radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ބޭރުދަތުރު
ނ (1) ރާއްޖެއިން ބޭރަށް ކުރާ ދަތުރު (2) ބޯޓުދަތުރު
ބޭރުދަތުރުކުރުން
މ (1) ރާއްޖެއިން ބޭރަށް ދަތުރުކުރުން (2) ބޯޓު ދަތުރުކުރުން
ބޭރުގެ
ނ ރާއްޖޭގައި ކުރީގައި ގޭގެ އަޅާއިރު ބޮޑުއަށްޓާއި ކުޑައަށި ހުންނަބައި
ބޭކަނބަލުން
ނ އަންހެނުންގެ ޖަމާޢަތަށް މާތްކޮށް ބުނާގޮތް
ބޭކަލުން
ނ ފިރިހެނުންގެ ޖަމާޢަތަށް މާތްކޮށް ބުނާގޮތް
ބޭކާރު
ނއ (1) ބޭނުމެއްނެތް (2) ތާކުންތާކުނުޖެހޭ (3) ކުޑަވެސް ފައިދާއެއްނެތް
ބޭފަރާ ދަތުރު
ނ ފިލާއަޅާއިރު ގަޑިޔާއަޅައި ހިސާބުކޮށްގެން ކުރާދަތުރު. ނިޔަމިކަމުގައި ބޭނުންކުރާ ގަޑިޔަކީ ކަރުނާ މާޓަރެވެ. މިގަޑި ހަމަކޮށް ފާހުންނާނީ ޖީ އެމް ޓީ އާއެވެ
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޭގަރާރު
ނ (1) ހިތް ނުތަނަވަސް ވެފައިވާ (2) ހިތްހަމަ ނުޖެހިފައިވާ
ބޭސް އެޅުން
މ ލޮލަށާއި ނޭފަތަށާއި ކަންފަތަށް ނަމަ ބޭހުން ތިކި ޖެއްސުން. ހަށިގަނޑުގެ އެހެން ތަނެއްގައިނަމަ ބޭސްގަނޑު ބޭއްވުން ނުވަތަ ހިއްޕުން
ބޭސް ސުންބުލި
ނ (1) ޔޫނާނީ ބޭހުގެ ބައެއް ބާވަތެއް އަޅާން ތާރުކުފަނުން ވިޔެފައި ހުންނަ ކޮތަޅު (2) މަޖާޒު: އަބަދު ބަލިވެ އުޅޭ އަންހެންމީހާ
ބޭސްބޯޅަ
ނ ތިން މުގޯލި ކުޅޭގޮތަށް ކުޅޭ ކުޅިވަރެއް މިކުޅިވަރު ކުޅުމުގައި ބޯޅަޖަހަނީ މަންޑިދަނޑި ގޮތަށް އޮންނަ އެއަށްވުރެ ބޮޑު އެއްޗަކުންނެވެ
ބޭސްކުރުން
މ ޖެހޭ ބައްޔަށް ބޭސްހަދައި ފަރުވާ ކުރުން
ބޭސްގުޅަޖެހުން
މ މަޖާޒު: (1) އަފިހުން ގުޅައެއް ކައިލުން (2) މަސްތުވާ ހިކި އެއްޗެއް ކެއުން
ބޭޚޯސްވުން
މ (1) ބޭހޯސްވުން (2) ހޭނެތުން (3) ނުހަނު ބޮޑަށް އަޖައިބުވުން
ބޭޤަރާރުކަން
ނއނ (1) ނުތަނަވަސްކަން (2) ހިތްހަމަނުޖެހޭކަން
ބޭޤަރާރުވުން
މ (1) ނުތަނަވަސްވުން (2) ހިތްހަމަނުޖެހުން
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮނބިދެލި
ނ ބޮނބި އަންދައި ދެއްޔަށްވީމާ އަޅިޔަށް ނުވަނީސް ފެންޖަހައި ނިއްވައި ފައިހުންނަދެލި