radheef.info
ރަދީފު


ވ
ތާނައިގެ ނުވަވަނަ އަކުރު
ހުއްބުކޭން
ނ ހުއްބުކިޔަވާ މީހާއަށް ކައްކާ ބަދިގެއިން ގެންދާ ބޮނޑިބަތް މަލާފަތެއް
ހުއްދަބަލައިދިއުން
މ ގަނޑުވަރުތެރޭ ބޭފުޅުންނާއި ދައުލަތުގެ ކުރިޔަށް ތިއްބެވި ބޭފުޅުން ތިއްބަވާ ތަންތާނގެ ކައިރީގައި ތިބޭމީހުން އެބޭފުޅުން ތިއްބަވާ ތަންތާނގެ އެތެރެފެންނަވަރުގެ އުސްތާކަށް އަރަން ޖެހިއްޖިއްޔާ އެކަމުގެ އިޒުނަ ހޯދަން އެތަންތަނަށް ދިއުން
ހުއްދަކަން
ނއނ (1) ދީނުގައި ކުރުމާ ނުކުރުން ހަމަހަމަކަން (2) އިޒުނަ ލިބިފައިވާކަން
ހުއްދަކުރުން
މ (1) އިޒުނަ ލިބިގެންވާ ކަމަކަށް ހެދުން (2) ހަލާލުވާގޮތް ހެދުން
ހުއްދަވުން
މ (1) ހަލާލުވުން (2) އިޒުނަލިބިގެންވުން (3) މަނާކަންކެނޑުން
ހުއްދަފަތާ ނިކުތުން
މ އިހުގައި ހުއްދަފަތާއި ޚިލާފަށް ހިނގާ ކަންތައް މަނާކުރުމަށް ވެރިކަމުގެ ފަރާތުން ބަޔަކު ނެރުން
ހުއްދަފަތް
ނ އިހުގައި ވެރިކަމުގެ ފަރާތުން އެކިއެކި ގޮތްގޮތުން މަނާވެފައި ހުންނަ ކަންތައްކުރުމުގެ އިޒުނަދެއްވުމަށް ދެއްވާ ފަތްކޮޅު
ހުއްގަނޑަ
ނ )ސ ( (1) ހުތް ހުންނަ ޒާތުގެ ދިޔާ ތަކެތި ކަމީރުވުމުން އަރާ ހުތްފޮނު (2) މަޖާޒު: ރުޅިގަނޑު
ހުއްސަރިބައި
ނއ (1) ހުސްހަށިބައި (2) އަނތްބަކު ނުވަތަ ފިރިޔަކު ނެތް
ހުއްސަރިބައިވުން
(1) ހުސްހަށިބައިވުން (2) އަނތްބަކު ނުވަތަ ފިރިޔަކު ނެތުން
ހުއްސިމަސް
ނ ހުސްވިމަސް
ހުއްޓުން
މ (1) ނުހިނގުން (2) ނުގުޑުން (3) ނުހެލުން (4) ނިމުން (5) މަރުވުން (6) )މަލިކު( ވަރިކުރުން
ހުއްޓުންއެރުން
މ (1) ނުހިނގާގޮތްވުން (2) ވަގުތީގޮތުން މެދުކެނޑުން
ހުއްޓެކުން ފަތާވަތާ
ނ )ގ ( ކުނބުގެ ދިރުނބަލުން އޮންނަވަތް
ހުއްޔެ
ނ )ހ ( (1) ލޫޅާފަތި އަންހެނުން (2) އަންހެންކުދިންގެ ވަނަމެއް
މިކަމުގެ ހަތަރުވަނަ މާނަބަލާ! ހުއްޖެހުން
މ )ޏ.ސ.( (1) ކުޑަކުދީން ކަންކަމަށްއެދި އާދޭސް ކުރުމުގެ ގޮތުން ކުސްތެޅުން. (2) ލޯބިކުރުމުގެ ތެރޭގައި އުނހު އުނހު މިއަޑު އިއްވުން. (3) ހުނހު ހުނހު
ހުވަނދު
ނ (1) މީރުވަސް (2) މީރުވަސްދުވާތަކެތި (3) މަޖްލިސްމަޖްލިސްގައި ދޭން ގެންގުޅޭ އަތަރުފަދަ ތަކެތި
ހުވަނދު ފަރުވާ
ނ ގަސްގަހާގެއްސާއި މާމެލާމެލިން ނަގާ އަތަރާއި ހުވަނދު ބޭނުންކޮށްގެން ދޭ ފަރުވާއެއް
ހުވަނދުހެދުން
މ މަޖްލިސް މަޖްލިސްގައި ހުވަނދު ދޭން ފިނިފެނާއި މީރުވަސްދުވާ އަތަރާއި ސެންޓްފަދަތަކެތި އެއްކޮށް ތައްޔާރުކުރުން
ހުވަނދުބުލިބުލި
ނ މަޖްލިސް މަޖްލީހުގައި ދޭ ހުވަނދު އަޅައިގެން ގެންގުޅޭ ކަންވާރު