radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ބޮޅު
ނ (1) ވަށްކޮށް ދެކޮޅު ޖައްސައިފައި އޮންނަފަށް. (2) ރިހާކުރާއި ކަރު ހަކުރު ފަދަ އޮލައެއްޗެހި އިނގިޔަށް އޮޅައިލައިގެން ނެގޭމިންވަރު. (3) އުޔާއި ފަށުތްވާއި ބާދަލާފަދަތަކެތި އެކިމިންވަރަށް އޮޅައިފައި އޮންނަ ފަށްތައް މިހުންނާނީ މެދުން ގޮށެއް ޖަހައިލައިފައި ނުވަތަ އެއްޗަކުން އައްސައިލައިފައެވެ
ބޮޅުފަތި
ނ (1) ރާވައިލީމާ އަނގޮޓިޔަކަށް ވާނޭހެން އެއްބޮޅު އަނެއްބޮޅަށް ލައިމެހިފައި އޮންނަ ކޮންމެ ބޮޅެއްގައި މާވަތެއް ޖަހައިފައިވާ ބޮޅުތަކެއް (2) ލަނބައިފައި އޮންނަ ނަރުގަނޑަކަށް އަޅުވައި ނައްޓައި ހެދުމަށް މަހައިފައި އޮންނަ ބޮޅުތަކެއް މިއީ ކުޅިވަރެއްގެ ގޮތުންނާއި ފޫހި ފިލުވަން ގެންގުޅޭ އެއްޗެކެވެ (3) ލާމަހައިފައި އޮންނަ ބޮޅުތައް
ބޮޅުޖެހުން
މ (1) އުއި ފަށުވި ކަސަބު ފަދަ ތަކެތި ބޮޅުބޮޅަށް އޮޅައިފައި ގޮށްޖެހުން (2) ދިޔާ ހަކުރުފަދަ އޮލަ ތަކެތިން އިނގިލި ގުދުކޮށްލައިގެން ނެގޭވަރަކަށް ނެގުން
ބޮކަށްއެރުވުން
މ އަތުންޖަހާބަޑި ގޮއްވައިލަންހުންނަތަން ފާލަށް އެރުވުން
ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ބޮކިއެނދުން
މ (1) އެލެކްޓްރިކް ބޮކީގައި ހުންނަ ނަރުކޮޅު އަނދައިގެން ނުދިއްލޭގޮތްވުން (2) މަޖާޒު: ލޯކަނުވުން
ބޮކިލުން
މ (1) އެއްޗެއް ރާމާވެގެން ނުވަތަ ކުނިވެގެން އޭގެ މައްޗަށް ބޮކިއެރުން (2) އެލެކްޓްރިކް ބޮކިޖެހުން ނުވަތަ ހަރުކުރުން (3) ބޮކިފަތިދެމުން
ބޮކުބާރު
ނ މަޖާޒު: ތިމާގައި ހުރިކަމަށް ހީކުރާ ޙަޤީޤަތުގައި ނެތްބާރު
ބޮކޮބޮކޮޖެހުން
މ (1) ގަޑަގަޑަލުން (2) ފެންކެކޭއިރު ފެނުގެތެރެއިން ބޮކިޖެހުން
ބޮއި
ނ (1) ތަނެއް ނުވަތަ އެއްޗެއް ފާހަގަކުރުމަށްޓަކައި ފެންމަތީ އޮންނާނެހެން ހަރުކޮށްފައި ނުވަތަ އުޅަނދުފަހަރު އެޅުމަށް ފެންމަތީ އޮންނާނެހެން ހަރުކޮށްފައި އޮންނަ ކޮންމެ އެއްޗެއް (2) އުޅަނދުފަހަރު ތަނެއްގައި ނުވަތަ އެއްޗެއްގައި ޖެހިގެން ގެއްލުމެއްވިޔަ ނުދިނުމަށް ކައިރިފަށުން ބޭރުން އެލުވައި ހަރުކޮށްފައި އޮންނަ އެއްޗެއް (3) ބުއިން މިބަހުގެ ވާކަމާއި އަމުރު
ބޮއިފަތާނޑާ
ނ )ގ ( ކުނަލުގައި ޖަހައިފައި ހުންނަ ބޮއިފަތް
ބޮއިފަތްޖެހިކުނާ
ނ ހަތަރު ކަނުގައި ބޮއިފަތް ޖަހައިފައި ވިޔާ ތުނޑު ކުނާ މިއީ ކުނަލުގެ ވަރަށް މޮޅު ބާވަތެކެވެ
ބޮއިލަރު
ނ އިންޖީނު ހިންގުމަށް އާވި އުފައްދާ ތާނގީ
ބޮއް
ނ (1) ފެނުގައްޔާއި އެއްގަމުގައި އުޅޭ ފުމެމުން ހިނގާ އަނގަބޮޑު ސޫތްޕެއް (2) އަތްމަތީ ހަތިޔާރު )އަތުންޖަހާބަޑި( ގޮއްވައިލަން ނައްޓައިލާ ތަން މިއީ އިހުގައި ކިޔާ އުޅުނު ގޮތެކެވެ (3) މަޖާޒު: ޅަކުދިން
ބޮއްކުރާ
ނ ދޯނިފަހަރު ބަންނަ ގޮތަށް ބަނދެފައި ހުންނަ ކުޑަ އުޅަނދެއް މިބަނދެފައި ހުންނަނީ ކޮލި ބޮޑުކޮންނެވެ. މިއީ ފަލިޖަހައިގެން ނުވަތަ ރިތުގެ ބޭނުންކޮށްގެން ދުއްވާ އެއްޗެކެވެ މި ކުރިން ޢާއްމުކޮށް ބޭނުންކޮށް އުޅެނީ ދަތުރުވެރިން އޮޑިފަހަރަށް އަރާ ފޭބުމަށެވެ މީގައި ކުނބެއް ހުންގާނެއް ނުހުންނާނެއެވެ
ބޮއްކުރާދޮށަށް އޮޑިކެނބުން
މ މަޖާޒު: (1) ފިރިހެނުން ހޯދަން އަންހެނުން ދިއުން (2) ނޯކަރު މީހާގާތަށް ސާހިބުމީހާ ކަންތަކާ ދިއުން
ބޮއްފަތި
ނ (1) ވިހައިފައި ވަކިވަކި ނުވެ ހުންނަ ޅަބޮއްތައް (2) މަޖާޒު: ޅަކުދިންތަކެއް
ބޮލަށްކޮށްޕި
ނ (1) ބޮލުގައި އަޅާން ކައިރީގައި ރޫޖައްސައިފައި ގޮނިކޮށް ފޮތިން ފަހައިފައި ހުންނަ އެއްޗެއް. (2) މޫނު ފިޔަވައި ބޮލާއި ކަނދުރާޔާއި ކަރާއެކު ނިވާވާނޭހެން ބޮލަށް ފައްތާން ވިޔެފައި ހުންނަ އެއްޗެއް
ބޮލާއެޅުން
މ (1) ގުޑިފަދަތަކެތި އަރުވައިފައި ހުއްޓާ ބޯކޮޅު ވަތަށް ތިރިޔަށް އައުން މަޖާޒު: (2) މީހެއްގެ ނަސީބު ދެރަވާން ފެށުން (3) ފަސޭހަނުވާނެޔޭ ހީވާވަރުގެ ބައްޔެއް ޖެހުން
ބޮލާފޮށާއެޅުން
މ (1) އަނދެގެން ހުންނަ އެއްޗެއްގެ ތިރީކައިރި ފުރަގަހުން ނަގައި މޫނާއި ބޮލާ ނިވާކުރުން (2) ބޭޒާރުވުން މަޖާޒު: (3) އަލިފާން ނުފެންނަ ވަރަށް މަތީގައި އަޅިބުރުން