radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ލޯލިތައްކޮޅަށްޖެހުން
ގބ (1) ބިރުގަތުމުގެ ސަބަބުން ނުވަތަ ރުޅިއައުމުގެ ސަބަބުން ނުވަތަ މިނޫންވެސް އިޙުސާސަކުން ގައިގައި ހުންނަ ލޯލިތައް ކޮޅަށް ޖެހުން. (2) ވާހަކައެއް އިވިގެން ނޫނީ ތަނެއް ނުވަތަ އެއްޗެއް ފެނިގެން ކުރި އިޙުސާސު ބަޔާންކުރުމަށް ބުނާގޮތް (3) ހީބިހި ނެގުން
ލޯގަނޑު
ނ (1) މޫނު ބެލުމަށްޓަކައި ތައްޔާރުކޮށްފައި ހުންނަ ރަހަލީ ބިއްލޫރި (2) ލޮއިން ހަދައިފައި ހުންނަ ކަންވާރެއް މިއީ އެކިއެކި އެއްޗިހި ކައްކަން ބޭނުންކުރާ އެއްޗެކެވެ (3) ނަމޫނާ ކުރަޔާ އެކުގައި މީހުން އަތް ދޮއްވައި ކޯދޮއްވައި ހަދަން ގެންގުޅޭ ކަންވާރު (4) ލޯ ތާނެއްގެ ބައެއް
ގަނޑުކާގަނޑު
ނ (1) އެއްވައްތަރެއްގެ ތަކެތީގެ ތެރެއިން ހޮވައިވަކި ކުރުމެއްނެތި (2) ހުރިހާ ބާވަތެއްގެ ތަކެތި އެއްކޮށް މިސާލު: ހުރިހާ ފިޔާތައް ގަނޑުކާގަނޑު އެއްކޮށްނެގީ ދޮންމަނިކެވެ
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ގަނޑުގަތުން
މ (1) ދިޔާ އެއްޗެއް ގަނޑުވުން މަޖާޒު: (2) ކަމަކަށް ނުވާ ކަހަލަ ކަންތައް ކުރުން (3) އަގެއް ނުހުންނަ ގޮތަށް މަސައްކަތެއް ކުރުން (4) ވިޔާ ނުދާ ކަންތައް ކުރުން
ގަނޑޯގަނޑޯ
ނ ގަނޑުފިއްލާ ކުޅޭއިރު ގަނޑު ތައްޔާރުވީމާ އެކަން އަނެއްބައިމީހުނަށް އެންގުމަށް ގޮވާލާ ގޮތެއް
ގަރާރުވުން
މ (1) ހަމަޖެހުން (2) އެއްޗެއް އަށަގަތުން (3) މަޖާޒު: އެކުގައި ހުންނަންވީ އެއްޗެއް ވަކިވަކިވުން މިސާލު: ވެއްޓިޖެހުނުލެއް ބާރުކަމުން އަރިކަށީގެ ކަށިތައް ގަރާރުވެއްޖެއެވެ
ގަރީނާ
ނ ކަމެއް ސާބިތު ކުރުމަށް ފުދޭފަދަ ކަންތައްތައް
ގަރީނާ ލިބުން
މ ކަމެއް ސާބިތު ކުރުމަށް ފުދިދާފަދަ ކަންތައްތަކެއް ފެނުން
ގަޅިހެރާ
ނ )ގ ( ރާވެރިން ރުކަށްގެންދާ ބަދިތަކާއި ގުޑިތައް
ގައިހެދުން
މ (1) ދޫނިސޫފާސޫފި އޭގެ ފަތްގަނޑު ރީތިކުރުމަށްޓަކައި ފިޔަގަނޑު ތަޅުވައި ތުނބުން ގައިގެ ފަތްތައް އޮމާންކުރުން (2) މަޖާޒު: ހެދުމާއި އިސްތަށިގަނޑު ރީތިކުރުމަށް އިރުއިރުކޮޅާ އެކި ގޮތްގޮތްހަދައި ފަރިބަލައިހެދުން
ގައިއުނގުޅުން
މ ގައިގައި ހުންނަ މިލަތައް ފިލުވައި ސާފުކުރުން
ގައުބޮލާ
ނ )ސ ( ފަރުމަހުގެ ބާވަތެއް މިއީ ތަންކޮޅެއް ބޯބޮޑެތިކޮށް މަސްގަނޑު ހިމަކޮށް ހުންނަ މަހެކެވެ ހުޅުނބުތައްވެސް ބޮޑެތިވާނެއެވެ މިމަހުގެ ކަރުތާފަތާއި ދިމާއިން ދެފަރާތުގައި ދެހިލަ އޮންނާނެއެވެ
ގަމަތްދިނުން
މ ނަމާދަށް ތައްޔާރުވުމުގެ ގޮތުން ގަމަތުގެ އިބާރާތް ކިއުން
ގަދަވުން
މ (1) ބަލިން ސަލާމަތްވުން (2) ކުޅޭބައެއް ކުޅިވަރުން މޮޅުވުން (3) ވަރުގަދަވުން (4) ވައިބާރުވުން މިސާލު: ވައިގަދަވުން (5) ކަނޑުބޮޑުވެ ރާޅުތައް އުފުލުން މިސާލު: ކަނޑު ގަދަވުން (6) ބައެއްކަންތައް ހުންނަންވީ ވަރަށްވުރެ މައްޗަށް ދިއުން މިސާލު: )ހ( ރުޅިގަދަވުން )ށ( ހުންގަދަވުން
ގަލަމުދެލި
ނ ގަލަމަށް އަޅައިގެން ލިޔަން ތައްޔާރުކޮށްފައި ހުންނަ ދެލި
ގަސް
ނ (1) ބިމުން ފަޅައިގެން ބިމަށް މޫލައި ހެދޭ އެއްޗެއް މީގައި ގަސްކަނދަކާއި މުލާއި ފަތް އެކުލެވެއެވެ މިއީ ތަފާތު އުސްމިނަށް ތަފާތު ވައްތަރު ވައްތަރަށް ހުންނަ އެއްޗެކެވެ މީގެ ތެރޭގައި ބޭހަށާއި އިންސާނުންގެ ކެއުމަށާއި ލަކުޑިއަށާއި ދަރަށް ބޭނުންކުރާ ބާވަތްތައް ހިމެނެއެވެ އިންސާނުންގެ ކެއުމަށް ބޭނުންވާ މައިގަނޑު ބައިތައް ލިބެނީ މިއިންނެވެ (2) ފެނުގައި ހެދޭ މުލާއިފަތާއި ގަސްކަނދު ހުންނަ ބާވަތްތައް (3) ގަސްގަހުގެ ސިފައިގައި ހަދައިފައި ހުންނަ އެއްޗެހި
ގަސްހަމަކުރުން
މ )ބ ( ފޭލިވިޔުމުގައި ގޮޅިތައް އެއްވަރަށް ބައިކޮށް މިންތައް އެއްވަރު ކުރުން
ގަސްބޮނޑި
ނ ތިރިކޮށް ބައިބަޔަށް ނުވަތަ ފުނިފުންޏަށް ހުންނަގަސްތައް
ގަސްފުނި
ނ ބޮނޑިއަކަށް ހެދިފައިވާ ގަސްތައް