހާ ނިދަން ގަސްގަހަށް އެރުން
ފަނި
ނ (1) ފޮނި ރަހަލާވަރަށް ފެނުގެ ތެރެއަށް ހަކުރު އަޅައިގެން ގިރާ ނުވަތަ ކައްކާ ބުއިމެއް. ތަފާތު ބާވަތްތައް އެއްކޮށްގެންވެސް މިތައްޔާރުކުރެވެއެވެ. މިސާލު: އިސްބަގުލު ފަނި ސާގުފަނި ފުފުލުފަނި (2) ދިރޭސޫތްޕެއް މީގެ ތަފާތު ވައްތަރުތައް އެކިއެކި ވަރުވަރަށް ހުރެއެވެ މިސާލު: ކިލާފަނި އެކިއެކި ބަލިބަލީގެ ފަނި (3) )ޏ ސ ( ރާފޮނި
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަނިދިނުން
މ (1) މީހަކަށް ނުވަތަ ބަޔަކަށް ފިނި ފޮނި ބުއިމެއް ދިނުން. (2) ބައެއް ކަހަލަ މަސައްކަތް ކުރާއިރު އެމަސައްކަތްކުރާ ބަޔަކަށް ހިތްވަރު ދިނުމުގެ ގޮތުން ފޮނިބުއިމެއް ގެންގޮސް ދިނުން (3) ދަޢުވަތުދީގެން އަންނަ ބަޔަކަށް މަރުހަބާ ކިޔުމުގެ ގޮތުން ފޮނިބުއިމެއް ދިނުން
ފަނިލެވުން
މ ފަނިވެގެން އުޅޭކުދިން ނުވަތަ މީހުން ބޮޑުކަމުދާއިރު ނުވަތަ ހޮޑުލާއިރު ފަނި ނުކުތުން
ފަނިޔާރަން
ނ ހަނޑޫ ނުވަތަ ގޮދަން ފުށުގައި ހުނި ހަކުރު ފަތަފޮޅިއާއި ވައްތަރުގޮތަކަށް ތުން އަނބުރައިފައި ހަދާ އެއްޗެއް މީގެ ތެރެއަށް އަޅައިފައި ހުންނާނީ ތާޑުކިޔާ ފޮނިއެއްޗެކެވެ
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަންހުޅު
ނ ހިކިފަން ނުވަތަ ފަންވަތް އެއްކޮށް ބަނދެފައި އޮންނަ ބޮނޑިއެއް މިއީ އަލިފާން އެއްތަނުން އަނެއްތަނަށް ގެންދިއުމަށާއި އަލިކަމެއްގެ ގޮތުގައި ބޭނުންކުރުމަށް އަލިފާން ރޯކުރުމަށް ހަދާ އެއްޗެކެވެ
ފަންކުޅުން
މ ދިވެހި އަންހެނުން ކުޅޭ ކުޅިވަރެއް މިއީ ކުޅޭ މީހުން ދެބަޔަށް ބަހައިލައިގެން ގިނަ ބަޔަކު ކުޅޭ ކުޅިވަރެކެވެ މިކުޅިވަރު ކުޅޭއިރު ކޮންމެ ކޮޅެއްގައިވެސް ފަނަކަށް ބަހައްޓާ މީހެއްގެ ގައިގާ ނުވަތަ އެއްޗެއްގައި އަތްލައިފައި "ފަނޯއި" މިހެން ގޮވުމުން ލަނޑެއް ދެވުނީއެވެ
ފަންވަރި
ނ )ސ ( ސުރާ )ކަންނެލި( މަސްވެރި ކަމުދާން ހިކާ ދަމަން )ރޯނު ފަން ގުޅުވައިގެން( ހަދާފައިވާ އެންދަމާ ފަން ފަޅުތެރޭގައި ދަމައި ހިކާ ހިފުމަށްޖަހާ ބުރު ނުވަތަ ފަހަރު
ފަންވަތުޖެހުން
މ ސަރުކާރުން ނުވަތަ ރަށްރަށުގެ ވެރިންގެ ފަރާތުން އެކި ކަންކަމަށް ރައްޔިތުންގެ ތެރެއިން މީހުން ހޮވުން. މިއީ އިހުގައި އެކި ކަންކަމަށް ނުވަތަ އެކި ތަންތަނަށް ދާންޖެހޭ މީހުންގެ ލިސްޓުތައް ލިޔާއިރު އެއިން ލިސްޓެއްގައި މީހާގެ ނަން ލިއުމަށް ބުނެއުޅުނު ބަހެކެވެ
ފަންފުރާޅު
ނ ފަން ނުވަތަ ތޮށަލީން ހިޔާކޮށްފައި ހުންނަ ފުރާޅު
ފަންދެމުން
މ (1) ފުޅަފުގައި ނުވަތަ ބިތުގައި ނިވާވާގޮތަށް ފަންހަރުކުރުން (2) )ސ ( ސުރާމަސްވެރިކަމު )ދިރޭހިކަ ޖަހައިގެން ކުރާ މަސްވެރިކަމު( ދިއުމަށްޓަކައި ހިކަދަމާން ތިލަފަޅުގައި ފަންރޮދުލުން (3) ވަލުން ގޭދޮށަށް ފަންގެނައުން
ފަންގިމެޅުން
މ ނިވާކުރުމަށް ނުވަތަ ނިވާވުމަށް ފަންގެ އެޅުން
ފަންގިފިލާ
ނ (1) ގޭގޭގެ ހުރަސް ވަކަރުމަތީ ފިލާއަޅައި އެއްޗެހި ބެހެއްޓޭގޮތަށް ހަދައިފައިވާ ތަން. (2) މަތީބުރީގައި އުޅެވޭގޮތަށް އުސްކޮށް ރާނައިފައި ހުންނަ ގޭގޭގެ މަތީބުރީގައި އުޅޭ މީހުން ހިނގާ ބިނގާވާތަން. (3) ދެވަނަ ނަމްބަރުގައި ބުނެފައިވާ ތަންތަނުގެ ދަށުގައްޔާއި ފުރާޅު ނިވާކުރުމަށް ފުރާޅުދަށުގައި ލަކުޑިން ނުވަތަ ސިމެންތި ފިލައިން ނުވަތަ އެނޫންވެސް އެއްޗަކުން ޖަހާނިވައި