radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ބިނާޓުނޮޅި
ނ ބިނާޓުކޮށްފައި ހުންނަ ދުންބޯނޮޅި
ބިނާޓުކުރުން
މ ހުސްކަސަބުން ނުވަތަ ކަސަބާ ފަށުވިން ވިޔެގެން ދުންބޯނޮޅީގައި ކުރެހުން އެޅުން
ބިނުން
މ (1) ގަސްގަހުން މާ މޭވާ ފަތް ފަދަތަކެތި އުފުރުން (2) ކާށި ފަދަ ނާށިހަރު ތަކެތި މުގުރުގަނޑެއް ފަދަ އެއްޗަކުން ޖަހައި ދެކިބަކޮށްލުން (3) )ހ ( އަންހެނުން ދަރުކޮށުން (4) ކަނަމަދާއި ކަށިކެޔޮއޮށް ފެޅުން
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންބި
ނ ގޮވާމުގެ ބާވަތެއް މިއީ އިނގިލިތަކެއްހެން ހުންނަ ކުރާގަނޑެއްގައި ގަންނަ ފުއްކުދި ގޮވާމެކެވެ މިގޮވާމުގެ ބޭރުގައި ހިލަތޮށްޓެއް ހުންނާނެއެވެ މިހަރުވީމާ ހުންނާނީ ގަދަރަތްކުލައިގައި ނުވަތަ މުށި ކުލައިގައެވެ ނުވަތަ ކަޅު ރަތްކުލައިގައެވެ މިގޮވާމުގެ ފުއްތައް ހުންނަނީ ވަށްކޮށެވެ
ބިންބިމަރުވާ
ނ ދަނޑުގައި ހެދޭ ތޮނައެއް ބިންބި ދަނޑަކުން މީގެގަހެއް ފަޅައްޖިއްޔާ އެތާކުން ގަސްތައް މަރުވެ ބިންބިއެއް ނުހެދެއެވެ މިހުންނާނީ ފަތް ހިމަ ދިގުކޮންނެވެ މައު ހުންނާނީ ހުދު ކޮންނެވެ
ބިންބިމާވަހަރު
ނ މާވަހަރުގެ ބާވަތެއް މިހުންނާނީ ނީކުނޑިކުލައިގައެވެ
ބިންބިމޮށްގަނޑު
ނ ހުންޏާއި ހަކުރާއި އަޅައިގެން ބިންބިފުށުގައި ހިލާފޮނި ކާއެއްޗެއް
ބިންބުޅާ
ނ ބަށިކުޅުމުގައި ކޮނޑުމަތީން ނެއްޓުނީއްސުރެ ތިރިޔަށްދާގޮތަށް ޖަހާޖެހުން
ބިންބޯހަނދި
ނ )އ ( ހަނދީގެ ބާވަތެއް މިއީ ފަނޑު މުށިކުލައިގެ ދަޅައެއް އަޅާ ފެހި ނޫކުލައިގެ މަހެކެވެ ކަރުތާފަތުގެ މަތީގައި ކަޅުކުލައިގެ ލަފެއް ހުންނާނެއެވެ
ބިންވަރުނަ
ނ އިންދުމާ ނުލައި ބިމުގައި ހުންނަގަސްފެޅުމުގެ ބާރު
ބިންވަޅު
ނ (1) ފުއްޕުންލައި ކަނޑައިފައި ހުންނަ ލިޔުންގަނޑުގަނޑާއި ކުރެހުމުގައި އަޑިކޮށްފައި ހުންނަ ތަންތަން (2) ބައެއް ކުރެހުމުގެ ތެރޭން ކުރެހުމަށްވާގޮތުން ބަތާނަފެންނަތަން (3) މަޖާޒު: ނުފިލާގޮތަށް ހިތުގައިހަރުލާ ހަރުލުން
ބިންވަޅު ނެގުން
މ (1) ގަލުގައްޔާއި ލަކުޑިފަދަ ތަކެތީގައި އުފުލިފައި ހުންނާނޭގޮތަށް ކުރެހުން ގަނޑުގަނޑާއި ލިޔުން ގަނޑުގަނޑު ކަނޑައިނެގުން (2) މަޖާޒު: ނުފިލާގޮތަށް ހިތުގައި ކަމެއް ހަރުލުން
ބިންވަޅު ކެނޑުން
މ ގަލުގައްޔާއި ލަކުޑިފަދަ ތަކެތީގައި ކުރެހުމާއި ލިޔުން އަޑިކޮށް ހުންނާނެގޮތަށް ކަނޑައި ނެގުން
ބިންވަޅުނަގާ ކުރެހުން
މ ލިޔުންގަނޑާއި ކުރެހުންގަނޑު އުފުލިފައި ހުންނަހެން ފެންނަގޮތަށް ކުރެހުން
ބިންމަތިއަލިވުން
މ (1) ފަޖުރަށްލައި ދުނިޔެ މަތިން އަނދިރިކަން ފިލުން (2) ކުކުޅުހާ ގަހުން ފައިބާ ވަރަށް އަނދިރިކަން ފިލުން
ބިންމަތީގެ
ނ ބޮޑު މަސައްކަތެއް ނުވަތަ މަޝްރޫޢެއް ހިނގާ ސަރަޙައްދުގައި އެމަސައްކަތަކާއި ނުވަތަ އެމަޝްރޫޢަކާ ބެހޭ ކަންތައްތައް ހިންގުމަށް ހުންނަ އޮފީސް
ބިންމަގޫ
ނ ބިންހިމަގަހުގެ ފަތްހެން ފަތް ހުންނަ އެއަށްވުރެ ތަންކޮޅެއް އުސްކޮށްހެދޭ ފަތުގައި ތެޔޮގޮތް ހުންނަގަހެއް
ބިންމާ
ނ ހަންޑިހަތްފަޅާހެން ބިމުންފަޅާ އެއްޗެއް މިހުންނާނީ މަލެއްގެ ސިފައިގައެވެ މީގާ މީރުވަހެއް ހުންނާނެއެވެ
ބިންފާނު
ނ ކުނިތަކުގެ ތެރޭގައި ހުންނަފަނި