radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ބަރާ އޮޑިއަކަށް ބިސްމިވެސް ބަރުވާނެ
(މުސްކުޅިބަހެއް) ބަރާވެފައިވާ އުޅަނދަކަށް ކިތަންމެ ކުޑައެއްޗެއް އެރުވިޔަސް ބަރު ބޮޑުވާނެކަން އެނގުމަށް ބުނާބަހެއް
ބަރާކުރުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެން ބަރުކުރުން (2) ފުރާދުއްވާ ތަކެތި ދުއްވަން ހެޔޮވަރުވާ ވަރަށް ބަރު ކުރުން
ބަރާވުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އެރުވުން (2) ފުރާ ދުއްވާ ތަކެތި ދުއްވަން ހެޔޮވަރަށް ބަރުކުރުން
ބަރި
ނ (1) ލާނދަލުގެ ވަށާ ކުރެތްވާއި ދިގުދަލުގެ ތިރީކުރެވީގައި ލައިފައި ހުންނަ ތިމަރަބަރު (2) ފައްތައިގެން މަސްބާނާއިރު ނަނު އަޑިޔަށް ފޮނުވުމަށް ލާބާރު (3) މަތިމައްޗަށް ނުވަތަ ފަތިފައްޗަށް ބަހައްޓައިފައިވާ ބެހެއްޓުން (4) )ގ ( ގަނޑުގަނޑަށް ހުންނަ ފިރުޢައުނު މުދާ
ބަރިގަނޑު
ނ މަސްބާނަށް ނަނު ފައްތާއިރު މިޔަވާލިގަނޑާ ނަނާ ބެދުނު ތާނގައި ލައިފައި އޮންނަ ތަޅާބުމަރެއްގެ ސިފައިގައި އޮންނަ ތިމަރަގަނޑު
ބަރީއަވުން
މ ބަރިއްޔަވުން
ބަރު
ނއ (1) ލުއިގެ އިދިކޮޅު (2) ވަޒަނުން އިތުރު (3) ބައެއްގަޑި ހިނގާއިރު އެލިފައި ހުރެގެން ދެފަރާތަށް ހެލިހެލި ހުންނަ އެތި (4) ނ ކަރުދާސް ވަޔާ ހިނގައިދާނެތީ އޭގެ މަތީ ބަހައްޓާން ގެންގުޅޭ ތަކެތި (5) ނ ސަންޑޯކުރާ ބަރު އުފުލަން ގެންގުޅޭ އެކި ވަރުގެ އާލާތް (6) ނއ މަސައްކަތް ބޮޑު
ބަރުހަތިޔާރު
ނ ބޮޑުބަޑިއާއި ޓޭންކާއި މިސައިލާއި މިސައިލުހަރު ފަދަ ބޮޑެތި ހަތިޔާރު
ބަރުކުރުން
މ (1) ވަޒަނުން އިތުރުކުރުން (2) ފުރާދުއްވާ ތަކެއްޗާއި ތަކެތި އަރުވާ ބަރާކުރުން (3) މީހަކަށް ނުއުފުލޭވަރަށް ގިނަ މަސައްކަތް ޖެއްސުން (4) ކިޔުމުގައި ބާރުލުން ބޮޑުކުރުން
ބަރުއަޑު
ނ (1) ލުއިއަޑުގެ އިދިކޮޅުއަޑު. (2) ތަޖުވީދު ޢިލްމުގެ ހަމައިގައި އަކުރެއްގެ އަޑު ނެރޭއިރު ދުލުގެ ފަހަތުކޮޅު މަތީތައްޔާއި ދިމާއަށް އުފުލައިގެން ކިޔާގޮތް. މިސާލަކަށް: ލަފްޒު ﷲގެ ލާމު ބަރުކުރުން (3) ބުންކަމެއް އެކުލެވޭ ފަލައަޑު
ބަރުފަށުވި
ނ ސުތުއްޔާ ފަށުވިން ވިޔެފައި ހުންނަ ފޮއްޗެއް
ބަރުފޯސް
ނ ސިމެންތިޖެހުމުގައާއި ވަޑާންކުރުމުގެ މަސައްކަތުގައި މަތީދާރައިގައި ބޭރަށް ފުއްޕުން ލައިފައި ނެރެފައިހުންނަބައި )މިގޮތަށް އެންމެ ތިރީގައި ދޮރުތަކުގެ ވަށައިގެންނާއި ފަންގިފިލާނިމޭ ހިސާބު ފާހަގަ ކުރުމަށް ނެރެފައި ހުންނަ ބަޔަށްވެސް މިހެން ކިޔައެވެ
ބަރުތީލަ
ނ (1) އިހުގައި ރަށްރަށުގެ ވެރިންގެ ފަތްކޮޅާއި ދޮށުންގެ ރަށްރަށްލިޔެ ދިނުމުގެ މައްޗަށް ދޭންޖެހޭ ފައިސާ (2) ވެދުން
ބަރުތީލަކުރުން
މ (1) އިހުގައި ރަށްރަށުގެ ވެރިންގެ ފަތްކޮޅާއި ދޮށުންގެ ރަށްރަށް ލިޔެ ދިނުމުގެ މައްޗަށް ދޭންޖެހޭ ފައިސާ ދިނުން (2) ވެދުން ހުށަހެޅުން
ބަރުސުތުލި
ނ ފަށުވިވައްތަރުގެ ސުތުއްޔަކުން ވިޔެފައިހުންނަ ބަރު ފޮއްޗެއް
ބަރުޒަންޖީމައުލޫދު
ނ އައްސައްޔިދު ޖަޢްފަރުލްބަރުޒަންޖީ ހެއްދެވި މަޢުލޫދު
ބަރޮސްބަލި
ނ ހުދުބަލި. މިއީ ހަމުގައި ހުދުކުލަ ޖެހުމަށްފަހު ފިތްގަނޑެއްހެންބޯވެ ކަހައި ފެންފައިބާ ބައްޔެކެވެ
ބަބުނަ
ނ ފޭރާންކުރާއިރު ދުޅަނަގާން ގެންގުޅޭ ފަލަލާއެއް މިއީ ހަލާ ދަނޑިޔާ ޖެހިގެން މަގަތަށް އޮންނަ ދަނޑިއެކެވެ
ބަބުނަބޮލި
ނ ބޮލީގެ ބާވަތެއް މިބޮލީގެ މަތީބައިގައި މަޑުއަޅި ކުލަޔާއި އެއަށްވުރެ ގަދައަޅި ކުލަ ހުރެފައި މިބައިގެ ވަށައިގެން ރީނދޫ ކުލަޔަކަށްދާ ރޮނގެއް ހުންނާނެއެވެ
ބަބުރުހަނދި
ނ ފަނިހަނދީގެ ބާވަތެއް މިއީ މުޑަހަންޖާ ވައްތަރު ގަދައަޅިކުލައިގެ މަހެކެވެ މިމަހުގެ އަނގައިގެ މަތީ ތަލީގައި ދެބަރިއަކަށް ދަތްހުރެއެވެ އެއީ ކޮޅަށް އޫކޮށް ވަރުގަދައަށް އުފެދިފައި ހުންނަ ދަތްބަރިއަކާއި އޭގެ އެތެރޭން ހުންނަ ކުދި ދަތްބަރިއެކެވެ ތިރީބައިގައި ހުންނަނީ ގަދަފަދަ ދަތްބަރިއެއް އެކަންޏެވެ މިމަހަށް "ކަޅަހަނދި" ވެސް ކިޔާއުޅެއެވެ