radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ބާފޮތް
ނ ކުޑަކުދިންގެ ބަހުން ފިލިފޮތް
ބާދަނޑި
ނ (1) މީހުންނަށް ހާނިއްކަ ދިނުމުގެގޮތުން ދެއަތްދަމައިފައި އަތުގައި ބަންނަ ދަނޑި ގަނޑު (2) އަރާދަނޑި (3) ކުދިންކުޅޭއިރު ކަނބިލި ފަދަ ދޫނީގެ ދެފިޔަ ދެފަރާތަށް ދަމައިފައި ދެފިޔައިގެ ދެކޮޅު ހިފަހައްޓަން ހުންނަ ދަނޑިގަނޑު
ބާދަލާ
ނ ހަނިކޮށް ތުނިކޮށް ދިގުކޮށް ރިހީގައި ނުވަތަ ލޯގައި ތަޅައިފައި ހުންނަ ފަށެއް
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާތިބުން
މ (1) ގިނަ އެއްޗެހިތަކެއް ތަނެއްގައި ބެހެއްޓުން (2) މީހުންތަކެއް ތަނެއްގައި ބައިތިއްބުން
ބާތުންމަސް
ނ ހަނދީގެ ބާވަތެއް މިއީ ހަލުވިމަހާ ވައްތަރު މަހެކެވެ މިމަހުގެ މަތީބައިގެ ކުލައަކީ ފެހިކުލައަކަށްދާ މުށިކުލައެކެވެ ބަނޑުދޮށް ފަރާތާއި އަރިމަތި ހުންނަނީ ރިހި ހުދުކުލައިގައެވެ ކަރުތާފަތްގަނޑުގެ މަތީބައިގެ ކޮޅުގައި ކަޅުކުލައިގެ ކުޑަލަފެއް ހުރެއެވެ
ބާލިދީ
ނ އުޅަށްގަނޑެއް ލައިފައި މަތި ފަލަކޮށް ހުންނަ ކަންވާރެއް
ބާލިސްމެޓާ
ނ އިހުގައި ގެނެސް އުޅުނުމެޓައެއް މިހުންނާނީ ކުޑަބާލީހެއް ހެންނެވެ
ބާލީސް ފިލާ
ނ މަޢުލޫދު ހަރުގެ ފަދަ ތަންތާނގައި ލެނގިލުމަށް ބިތުކައިރީގައި އަރިޔަށް ޖަހައިފައި ހުންނަ ފިލާ
ބާލު ޚާނާ
ނ (1) އުސްކޮށް ހަދައިފައި ހުންނަ ގޭގޭގެ މަތީބުރީގެ ބެލްކަނީ (2) ކުޅިބަލާގެ
ބާލް
ނ އެއްވައްތަރެއްގެ ގިނަ ގަސްތައް ހުންނަތަން
ބާގަޔަކުމީހުން
ނ (1) ޖަމާޢަތެއްގެ މީހުން (2) އެއްބަސް ވެގެން އުޅޭ ނުވަތަ އެއްކަމެއް ކުރުމަށް ގަސްދުގައި އުޅޭ ބައެއް
ބާސާ
ނ (1) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ދަންނަވާ ޘަނާ (2) ބައިސާ (3) ތާސްބައިގައި ރަސްގެފާނުގެ ތަސްވީރު ހުންނަގަނޑު
ބާސް އެޅުން
މ ފަށަނާ އެއްކޮށް ތިންތިން މަޑުލަށް އިލި ޖެހުން
ބާސްކިހިލި
ނ ކުޅިޖެހުމުގެ އުކުޅެއް މިއީ ދަނޑިކޮށީ މީހުން ކުޅިޖަހާއިރު ދެމީހުން ދެމީހުންނަށް ޖަހާ އެތި ފަހަރެކެވެ
ބާޑިފަށް
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސްފަސްގަނޑާ ގުޅޭ ހިސާބު (2) ހޭޅިފަށް (3) އަތިރިޔާ އެންމެ ކައިރީގައި ގެތައް ހުންނަ ހިސާބުގަނޑު
ބާޑިޖެހުން
މ ބަޑީގެ އުންޑައިން ރަށް ދިފާޢުކުރުމަށް އަތިރިމަތީގައި އުސް ފަސް ފަސް ގަނޑު ޖެހުން
ބާޑީ
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސް ފަސްގަނޑު (2) ބަޑީގެ ޙަމަލާތަކުން ދިފާޢުވުމަށްޓަކައި ވެލި ބަސްތާތަކުން ޖަހާ ހުރަސް (3) ރަށްރަށުގެ ގިރާ ދިމަދިމާގައި ގިރައިގެން ދިޔަ ނުދިނުމަށް ޖަހާހުރަސް (4) ފަޅުތެރެއިން ބިން ހިއްކުމަށް ދޫކުރާ ހިސާބު
ބާޒާރު
ނ (1) ފިހާރަތައް ހުންނަ ސަރަހައްދު (2) ތަކެތި ގަނެ ވިއްކާ އުޅޭތަން
ބާޒާރުމަތި
ނ ފިހާރަތައް ހުންނަ ހިސާބުގަނޑު