radheef.info
ރަދީފު


ޒ
އ ތާނައިގެ 91 ވަނަ އަކުރު
މަރެއްމުށްދަށުލުން
މ މަޖާޒު: (1) ބަލިވެ އިނުން (2) މާބަނޑުވުން
މަރެއްގެއެއްކޮޅުގައިހިފުން
މ މަޖާޒު: (1) ބަލިވެއިނުން (2) މާބަނޑުވުން
މަޅި
ނ (1) އެއްޗެހީގައި ބެއްދުމަށް ގޮށެއް ޖަހައިގެން ހަދާ ބޮޅެއް މި ބޮޅު އޮންނާނީ އެއްކޮޅަށް ދަމާލީމާ ބާރުވެބެދޭ ގޮތަށެވެ (2) ނަނު ރޯނު ފަދަ ތަކެތިން ހަދާބޮޅެއް މިއީ އެއްޗެހި އަޅުވަން ނުވަތަ އެއްޗެހީގައި އަޅުވަން ބޭނުންކުރާ މަޅިއެކެވެ (3) މަޖާޒު: ކެހި
މަޅިމައްޗަށް ހުނިއެޅުން
މަޖާޒު: މަކަރާއި ހީލަތުން އަނެކަކަށް ބޮނޑިއެއްދޭން ނުވަތަ ކުށްވެރިކުރާން ރޭވުން
މަޅިމަތިވުން
މ (1) އެއްޗެއް ހިފަންވެގެން ޖަހައިފައި މަޅިއެއްގެ ތެރެއަށް އެއްޗެއްވަނުން (2) މަޖާޒު: ބޮނޑިއެއް ދިނުމުގެގޮތުން މީހަކު ރާވައިފައިވާ ރޭވުމެއްގައި ބެދޭގޮތްވުން
މަޅީގައިބެއްދުން
މ (1) ދޫންޏާއި ކުކުޅުފަދަ ތަކެތި މަޅީގައި ޖެއްސުން (2) މަޖާޒު: މީހަކަށް ކެއްސެއްދިނުން
މަކުނު ފިނދުން ވަލެއް ހުހެއް ނުވާނެ
)މުސްކުޅިބަހެއް( އެކަކުބުނާ ކޮންމެ އެއްޗަކަށް އެއްޗެއް ބުނެ ދޫނުކޮށް ޒުވާބުކުރަންފެށީމާ ބުނެ އުޅޭ ބަހެއް
މަކުނުބަލި
ނ (1) ފިރިހެންނުންނާ އެޅޭ އެޅުން މަޖާޒު: (2) މަކުނުކުޅި (3) ފިރިހެންކުޅި
މައިބަދަނެތުން
މ )ހ ( މަޖާޒު: ގެދޮރުނެތުން
މައިމޫ
ނ (1) ބައެއް ގަސްގަހުގެ މައިގަސް ގަނޑާ އެއްސީދަލަށް އަޑިއަށް ހުންނަ މޫ (2) ބައެއް ވައްތަރުގެ ގަސް ހިފެހެއްޓި ހުރުމުގެ ބާރު ލިއްބައިދޭމޫ (3) މަޖާޒު: ކަމެއްގައި ނުވަތަ ތަނެއްގައި ވެރިއެއްގެ ގޮތުން އެންމެ އިސްވެހުރިމީހާ
މައިފިއްލުން
މ (1) ކުކުޅު ހަލުގެ ޅައެއްޗެހި ވަކި ވަރަކަށް ބޮޑެތިވުމުން މައި އެއްޗާއި ދުރުކޮށްލުން މަޖާޒު: (2) ދަރިން ވަކި ވަރަކަށް ބޮޑެތިވުމުން މައިއެއްޗާއި ދުރުކޮށްލުން (3) ކުދިން ވަކި ވަރަކަށް ބޮޑުވެ އަމިއްލައަށް އުޅެވޭ ވަރުވުން
މައިދައިތަފަންވަރުވުން
މަޖާޒު: މައިދައިތަ ރުޅިއައުން
މައިދާން
ނ (1) ހާމަޔަށް އޮންނަ ތަނަވަސް ބިން. (2) ޚާއްޞަ ކަންކަމަށްޓަކައި މީހުން ނުކުމެ ތިބޭތަން. މިސާލު: ހަނގުރާމައިގެ މައިދާން. (3) މަޖާޒު: ވަކި ޚާއްޞަ ރޮނގެއް. މިސާލު: ކުޅިވަރުގެ މައިދާން ތަޢުލީމީ މައިދާން
މައިދޮރު
ނ (1) ގެއަށް ވަދެ ނުކުމެވާން ހުންނަ ބޮޑުދޮރު (2) މަޖާޒު: ފުރަގަސް ފަރާތު ދޮރު
މައިލަގޮނޑިޔަށްކެތްނުވުން
މަޖާޒު: ދަރިޔަކަށް ކިތަންމެ ކުޑަވެސް ދެރަޔެއްލިބޭ ހިނދަކު މައިމީހާއަށް ލިބޭވޭން
މައިގަނޑުނަން
ނ ޅެމާއި މަޒުމޫނު ފަދަ ތަކެތީގެ މައުޟޫޢު
މައިގަނޑުބައި
ނ (1) ޅެމާއި މަޒުމޫނު ފަދަ ތަކެތީގެ މަޤްޞަދުގެބައި (2) އަޞްލު
މައިސޯބު
ނ (1) ގަޑީގެ ކަށި އަނބުރައިދޭ ސޯބު (2) މަޖާޒު: ތަނެއްގެ އެންމެ ބޮޑު މީހާ (3) ޗާބީދޭ އެއްޗެއްގެ ކެނބު ގުޅިފައިވާ ފުއްކެނޑިބުރު ނުވަތަ ނާރެސް މިބުރު ނުވަތަ ނާރެސް އެނބުރުމުގެ ސަބަބުން އެ އެއްޗެއް ހިންގައިދެއެވެ
މައިސޯބު އެނބުރޭގޮތަށޭ ކުދިސޯބު އެނބުރޭނީ
މަޖާޒު: (1) ބޮޑެތި މީހުން އުޅޭ ގޮތަށޭ ކުޑަކުދިން އުޅޭނީ (2) ވެރިން އުޅޭ ގޮތަކަށޭ ދަށުގައި ތިބޭ މީހުން އުޅޭނީ
މައިޒާން
ނ ހުސްވަގުތުގައި. މީހުން ހިތްފަސޭހަކުރުމަށާއި މަޖާވާހަކަ ދައްކައި ޚިޔާލު ބަދަލު ކުރުމަށް ހަދާފައި ހުންނަތަނެއް. މިކަހަލަ ތަންތަން ހަދާފައި ހުންނާނީ ހުސް ތަންތަނުގައި ހިޔާބޮޑެތި ގަސްގަސް ދޮށުގައްޔާއި ހިޔާ ލިބޭ ތަންތާގައެވެ ރުއްވަކަރާއި ކަށިކެޔޮ ހޮޅުން އަށިހަދައިގެންނެވެ ފަހަކަށް އައިސް ރާނާއި ސިމެންތި ޖަހައިގެންވެސް މައިޒާން ހަދާ އުޅުނެވެ