radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ވައިނޮޅިދުވަނި
ނ ދުވަނީގެ ބާވަތެއް މިބަލީގައި ވާގޮތަކީ ވައިނޮޅި ދުޅަވެގެން އެއްޗެއް ނުދިރެނީއެވެ
ވައިކަރަދޫ ބޮޑުރޯނު
ނ އިހުޒަމާނުގައި ދިވެހި ގުރާބުތަކުގެ ބޭރުގައި ހަރުކުރަން ތައްޔާރުކުރާ ރޯނެއް. މިހަރުކޮށްފައި ހުންނަނީ ބޮނޑިބޮނޑިހުރިގޮތަށެވެ. މިހަރުކުރުމުގެ ބޭނުމަކީ ބަޑީގެ އުންޑައިން އުޅަނދު ސަލާމަތް ކުރުމެވެ
ވައިކިހުނު
ނ ކިހުނުގެ ބާވަތެއް މިބަލީގައިވާގޮތަކީ ލޭއައުމެއް ދޮސްއައުމެއް ނެތި ދަށްބަނޑު ފުއްޕައިފައި ރިހުމާއެކު އާދަޔާ ޚިލާފަށް ކުޑަކަމު ދާންވަނީއެވެ
ވައިކުޑަ
ނ ވައިގެއެހީގައި މަތިން ތިރިއަށް ރައްކާތެރިކަމާއެކު މީހުން ބޭލުމަށް ލުއިފޮތި ފަދަ އެއްޗަކުން ހަދައިފައިވާ ފަތްޖަހާ ކުޑައެއް މިކުޑަ ގިނައިން ބޭނުންކުރަނީ މަތިންދާބޯޓުން އެއްގަމުގެ އެކި ތަންތަނަށް މީހުން ބޭލުމަށެވެ
ވައިއެނބުރުން
މ (1) ޖެހޭވައި އެކިދިމަދިމާއަށް ބަދަލުވުން މިހެންވަނީ ދެމޫސުން ބެދޭ ދުވަސް ވަރަށެވެ (2) މަޖާޒު: ކަމެއްރާވާގޮތް ނޫން އެހެން ގޮތަކަށް ބަދަލުވުން
ވައިފުޅި
ނ ގޭހުގެ ބާވަތްތައް ބަންދުކޮށްފައި ހުންނަ މަޢުދަނީ ފުޅި
)އުރަވަޅީ ވައި( ވައިފޭބުން
ނ ބައްޔެއްގެ ނަން މިބަލީގައި ވާގޮތަކީ ދަށްބަނޑަށް ތަދުވުމާއިއެކު ވައިގެ ސަބަބުން އުރަވަޅި ބޮޑުވަނީއެވެ
ވައިދަށުވަތް
ނ އޮޑިދޯނިފަހަރުގެ ކޮޅުވަތާއި ޖެހިގެން ކޮޅުފަހަން ހުންނަ ވަތް )ވައުތަކާއި އެއްޗެތި އަޅައިފައި ހުންނަނީ މިވަތަށެވެ
ވައިލުން
މ މަޢިދާގައި ހެދޭވައި އަނގައިން ބޭރުކުރުން ގިނަ ފަހަރަށް މިވައި ނުކުންނަނީ އަޑަކާވެސް އެކުގައެވެ
ވައިގުޅަ
ނ ބަނޑުގެ އެކި ދިމަދިމާގައި ރިހޭވައި ގިނައިން މިކަހަލަ ވައިގަނޑުގަނޑު ހުންނަނީ އެއްތަނެއްގައި ކޮށިވެފައެވެ
ވައިގުޅިޖެހުން
މ "ވައިގުޅީ" ގައި ބަޔާންކޮށްފައިވާ ގޮތަށް ޢަމަލުކުރުން މީގައި ގުޅީގެ ބަދަލުގައި ކައިރިފަށް ބޯކޮށް ހުންނަ ތަށިވެސް ޖަހައި އުޅެއެވެ ފޮތިކޮޅަކަށް ވެލިއަޅައިގެން ބަނދެފައި އޭގެކޮޅު ކާށި ތެލުން ތެންމާ ރޯކޮށް ބަނޑުމަތީގައި ބަހައްޓައިފައި އޭގެމަތިން ގުޅިއެއްޖެހުން މިކަންކުރަނީ ބަނޑުގައި ވައިހެދިގެން ރިއްސާތީއެވެ
ވައިގުގޫ
ނ ގަހެއްގެ ކިރެއް މިހުންނަނީ ހިއްކައިފައެވެ މިއީ ދުން އަޅާށާއި ބޭހަށް ގެންގުޅޭ އެއްޗެކެވެ މީގެ ދެބާވަތެއް ހުރެއެވެ އެއީ ބިސްވައި ގުގުލާއި ވައިގުގުލެވެ
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައުބަލި
ނ ހަށިގަނޑުގެ ގުނަން ގުނަނަށް ޖެހޭ ބައްޔެއް މިބަލީގައި ވާގޮތަކީ އެގުނަވަނުގެ ބާރުމުޅީން ނެތެނީއެވެ އަދި އެގުނަވަނުގެ ބާރުނެތުނީމާ ދުވަސްކޮޅަކުން ހިމަވެސްވެދެއެވެ
ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވައްބަހުންޖެހުން
މ މީހަކު ކުރާ ކަމަކާއިމެދު އެހެން މީހުންނަށް އެކަމެއް އޮޅުން ނުފިލާނޭ ގޮތަކަށް އެމީހާއާއި ދިމާއަށް އެއްޗެއް ބުނުން މިހެން ގިނައިން ބުނަނީ އެމީހާ އާއި ދިމާޔަށް ބުނިއެއްޗެއް ނޫންކަމަށް ހަދައިފައެވެ
ވައްކަކުޅު
ނ )ގ.( (1) ވައްފުފުޅި މިބަސް "ވައްކަކޮޅެ" މިހެންވެސް ކިޔައެވެ (2) ދޮންދޫނީގެ ތެރޭގައި ފިޔައިގައި ކަޅުތިކެއްޖަހައިފައި ހުންނަ ވައްތަރުގެ ދޮންދޫނި
ވައްވައްޖެހުން
މ (1) ކުއްތާ ރުޅިއައިސްގެން ގޮވުން. (2) ރުޅި އައިސްގެން މީހަކާ ދިމާޔަށް އެއްޗެހި ގޮވަން ފެށީމާ އެމީހާ އެއެއްޗެތި ގޮވާމީހާ ނިކަމެތި ކުރުމުގެ ގޮތުން ބުނާގޮތެއް މިސާލު: އޭނާ މަށާ ދިމާއަށް "ވައްވައްޖަހަނީ" އެވެ
ވައްތަރުޖެއްސުން
މ (1) ސިފައިގައި އެއްގޮތްކުރުން (2) އެއްޗަކާ އެއްގޮތްވާނޭ ސިފަ ގެނައުން (3) ހުތުރު ސިފަސިފަ ޖައްސައި ހުތުރު ވައްތަރު ދެއްކުން ގިނައިން ވައްތަރު ޖައްސަނީ މޫނާއި އަތްފައިންނެވެ
ވައްތީނިސަރުބަތު
ނ ވައްތީނީގައި ކައްކާ ސަރުބަތު. މިއީ މޭފާރު ބޭހެކެވެ