radheef.info
ރަދީފު


ޓ
ނ ތާނައިގެ ވިހިވަނަ އަކުރު
މާވަރު
ނ (1) ގިންނޯށި. (2) ވިނައެއް. (3) ކަނޑުގައި އުޅޭ ފިރުޢައުނު މުދައުކިޔާ ވައްތަރުގެ އެއްޗެހީގެ ތެރޭ ހިމެނޭ ބާވަތެއް. މީގެ ޚާއްޞަ ވައްތަރަކީ ތިން ނޯއްޓަށްވުރެ ވިހަގަދަ އެއްޗެކެވެ )ރަތް ކުލައިގެމިނާ ފައްޗެއްހެން އޮންނަ ބޮނޑިވަރެއް
މާވައް
ނ )ޏ.ސ.( ކަންފަތު މުދި އަނގޮޓި ފަދަތަކެތީގައި އެސް ހިފަހައްޓަން ހުންނަ ވަކި
މާމަރުކުންދޮންފަނެއް
)މިސާލުބަހެއް( ކުޑަކުދިން އަމިއްލައަށް ވެއްޓުނީމާ އެއީ އެއްވެސް ކަމެއްނޫންކަމަށް ހަދާލުމަށް ބުނެއުޅޭބަހެއް
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން
މާފޭރިގަނޑޮ
ނ )ޏ ސ ( ދުމަށީގެ ހުރަސްތައް ބެހެއްޓިފައި އޮންނަ ވަކަރު
މާދާއެޅުން
މ އޮޑިދޯނި ފަހަރުގެ ހުންގާނު ހަރުކުރުމަށްޓަކައި ހުންގާނު ނުވަތަ މައްޔަލުގެ ނަރު މާދާއަށް ފެއްތުން
މާދެއްކުން
މ ފަންޑިތައިގެ ގޮތުން މާބަހައްޓައިގެން ކިޔެވެލި ކިޔަވައިފައި ކަނޑަށް މާތައް އުކައިލުން
މާތުބާ
ނ ހަތަރު ފަސްފޫޓަށް ހެދޭ ފަތުގެ ދަށުގައި ކެހެރި ހުންނަ ފަތްކުދިގަހެއް
މާތްކަލާކޮއްޓަކާ
އ މާތްﷲ އަށްޓަކައި
މާލަން
ގިނަބަޔަކު ޖަލްސާއެއް ކުރުމަށް ބައްދަލުވުމަށް ނުވަތަ ޝޯވް އެއް ބެލުމަށް ނުވަތަ ޕާރޓީއެއް ބޭއްވުމަށް ބޭނުންކުރާ ބޮޑު ކޮޓަރިއެއް ނުވަތަ ޢިމާރާތެއް
މާލަމު
ނ )ބދ ( މީހުނާ ބައްދަލުކުރާ ޚާއްޞަތަން މިސާލު: ބޮޑުކޮޓަރި
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގިނިމަސް
ނ މަހުގެ ބައްޓަން ގިނިމަހާ ދާދި އެއްގޮތަކަށް ހުންނަ ފަޅުފަޅުން ވަރަށް މަދުން ބޭނޭ ފަތިކޮށް ފުޅާކޮށް ހުންނަމަހެއް
މާސްޓަރ
ނ (1) ކަމަކަށް ކުޅަދާނަމީހާ (2) ކިޔަވާދޭ ފިރިހެނާ (3) ބޯޓުފަހަރުގެ ކެޕްޓަން
މާޓުކުރި
ނ މާއަޅައިފައި ނުވަތަ މާޖަހައިފައި ހުންނަ ޓުކުރި
މާޖަހާބުރު
ނ ފޮތީގައި މާޖަހާއިރު ފޮތިގަނޑު ވާންކޮށް ހިފެހެއްޓުމަށްޓަކައި ފޮތިގަނޑު ލައްވައިފައި އޮންނަ ބުރު
މާޖަރީން
ނ ބަޓަރުގެ ބަދަލުގައި ކެއުމަށާއި ގިތެލުގެ ބަދަލުގައި ކެއްކުމަށް ބޭނުންކުރާ ބަޓަރު ކަހަލަ އެއްޗެއް
މާޖެއްސުން
މ ގޮވާމުގެ އޮށްޓަރު މަލެއްގެ ސިފައިގައި ފޮޅެންދެން އަލިފާނުން ނުވަތަ އެނޫންވެސް ގޮތަކުން ހޫނުކުރުން
މާޗްޕާސްޓްކުރުން
މ ރަސްމިއްޔާތެއްގެ ޝަރަފުވެރި މެހްމާނަކަށް ސެލިއުޓްދީގެން އެކަމަށް ޚާއްޞަ ކުރެވިފައިވާ ބަޔަކު އެބޭފުޅެއްގެ ކުރިފުޅުމަތިން ދިއުން.